Lebi 24:9 - Sră Goh 2018

⁹ Piang lă hơ̆ gơrê bal mơ Arôn mơ ală kòn klau khai dê, bol khai pal sa piang lă hơ̆ tòm tiah sàng goh, tài bơh gơ la pơnah sàng goh rlau jơh tòm pơnah bol khai ơn lơh gơs phan ơn chu tòm ồs Yàng Jehôwa in.”

Lebi 24:9 ပူးပေါင်းရင်းမြစ်များ

Lik Ejiptơ 27:21

Tòm dơlam Sàl Tòm Mat, đah bơdìh bài kơrnìng di đap đài Bơta Cơng Tàng, Arôn mơ ală kòn klau khai dê pal rcang ală ồs đèng àng sùm di đap Yàng Jehôwa bơh trồ mang jơl àng drim. Hơ̆ la dô bơta sồr lam gam sùm sùm cau Israel in tòm ală rài.

Lebi 10:12

Môise đơs mơ Arôn, Eleajar mơ Ithamar la bàr nă kòn klau gam wơl Arôn dê lah: “Ai tĕ phan ơn mơ kơmbuh phe gam tơngkah wơl bơh phan ơn duh khoai ngui ồs pơdơng Yàng Jehôwa in mơ sa tĕ ò bơcă mơ kañ rềp di cơnòng duh khoai, tài bơh la dô nơm phan sàng goh ngan.

Lebi 10:17

“Ñchi bơh tài bol mê ò sa phan ơn tơwài glài tòm tiah gơrê bal mơ hìu duh khoai taih? Hơ̆ la phan sàng goh rlau jơh; gơ neh geh ai bol mê in nàng tă sang bơta tồi glài mpồl jơnum dê kơnòm di phan ơn tơwài glài bol khai in di đap Yàng Jehôwa.

Lebi 21:22

Khai rgơi sa phan sa sàng goh rlau jơh Yàng Tom Trồ khai dê, kung rgơi sa phan sa sàng goh;

Lebi 24:10

Mơ tai, gơs dô nă kòn klau gơs mè la dô nă cau Israel mơ bèp la dô nă cau Ejiptơ lik lòt digùl ală cau Israel, mơ dô bơta tòmlơh neh gơlik gơs tòm sàl digùl kòn klau hơ̆ mơ dô nă cau Israel.

Lebi 3:17

Do la dô jơnau sồr gam sùm sùm ală rài rơp tus in, bulah ơm tiah lơi: Bol mê ò di sa dơngi hala mhàm.

Lebi 6:11

Lồc behơ̆ khai pal hồ ală ồi ào hơ̆ mơ soh ală ồi ào ndai, mơ cèng bùh hơ đah bơdìh sàl ơm di dô bă tiah neh ơn is sàng goh.

Lebi 6:16

Arôn mơ ală kòn klau khai dê rơp sa pơnah gam wơl bơh phan ơn hơ̆, mơya pal sa ò gơs kañ di dô bă tiah sàng goh, bol khai pal sa gơ di ƀlàng jơng gùng Sàl Tòm Mat dê.

Lebi 6:9

“Ai tĕ Arôn mơ ală kòn klau khai in jơnau sồr do: Do la ală sơnoa rnoas bơh phan ơn chu pơrguc: Phan ơn chu pơrguc pal lòi gơ ơm hơđang cơnòng duh khoai mang àng, jơl tus àng drim, mơ ồs pal sa hơng sùm hơđang cơnòng duh khoai.

Lebi 8:3

mơ hòi pơjum jơh dô mpồl làng bol di tiah mut Sàl Tòm Mat dê.”

Lebi 8:31

Gen Môise đơs mơ Arôn mơ ală kòn klau khai dê lah: “Gơm tĕ poac di tiah mut Sàl Tòm Mat dê mơ sa tềng hơ̆ bal mơ piang lă bơh tòm bài ală phan ơn bơta pơjum pồ bơtào dê, jat be añ neh sồr mơ đơs lah: ‘Arôn mơ ală kòn klau khai dê pal sa gơ.’

Malaci 1:12

Mơya bol mê neh lơh ngkòr ngkàc di sơnđan Añ tòm tŭ bol mê đơs lah: “Cơnòng duh khoai Yàng Jehôwa la ƀơ̆ ƀơl,” mơ đơs bơh phan ơn hơđang cơnòng lah: “Hơ̆ la phan pal sền òsơp.”

Mathiơ 12:4

Khai neh mut tòm hìu Yàng Tom Trồ dê, sa piang lă pơdơng, la piang lă mơ khai mơ ală cau lòt jat ò geh gơnoar sa, lòi mìng ală cau gơnoar ơn phan duh khoai in lơm.

Jơnau Niam Jat Mak 2:26

Tòm rài Abiatha la cau gơnoar dờng lam bồ ơn phan duh khoai, Dabit mut tòm hìu Yàng Tom Trồ dê, sa piang lă ơn pơdơng mơ kung ai ală cau jat khai in sa sơl, la piang lă mơ ò gơs cau lơi geh gơnoar sa, lòi mìng ală cau gơnoar ơn phan duh khoai in lơm.”

Luka 6:4

Mbe lơi khai mut tòm hìu Yàng Tom Trồ dê, ai piang lă pơdơng mơ sa, kung ai ală cau jat khai in sa sơl, la piang lă mơ ò gơs cau lơi geh gơnoar sa, mìng lòi ală cau gơnoar ơn phan duh khoai in lơm.”

I Samuel 21:6

Behơ̆ cau gơnoar ơn phan duh khoai ai khai in piang lă sàng goh tài bơh tềng hơ̆ ò gơs piang lă lơi ndai rlau mơ piang lă ơn pơdơng duh khoai, mơ cau neh tă bơh di đap Yàng Jehôwa nàng ơn piang lă pa tòm ngai hơ̆.