Lebi 17:5 - Sră Goh 2018

⁵ Lơh behơ̆ nàng ală cau Israel rơp cèng ơn Yàng Jehôwa in ală phan ơn mơ tŭ do bol khai ơn tòm ală ƀlàng sre. Bol khai pal cèng ală phan ơn hơ̆ tus hơ cau gơnoar ơn phan duh khoai, hơ̆ la tus hơ Yàng Jehôwa, di tiah mut Sàl Tòm Mat dê mơ ơn bol gơlơh gơs ală phan ơn bơta ring lơngai dê.

Lebi 17:5 ပူးပေါင်းရင်းမြစ်များ

Sơnròp Gơlik Gơs 21:33

Abraham tam dô đòm ơmil tòm tiah Beerseba, mơ tềng hơ̆ khai hòi dan di sơnđan Yàng Jehôwa la Yàng Tom Trồ gam sùm sùm.

Sơnròp Gơlik Gơs 22:13

Abraham pò mat, sền gŏ bơh ngkòi khai dô nơm belàt dam, kòl ngke tòm rlau chi, gen kup belàt dam hơ̆ lơh phan chu duh khoai ala kòn khai.

Sơnròp Gơlik Gơs 22:2

Yàng Tom Trồ đơs lah: “Kup tĕ kòn klau dùl mê kòñ gơboh la Isak mơ lòt tus hơ tiah Môria, tềng hơ̆ ơn tĕ kòn lơh gơs phan chu duh khoai hơđang dô nơm mơnơm Añ rơp sơnio mê in.”

Sơnròp Gơlik Gơs 31:54

Gen Jakôp ơn dô nơm phan duh khoai hơđang mơnơm mơ jà ală oh mi khai sa piang lă. Behơ̆ bol khai sa piang lă mơ mang hơ̆ ơm hơđang mơnơm.

I Ală Bơtau 14:23

Bơh ală cau Juda kung bơt bơtào he in ală tiah jơnhoa, jrong duh khoai mơ rùp Asera hơđang ală tiah jơnhoa mơ hơđơm ală chi dờng.

I Ală Bơtau 3:2

Làng bol gam ơn phan duh khoai hơđang ală tiah jơnhoa tài bơh òhềt bơt hìu duh khoai Sơnđan Yàng Jehôwa in.

I Ală Bơtau 3:3

Salômôn kòñ gơboh di Yàng Jehôwa, mơ lòt jat ală bơta sồr lam Dabit bèp khai dê; mìng khai ơn phan duh khoai mơ chu kơlhô hơđang ală tiah jơnhoa.

II Ală Bơtau 16:4

Khai kung ơn phan pơdơng mơ chu kơlhô hơđang ală tiah jơnhoa, hơđang dòr mơ hơđơm ală chi tơlir.

II Ală Bơtau 17:10

bơt bơtào bol khai in ală jrong duh khoai hơđang ală dòr jơnhoa mơ hơđơm ală chi dờng;

II Yal Yau 28:4

Khai ơn ală phan ơn mơ phan pơdơng hơđang ală tiah jơnhoa, hơđang ală bồ kơh mơ hơđơm ală mƀur tòm chi tơlir.

Lik Ejiptơ 24:5

Lồc behơ̆, khai sồr ală cau pơnu Israel, mơ bol khai ơn phan chu pơrguc mơ ơn ală kơnrồ dam lơh gơs ală phan ơn bơta ring lơngai Yàng Jehôwa in.

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Ejekiel 22:9

Digùl ai gơs ală cau lơh cơng blac lơh gơtuh mhàm; digùl ai gơs ală cau ñô sa tòm ală hìu bơmồng hơđang mơnơm mơ tìs glài rềs àr.

Ejekiel 43:27

Tus di lồi ală ngai hơ̆, rơp sơntòm bơh ngai phàm, ală cau gơnoar ơn phan duh khoai pal ơn phan ơn duh khoai chu pơrguc mơ phan ơn bơta ring lơngai bol mê dê hơđang cơnòng duh khoai. Gen Añ rơp dòp rò bol mê, Jehôwa Yàng Tom Trồ đơs behơ̆.’”

Ejekiel 44:15

“Mơya ală cau gơnoar ơn phan duh khoai gơrê bal mơ cau Lebi jơi bơtiàn Jadôk dê, la cau dòn song duh broă tòm tiah sàng goh Añ jê, tòm tŭ làng bol Israel lòt tìs nrah bơh di Añ, rơp tus rềp dê Añ nàng duh broă di đap Añ; bol khai rgơi ntào di đap Añ nàng ơn phan ơn gơs dơngi mơ mhàm, Jehôwa Yàng Tom Trồ đơs behơ̆.

Lebi 17:4

mơ ò cèng gơ tus di tiah mut Sàl Tòm Mat nàng ơn lơh gơs dô nơm phan ơn Yàng Jehôwa in di đap Hìu Duh Khoai Yàng Jehôwa dê, gen cau hơ̆ kòl kòp la cau gơs glài lơh gơhòr mhàm; khai neh lơh gơhòr mhàm mơ pal kong tă sang bơh di làng bol khai dê.

Lebi 17:6

Cau gơnoar ơn phan duh khoai pal rsìh mhàm hơđang cơnòng duh khoai di tiah mut Sàl Tòm Mat dê, mơ chu dơngi gơs ƀô bơlhu niam nùs Yàng Jehôwa.

Yal Wơl 12:2

Tơnroh jơh hir ală tiah hơđang ală mơnơm jòng, hơđang ală mơnơm dềt mơ hơđơm ală tòm chi gơs mƀur dờng la tiah ală làng bol duh khoai ală yàng bol khai dê mơ bol mê rơp tơnroh.