Lebi 22:18 - Sră Goh 2018

¹⁸ “Yal tĕ mơ Arôn mơ ală kòn klau khai dê bal mơ jơh ală cau Israel mơ đơs lah: ‘Dilah cau lơi tòm bol mê, bulah la cau Israel hala cau làng bơdìh ơm tòm Israel, ơn dô nơm phan ơn lơh gơs phan chu pơrguc Yàng Jehôwa in nàng lơh gơlik wil tơl dô jơnau neh srat să tòmho hala lơh gơs dô nơm phan ơn jat nùs kòñ,

Lebi 22:18 ပူးပေါင်းရင်းမြစ်များ

II Yal Yau 31:14

Kôre kòn klau Imma cau Lebi, la cau kơp gàr Mpồng Dờng đah mattơngai lik, gơs broă tòm sền gàr ală phan jat nùs cau kòñ ơn Yàng Tom Trồ in, tòmpà ală phan neh ơn Yàng Jehôwa in bal mơ ală phan ơn is sàng goh rlau jơh.

Đơs Crih 116:14

Di đap jơh làng bol Kơnràñ dê, Añ rơp tơm Yàng Jehôwa in ală bơta añ neh ho pơgon.

Đơs Crih 116:18

Di đap jơh làng bol Kơnràñ dê, Añ rơp tơm Yàng Jehôwa in ală bơta añ neh ho pơgon.

Đơs Crih 22:25

Bơh Yàng gơlik bơta jòng ro añ jê digùl mpồl jơnum dờng; Añ rơp tơm sir ală jơnau ho pơgon añ jê di đap ală cau duh rngòt di Yàng.

Đơs Crih 56:12

Ơ Yàng Tom Trồ, añ pal lơh jat jơnau añ neh ho pơgon mơ Yàng; Añ rơp tơm wơl phan ơn duh khoai ưnngài Yàng in.

Đơs Crih 61:5

Ơ Yàng Tom Trồ, bơh Kơnràñ neh kơno jơnau ho pơgon añ jê, Kơnràñ neh ai añ in phan jơtài ală cau duh rngòt di sơnđan Kơnràñ dê.

Đơs Crih 61:8

Behơ̆ añ rơp đơs chò jòng ro sơnđan Kơnràñ sùm sùm, Nàng añ tơm wơl jat ală bơta ho pơgon añ jê kòp ngai.

Đơs Crih 65:1

Ơ Yàng Tom Trồ, Kơnràñ pal geh jòng ro tòm Siôn; Mơ cau rơp tơm Kơnràñ in bơta bol khai ho pơgon.

Đơs Crih 66:13

Añ rơp mut tòm hìu Kơnràñ dê bal mơ phan ơn chu duh khoai, Añ rơp tơm Kơnràñ in ală bơta ho pơgon añ jê,

Lik Ejiptơ 12:5

Kup tĕ bơh di mpồl belàt hala mpồl bol mê dê dô nơm belàt dam hala dô nơm be dam tơl dô nam ò sồt rmàñ.

Cau Bơto 5:4

Tòm tŭ mê lơh bơta ho pơgon mơ Yàng Tom Trồ, bañ lơh òbat tơm wơl; bơh Kơnràñ ò niam nùs di cau bơrngơl gơla: behơ̆, lơh tĕ wil tơl ală bơta mê neh ho pơgon.

Lebi 1:10

Dilah phan ơn duh khoai la dô nơm phan ơn chu pơrguc bơh di mpồl belàt, la belàt hala ală be, gen khai pal ơn dô nơm belàt hala be dam ò gơs tềl sồt rmàñ.

Lebi 1:2

“Đơs tĕ mơ cau Israel lah: ‘Tòm tŭ cau lơi tòm bol mê cèng ơn dô nơm phan ơn duh khoai Yàng Jehôwa in gen cèng tĕ dô nơm phan poan jơng bơh tòm mpồl kơnrồ hala mpồl belàt.

Lebi 17:10

‘Cau Israel lơi hala cau làng bơdìh lơi ơm digùl cau Israel sa mhàm lơi gen Añ rơp wèt mat tòmdră mơ cau hơ̆ la cau sa mhàm, mơ rơp tă sang khai bơh di làng bol khai dê.

Lebi 17:13

Cau Israel lơi hala cau làng bơdìh lơi ơm digùl bol mê lòt mòc mơ geh dô nơm phan poan jơng hala dô nơm sềm rgơi sa poac gen pal lơh gơtuh jơh mhàm gơ dê mơ ai ù bồr wơl,

Lebi 22:17

Yàng Jehôwa đơs mơ Môise lah:

Lebi 23:38

Ală phan ơn do la ală phan ơn bơtơl di ală phan ơn ngai Saƀat Yàng Jehôwa dê, mơ bơtơl di ală phan ai gòi bol mê dê mơ ală bơta lơi mơ bol mê neh srat să ho nền mơ jơh ală phan ơn jat nùs kòñ mơ bol mê ơn Yàng Jehôwa in.

