Lebi 2:2 - Sră Goh 2018

² Mơ cèng gơ tus hơ ală kòn klau Arôn dê la ală cau gơnoar ơn phan duh khoai. Cau gơnoar ơn phan duh khoai ai dô sơmbat kơmbuh phe mơ mơñà bal mơ jơh kơlhô mơ chu phan hơ̆ lơh gơs dô pơnah lòi kirsơnre hơđang cơnòng duh khoai, dô nơm phan ơn chu mơ ồs. Hơ̆ la dô nơm phan ƀô bơlhu niam nùs Yàng Tom Trồ.

Lebi 2:2 ပူးပေါင်းရင်းမြစ်များ

Nehemi 13:14

Ơ Yàng Tom Trồ! Dan kah añ bơh bơta do, bañ jùt ală broă niam añ neh lơh hìu duh khoai Yàng Tom Trồ añ in mơ tòm ală bơta duh broă.

Nehemi 13:22

Mơ añ sồr ală cau Lebi lơh goh să tòm bol khai mơ lòt sền gàr ală mpồng nàng ơn ngai Saƀat sàng goh. Ơ Yàng Tom Trồ añ! Dan kah añ bơh ală bơta do, mơ dan nđàc sơngit di añ jat bơta kòñ gơboh kơ̆ dơn dờng Kơnràñ dê.

Lik Ejiptơ 30:16

Mê dòp tĕ jền tơwài glài làng bol Israel dê mơ ngui jền hơ̆ tòm broă Sàl Tòm Mat dê. Gơ rơp la dô bơta kah kirsơnre làng bol Israel in di đap Yàng Jehôwa, ơn phan tơwài bơta kis bol khai dê.”

Esai 66:3

Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.

Lebi 1:13

Khai pal ai dà mơ rào jơh ală phan tòm dơlam bal mơ jơng gơ, mơ cau gơnoar ơn phan duh khoai pal cèng jơh ală phan hơ̆ mơ chu hơđang cơnòng duh khoai. Hơ̆ la dô nơm phan ơn chu pơrguc, dô nơm phan chu mơ ồs, gơs ƀô bơlhu niam nùs Yàng Jehôwa.

Lebi 1:17

Khai pal at di ală pơnđar mơ crè gơ gơs bàr pơnah mơya ò di gơltac is gơ dê, lồc behơ̆ cau gơnoar ơn phan duh khoai rơp chu gơ hơđang lòng ồs sa hơđang cơnòng duh khoai. Hơ̆ la dô nơm phan ơn chu pơrguc, dô nơm phan ơn chu mơ ồs gơs ƀô bơlhu niam nùs Yàng Jehôwa.’”

Lebi 1:9

Khai pal ai dà mơ rào ală pơnah tòm dơlam kơnrồ bal mơ ală jơng gơ dê, mơ cau gơnoar ơn phan duh khoai pal chu jơh ală phan hơđang cơnòng duh khoai. Hơ̆ la dô nơm phan ơn chu pơrguc, dô nơm phan ơn chu tòm ồs, gơs ƀô bơlhu niam nùs Yàng Jehôwa.

Lebi 2:16

Cau gơnoar ơn phan duh khoai rơp chu pơnah kòi neh piah mơ mơñà, bal mơ jơh kơlhô, lơh gơs dô nơm phan ơn chu mơ ồs ơn Yàng Jehôwa in.

Lebi 2:9

Cau gơnoar ơn phan duh khoai rơp tă dô pơnah lòi kah kirsơnre bơh di phan ơn nàng ơn Yàng Jehôwa in, mơ chu gơ hơđang cơnòng duh khoai lơh gơs dô nơm phan ơn chu mơ ồs, gơs ƀô bơlhu niam nùs Yàng Jehôwa.

Lebi 24:7

Rò gah kòp sèng ơn tĕ dô êt kơlhô ngan lơh gơs dô pơnah lòi kirsơnre bơh piang lă mơ lơh gơs dô nơm phan ơn chu tòm ồs ơn Yàng Jehôwa in.

Lebi 4:31

Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.

Lebi 5:11

Bulah behơ̆, dilah khai ò rgơi gơs bàr nơm sềm ntòp hala bàr nơm kòn ntòp hui, gen tài bơh tồi glài khai dê khai pal cèng tus dô pơnah jơt epha kơmbuh phe rhền nàng lơh gơs dô nơm phan ơn tơwài glài. Khai ò di ơn mơñà hala kơlhô ƀô bơlhu hơđang gơ, tài bơh hơ̆ la dô nơm phan ơn tơwài glài.

Lebi 5:12

Khai rơp cèng gơ tus hơ cau gơnoar ơn phan duh khoai, gen cau gơnoar ơn phan duh khoai rơp ai dô sơmbat kơmbuh phe hơ̆ lơh gơs dô pơnah lòi kirsơnre, mơ chu gơ hơđang cơnòng duh khoai hơđang ală phan ơn chu mơ ồs ơn Yàng Jehôwa in. Hơ̆ la dô nơm phan ơn tơwài glài.

Lebi 6:15

Cau gơnoar ơn phan duh khoai pal ai dô sơmbat kơmbuh phe rhền mơ mơñà, bal mơ jơh kơlhô hơđang phan ơn mơ kòi mbo mơ chu pơnah lòi kah kirsơnre hơđang cơnòng duh khoai lơh gơs ƀô bơlhu niam nùs Yàng Jehôwa.

Khà Làng Bol 5:18

Tơnơ̆ mơ tŭ cau gơnoar ơn phan duh khoai neh ơn cau ùr hơ̆ ntào di đap Yàng Jehôwa rau, khai rơp hồ sŏ cau ùr hơ̆ dê mơ ơn tòm tê cau ùr hơ̆ phan ơn duh khoai tơngkah wơl la phan ơn mơ kòi mbo bơh bơta ƀoah pơrñat, tòm tŭ să tòm cau gơnoar ơn phan duh khoai at dà bơtang cèng tus bơta srat sơntơm.

Khà Làng Bol 5:26

Lồc behơ̆ cau gơnoar ơn phan duh khoai pal ai dô sơmbat phan ơn mơ kòi mbo hơ̆ lơh gơs phan ơn kah lòi yau mơ chu gơ hơđang cơnòng duh khoai; tơnơ̆ hơ̆ gen khai pal sồr cau ùr hơ̆ hùc dà hơ̆.

Broă 10:4

Khai rngòt rngơt sền trol di cau gơnrơh, mơ đơs lah: “Ơ Yàng, gơs ñchi broă taih?” Cau gơnrơh ho lah: “Jơnau hòi dan mơ bơta pà gòi mê dê neh guh tus hơ Yàng Tom Trồ, mơ Kơnràñ neh cih kah rau.