Lebi 17:7 - Sră Goh 2018

⁷ Bol khai ò di ơn phan ơn lơi bol khai dê ală cà ràk in tai, mơ să tòm bol khai tìs glài rềs àr bơrnàn. Hơ̆ la dô bơta sồr lam gam sùm sùm bol khai in mơ ală rài rơp tus in sơl.’

Lebi 17:7 ပူးပေါင်းရင်းမြစ်များ

II Yal Yau 11:15

Mơ pồ bơtào is khai in ală cau gơnoar ơn phan duh khoai ală tiah jơnhoa in mơ di đap ală rùp be mơ kơnrồ mơ khai neh lơh gơs.

Đơs Crih 106:37

Bol khai kup kòn klau kòn ùr bol khai dê Lơh gơs phan ơn duh khoai ală cà in.

Đơs Crih 106:39

Behơ̆ bol khai lơh să tòm gơlik ƀơ̆ ƀơl bơh broă bol khai dê, Gơlik be cau dri tơlàr tòm bơta bol khai lơh.

Lik Ejiptơ 22:19

Cau lơi bic mơ dô nơm phan poan jơng gen cau hơ̆ rơp kong tơnchơt.

Lik Ejiptơ 22:20

Cau lơi ơn phan duh khoai yàng lơi ndai rlau mơ Yàng Jehôwa gen cau hơ̆ rơp kong tơnroh.

Lik Ejiptơ 27:21

Tòm dơlam Sàl Tòm Mat, đah bơdìh bài kơrnìng di đap đài Bơta Cơng Tàng, Arôn mơ ală kòn klau khai dê pal rcang ală ồs đèng àng sùm di đap Yàng Jehôwa bơh trồ mang jơl àng drim. Hơ̆ la dô bơta sồr lam gam sùm sùm cau Israel in tòm ală rài.

Lik Ejiptơ 32:8

Bol khai neh mhar sang lòi jơnau Añ neh sồr bol khai mơ neh lơh bol khai in dô nơm rùp ràk tŏ gơs rùp să kung be dô nơm kơnrồ kòn. Bol khai neh cùn khoai di đap rùp hơ̆, neh ơn phan ơn gơ in mơ neh đơs lah: ‘Ơ Israel! Do la yàng neh tă cèng bol mê lik klàs bơh di Ejiptơ.’”

Lik Ejiptơ 34:15

Kơrhia tĕ, bañ bơtào bơta ho bal mơ làng bol ơm tòm lơgar, bơh tòm tŭ bol khai tòmtir să tòm bol khai mơ ală yàng bol khai dê mơ ơn phan duh khoai ală yàng hơ̆ in, lồc behơ̆ bol khai rơp jà bol mê mơ bol mê rơp sa phan ơn duh khoai bol khai dê.

Jeremi 3:1

Yàng Jehôwa đơs: “Dilah dô nă cau klau sang lòi bau ùr khai dê, Mơ bau ùr lòt bau mơ cau klau ndai, Gen bau klau rơp rê wơl bau mơ cau ùr hơ̆ sơl? Bơta hơ̆ ò lơh lơgar in ngkòr ngkàc dờng ngan sơl ơ? Mê neh lơh gơlềng gơlàng mơ oă ngan cau gơboh, mơ mê kòñ rê wơl mơ Añ ơ?

Ejekiel 23:3

Bol khai lơh dri tòm Ejiptơ, lơh dri bơh tŭ gam ơruh. Tềng hơ̆, toh bol khai neh cau at mơ hìu kòn bol khai dê neh cau git.

Ejekiel 23:8

Khai ò sang bơta dri tơlàr mơ khai neh rơp sơntòm bơh tòm Ejiptơ, tòm tŭ khai gam ơruh gơs cau bic mơ khai, tơnroh bơta sơmpiat cau ơruh dê, mơ tuh tơlik bơta dri tơlàr bol khai dê hơđang khai.

Lebi 17:8

Đơs tĕ mơ bol khai lah: ‘Cau Israel lơi hala cau làng bơdìh lơi kis digùl cau Israel kòñ ơn dô nơm phan ơn chu pơrguc hala dô nơm phan ơn

Lebi 20:5

gen Añ rơp wèt mat tòmdră mơ cau hơ̆ mơ hìu nhă khai dê, mơ tă sang khai mơ jơh ală cau jat khai bơh di làng bol bol khai dê, tài bơh să tòm bol khai tìs glài rềs àr bơrnàn mơ Molok.

Lebi 3:17

Do la dô jơnau sồr gam sùm sùm ală rài rơp tus in, bulah ơm tiah lơi: Bol mê ò di sa dơngi hala mhàm.

Jang 12:31

Tŭ do la tŭ dunnia kòl cahrña, mơ cau at bồ dunnia do rơp kong bơtrơh tơlik.

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

I Kôrintô 10:20

Pơrlơ̆ wơl, ală phan cau làng bol bơdìh ơn duh khoai la ơn duh khoai ală cà, ò di la ơn duh khoai Yàng Tom Trồ. Behơ̆ añ ò kòñ ală oh mi tòmklac bal mơ ală cà.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Yal Wơl 31:16

Yàng Jehôwa đơs mơ Môise lah: “Tŭ do mê rơp bic mơ ală ồng pàng mê dê. Ai làng bol do rơp lơh dri tơlàr mơ ală yàng lơgar bơdìh tòm lơgar mơ bol mê rơp mut, bol khai rơp sang lòi Añ mơ ò prap gàr jơnau ho bal mơ Añ neh bơtào mơ bol khai.

Yal Wơl 32:17

Bol khai ơn phan duh khoai chu pơrguc ală cà in, ò di la Yàng Tom Trồ, la ală yàng mơ bol khai òhềt git, ală yàng pa tơlik mat, ală yàng mơ ală ồng pàng bol mê dê ò duh rngòt.

Yal Tơlik 9:20

Ai ală cau gam wơl, la cau òhềt chơt bơh ală bơta rung rài hơ̆, bol khai ò gơjrañ sang glài bơh ală broă tê bol khai lơh, mơ kung ò sang lòi bơta duh khoai ală cà mơ ală rùp ràk mơ màh, priă, kòng, lŭ mơ chi, la ală phan ò rgơi gŏ, ò rgơi kơno, mơ ò rgơi lòt.