Lebi 17:4 - Sră Goh 2018

⁴ mơ ò cèng gơ tus di tiah mut Sàl Tòm Mat nàng ơn lơh gơs dô nơm phan ơn Yàng Jehôwa in di đap Hìu Duh Khoai Yàng Jehôwa dê, gen cau hơ̆ kòl kòp la cau gơs glài lơh gơhòr mhàm; khai neh lơh gơhòr mhàm mơ pal kong tă sang bơh di làng bol khai dê.

Lebi 17:4 ပူးပေါင်းရင်းမြစ်များ

Sơnròp Gơlik Gơs 17:14

Dô nă cau klau lơi ò bài kong siat gơltau tòm poac să khai dê gen rơp bơtrơh tơlik bơh làng bol khai dê, cau hơ̆ la cau gơltac bơta ho bal Añ jê.”

Đơs Crih 32:2

Lơngai cau lơi in Yàng Jehôwa ò kòp bơta iơh bơsak khai in, Mơ tòm hwềng nùs ò gơs bơta ma blac.

Lik Ejiptơ 12:15

Tòm poh ngai bol mê pal sa piang lă ò gơs kañ. Tòm ngai sơnròp, bol mê pal tă sang kañ bơh di ală hìu bol mê dê; bơh dilah cau lơi sa phan lơi gơs kañ tòm hơ̆, bơh ngai sơnròp tus di ngai poh, gen rơp kong tă tơlik bơh di Israel.

Lik Ejiptơ 12:19

Tòm poh ngai, ò di gơs kañ tòm ală hìu ơm bol mê dê. Mơ cau lơi sa phan lơi gơs kañ tòm hơ̆ gen pal kong tă tơlik bơh di mpồl jơnum Israel dê, bulah khai la cau làng bơdìh hala cau làng tòm kung behơ̆.

Lik Ejiptơ 30:33

Dilah cau lơi lơh gơs dô bơta mơñà tòm toh kung be mơñà do, mơ dilah cau lơi bong gơ hơđang cau lơi ndai ò di la cau gơnoar ơn phan duh khoai, gen cau lơh bơta hơ̆ pal kong tă tơlik bơh digùl làng bol.’”

Lik Ejiptơ 30:38

Dilah cau lơi lơh gơs kơlhô tòm toh behơ̆ nàng ƀô gơ gen cau hơ̆ rơp kong tă tơlik bơh làng bol Israel.”

Esai 66:3

Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.

Ejekiel 20:40

Jehôwa Yàng Tom Trồ đơs lah: ‘Bơh hơđang mơnơm sàng goh Añ jê, mơnơm jơnhoa Israel dê, tềng hơ̆ jơh hìu Israel rơp duh broă Añ, mơ tềng hơ̆ Añ rơp dòp bol khai. Tềng hơ̆ Añ rơp lùp pơnah phan pal ơn bol mê dê mơ ală plai bồ sơnam ơn duh khoai bol mê dê, bal mơ jơh ală phan ơn sàng goh bol mê dê.

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 17:10

‘Cau Israel lơi hala cau làng bơdìh lơi ơm digùl cau Israel sa mhàm lơi gen Añ rơp wèt mat tòmdră mơ cau hơ̆ la cau sa mhàm, mơ rơp tă sang khai bơh di làng bol khai dê.

Lebi 17:14

tài bơh bơta kis kòp nơm phan neh geh crơng gơs dê gơ ơm tòm mhàm gơ dê. Tài bơh hơ̆ tàng Añ neh đơs mơ cau Israel lah: “Bol mê bañ sa mhàm dô nơm phan neh geh crơng gơs lơi, tài bơh bơta kis kòp nơm phan neh geh crơng gơs dê gơ ơm tòm mhàm; cau lơi sa mhàm gen cau hơ̆ pal kong tă sang bơh di làng bol.”