Lebi 7:16

Bulah behơ̆, dilah phan ơn khai dê gơlik bơh dô jơnau srat să ho nền hala dô nơm phan ơn bơh nùs kòñ ơn, phan ơn pal sa tòm ngai neh ơn gơ, mơya phan lơi gam wơl gen rgơi sa tòm ngai hìng.

Amôs 4:5

Cèng tĕ piang lă ò gơs kañ, lơh gơs phan ơn bơta ưnngài, mơ yal tơlik tĕ bơh ală phan ơn jat nùs kòñ bol ai dê; yal tơnggit tĕ bơh ală bơta hơ̆, bơh hơ̆ la bơta bol mê kòñ lơh, ơ làng bol Israel!” Jehôwa Yàng Tom Trồ đơs behơ̆.

Jôna 1:16

Gen ală cau hơ̆ sơlo rngòt rlau tai di Yàng Jehôwa; gen bol khai ơn phan duh khoai Yàng Jehôwa in mơ ho pơgon mơ Kơnràñ.

Jôna 2:9

Ală cau duh khoai ală yàng rùp ràk ò kwơ, sang lòi bơta dòn song song ngan bol khai dê.

Nahum 1:15

Sền ne! Hơđang ală mơnơm gơs mpàng jơng cau cèng jơnau niam mơ yal bơta lơngap lơngai! Ơ Juda, pơjum sa chò hòp tĕ ală ngai wèr mê dê, mơ lơh jat wil tơl ală jơnau ho pơgon mê dê, bơh cau iơh bơsak rơp ò brồ lơh mê tai; bol khai neh kong tơnroh jơh hir rau.

Malaci 1:14

“Pal srat sơntơm cau lơi in blac pơrlồm, la cau gơs tòm mpồl khai dê dô nơm phan poan jơng dam di pal mơ khai ho pơgon ơn gơ Yàng in, mơya khai ơn dô nơm phan poan jơng sồt rmàñ Yàng in!” Yàng Jehôwa Gơnap Gơnoar Dờng Làm Jơh đơs lah: “Bơh Añ la Bơtau Dờng, mơ sơnđan Añ la pal rngòt digùl ală làng bol.”

Khà Làng Bol 15:3

mơ bol mê ơn Yàng Jehôwa in ală phan ơn chu pơrguc, bơh di mpồl kơnrồ hala mpồl belàt lơh gơs phan ƀô bơlhu niam nùs Yàng Jehôwa, bulah la ală phan ơn chu pơrguc hala ală phan ơn duh khoai, bơh ală jơnau srat să ho nền hala bơh nùs kòñ ơn, hala phan ơn tòm ngai pơjum sa,

Broă 18:18

Pol gam ơm jŏ ngai bal mơ cau dòn tòm Kôrintô, lồc behơ̆ tơngac ală cau dòn, hào ơhò bal mơ Prissil mơ Akila, lòt hơ lơgar Siri, tơnơ̆ mơ tŭ neh koah sŏ tòm Senkre, bơh khai neh gơs jơnau ho pơgon.

Yal Wơl 12:17

Bol mê ò di sa tòm ală ƀòn tòm bol mê dê ală phan ơn pơnah jơt bơh kòi mbo bol mê dê, tơrnòm pa mơ mơñà, hala kòn tơnhoa mpồl kơnrồ mơ belàt bol mê dê, hala phan lơi mơ bol mê neh ho ơn, hala ală phan ơn jat nùs kòñ hala ală phan ơn ndai,

Yal Wơl 12:6

tềng hơ̆ bol mê cèng ală phan ơn chu pơrguc mơ ală phan ơn duh khoai, ală pơnah jơt mơ ală phan ơn ndai, bơta bol mê neh ho ơn mơ ală phan ơn jat nùs kòñ mơ kòn tơnhoa tòm ală mpồl kơnrồ mơ ală mpồl belàt bol mê dê.

Yal Wơl 16:10

Gen pơjum sa chò hòp tĕ Ngai Pơjum sa ală poh Jehôwa Yàng Tom Trồ bol mê dê mơ bơh nùs kòñ ơn Kơnràñ in dô nơm phan ơn duh khoai jat be ală bơta lơngai lơngò mơ Jehôwa Yàng Tom Trồ bol mê dê neh ai bol mê in.