Lebi 20:9 - Sră Goh 2018

⁹ Dilah cau lơi srat rma bèp hala mè khai dê gen cau hơ̆ pal kong tơnchơt. Khai neh srat rma bèp khai dê hala mè khai dê, mhàm khai rơp tuh wơl hơđang bồ să tòm khai dê.

Lebi 20:9 ပူးပေါင်းရင်းမြစ်များ

II Samuel 1:16

Dabit đơs mơ khai lah: “Mhàm mê dê tuh wơl hơđang bồ mê! Bơr tòm mê dê neh lơh cơng tòmdră mơ mê, bơh mê neh đơs lah: ‘Añ neh tơnchơt cau geh bong mơñà Yàng Jehôwa dê.’”

I Ală Bơtau 2:32

Yàng Jehôwa rơp tơm wơl hơđang bồ khai mhàm khai neh lơh gơhòr, tài bơh bèp añ la Dabit ò git, khai neh brồ lơh mơ sreh tơnchơt bàr nă cau niam rlau mơ song ring rlau mơ khai, hơ̆ la Apner, kòn klau Ner dê, kwang dờng at bồ mpồl ling Israel dê, mơ Amasa kòn klau Jether, kwang dờng at bồ mpồl ling Juda dê.

Lik Ejiptơ 21:17

Cau lơi srat sơntơm bèp hala mè khai dê gen khai pal kong tơnchơt.

Jơnau Pơnđik 20:20

Ồs đèng cau srat rma mè bèp rơp chơt digùl mang klam jơngo cik.

Jơnau Pơnđik 30:11

Gơs dô jơi bơtiàn srat rma bèp he, kung ò ai lơngai mè he in.

Jơnau Pơnđik 30:17

Gar mat dơñŏ tơnhial bèp he, sền òsơp bơta dòn bơr gơwèt mơ mè he, ală kơnđà tòm thòng rơp kwĕ gar mat hơ̆, mơ ală klàng bung rơp sa coh khai.

Ejekiel 18:13

Khai ai cau càn jền mơ sa cồng kơnjơ̆ mơ ai jền cồng oă rlau. Cau lơh behơ̆ rơp geh kis sơl ơ? Ò, khai rơp ò geh kis! Tài bơh khai neh lơh jơh ală bơta cù kìr hơ̆, gen ngan la khai rơp kong chơt, mơ mhàm khai dê rơp ơm hơđang bồ khai.

Ejekiel 22:7

Digùl ai, cau neh sền òsơp di mè bèp, digùl ai cau neh rồn bơklơn cau lơgar ndai; digùl ai cau gơwèt ò niam mơ cau kòn đòi bal mơ cau ùr bơnrau.

Lebi 20:16

Dilah dô nă cau ùr tus rềp di dô nơm phan poan jơng nàng bic mơ gơ, tơnchơt tĕ cau ùr bal mơ phan poan jơng hơ̆. Khai mơ gơ pal kong tơnchơt; mhàm khai mơ mhàm gơ rơp tuh wơl hơđang bồ khai mơ hơđang bồ gơ dê.

Lebi 20:27

Dô nă cau klau hala cau ùr sền dà hala juh proh digùl bol mê gen pal kong tơnchơt. Bol mê pal cơm lŭ tơnchơt bol khai; mhàm bol khai rơp gơtuh wơl hơđang bồ să tòm bol khai dê.’”

Mathiơ 15:4

Bơh Yàng Tom Trồ neh đơs lah: ‘Dòn duh tĕ mè bèp mê,’ mơ tai, ‘Cau lơi wàc sơrpah mè bèp, gen ngan pal chơt.’

Mathiơ 27:25

Jơh làng bol ho lah: “Dan mhàm Khai tuh hơđang bol hi mơ kòn sau bol hi dê!”

Jơnau Niam Jat Mak 7:10

Bơh Môise neh đơs lah: ‘Dòn duh tĕ mè bèp mê’ mơ tai: ‘Cau lơi wàc sơrpah di mè bèp, gen ngan pal chơt.’

Yal Wơl 27:16

‘Pal srat sơntơm cau lơi ò dòn duh bèp hala mè khai dê.’ Gen jơh làng bol rơp đơs lah: ‘Amen!’

Jôsue 2:19

Dilah gơs cau lơi tòm bol ai lik bơh di mpồng hìu ai dê mơ lòt tòm gùng, gen bol khai rơp kong is bơh bơta chơt bol khai dê, mơ bol hi ò gơs glài; mơya dilah gơs cau lơi ai tê lơh iơh di cau lơi ơm tòm hìu ai, gen bol hi rơp kong bơh bơta chơt bol khai dê.

Ală Kwang Cahrña 9:24

Bơta do neh gơlik gơs, hơ̆ la bơh bơta neh lơh iơh di poh jơt nă kòn klau Jerubaal dê pal geh sal wơl, mơ mhàm bol khai dê tuh wơl hơđang bi bol khai dê la Abimelek la cau neh tơnchơt bol khai, mơ hơđang làng bol Sicem, la ală cau neh lơh pràn tê khai tơnchơt ală oh mi khai dê.