Lebi 17:3

Cau Israel lơi ơn dô nơm kơnrồ, dô nơm belàt hala dô nơm be tòm sàl ơm hala đah bơdìh sàl ơm

Lebi 17:5

Lơh behơ̆ nàng ală cau Israel rơp cèng ơn Yàng Jehôwa in ală phan ơn mơ tŭ do bol khai ơn tòm ală ƀlàng sre. Bol khai pal cèng ală phan ơn hơ̆ tus hơ cau gơnoar ơn phan duh khoai, hơ̆ la tus hơ Yàng Jehôwa, di tiah mut Sàl Tòm Mat dê mơ ơn bol gơlơh gơs ală phan ơn bơta ring lơngai dê.

Lebi 17:9

mơ ò cèng phan ơn hơ̆ tus di tiah mut Sàl Tòm Mat dê nàng ơn gơ Yàng Jehôwa in gen cau hơ̆ pal kong tă sang bơh di làng bol khai dê.’

Lebi 18:29

Kòp nă cau lơi lơh dô bơta lơi tòm ală bơta ƀơ̆ iơh do, ală cau behơ̆ pal kong tă sang bơh di làng bol bol khai dê.

Lebi 20:16

Dilah dô nă cau ùr tus rềp di dô nơm phan poan jơng nàng bic mơ gơ, tơnchơt tĕ cau ùr bal mơ phan poan jơng hơ̆. Khai mơ gơ pal kong tơnchơt; mhàm khai mơ mhàm gơ rơp tuh wơl hơđang bồ khai mơ hơđang bồ gơ dê.

Lebi 20:18

Dilah dô nă cau klau bic mơ dô nă cau ùr tòm tŭ cau ùr hơ̆ gơs gơlik să khai dê, cau klau hơ̆ neh ràng tơlik bơta gơlik mhàm cau ùr hơ̆ dê, mơ cau ùr hơ̆ kung neh ràng tơlik bơta hơ̆. Bàr nă bol khai pal kong tă sang bơh di làng bol bol khai dê.

Lebi 20:3

Añ rơp wèt mat tòmdră mơ cau hơ̆ mơ rơp tă sang khai bơh di làng bol khai dê; bơh bơta ai kòn sau khai dê Molok in, khai neh lơh ƀơ̆ ƀơl tiah sàng goh Añ jê mơ lơh ƀơ̆ iơh di sơnđan sàng goh Añ jê.

Lebi 3:2

Khai rơp ơn tê khai dê hơđang bồ phan ơn khai dê mơ tơnchơt gơ di tiah mut Sàl Tòm Mat. Gen ală kòn klau Arôn dê la ală cau gơnoar ơn phan duh khoai rơp rsìh mhàm hơđang cơnòng duh khoai di ală đah.

Lebi 7:18

Dilah poac lơi bơh phan ơn ring lơngai gam sa tòm ngai pe gen ò geh dòp. Gơ rơp ò geh kòp gơrê bal mơ cau neh ơn gơ, bơh gơ la ò goh; cau lơi sa phan hơ̆ gen pal kong àñ glài.

Jang 10:7

Behơ̆, Yàng Jesu đơs tai lah: “Ngan, Añ đơs ngan mơ bol mê, Añ la mpồng belàt dê.

Jang 10:9

Añ la mpồng: Dilah cau lơi bơh Añ mơ mut, gen rơp geh dong klàs. Bol khai rơp mut lik mơ bàn ƀlàng ñhơt.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Rôma 4:6

Tài bơh hơ̆ Dabit neh đơs bơh bơta lơngai cau mơ Yàng Tom Trồ neh kòp la song ring khai in ò di bơh broă lơh lah:

Rôma 5:13

Lài mơ tŭ òhềt gơs bơta boh lam gen tồi glài neh gơs tòm dunnia rau, mơya tòm tŭ òhềt gơs bơta boh lam, gen glài kung ò kòp la glài.

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

Yal Wơl 21:8

Ơ Yàng Jehôwa, dan dòp phan ơn tơwài glài do bơh Israel la làng bol Kơnràñ dê mơ Kơnràñ neh tơwài, mơ bañ kup glài làng bol Kơnràñ dê bơh mhàm dô nă cau ò gơs glài.’ Mơ bơta lơh gơhòr mhàm geh toh.