Lebi 17:11 - Sră Goh 2018

¹¹ Bơh bơta kis dô nơm phan neh geh crơng gơs dê gơ ơm tòm mhàm mơ Añ neh ai gơ bol mê in nàng lơh gơs bơta tơwài glài să tòm bol mê in hơđang cơnòng duh khoai, hơ̆ la mhàm lơh gơs bơta tơwài glài bơta kis dô nă cau in.

Lebi 17:11 ပူးပေါင်းရင်းမြစ်များ

Sơnròp Gơlik Gơs 9:4

Mơ bol mê bañ sa poac gam gơs bơta kis, hơ̆ la mhàm gơ.

Lebi 1:5

Khai pal tơnchơt kơnrồ dam hơ̆ di đap Yàng Jehôwa, lồc behơ̆ ală kòn klau Arôn dê la ală cau gơnoar ơn phan duh khoai ai mhàm mơ rsìh gơ di jơh ală gah cơnòng duh khoai di tiah mut lik Sàl Tòm Mat dê.

Lebi 16:11

Arôn rơp cèng kơnrồ dam lơh gơs phan ơn tơwài glài să tòm khai in nàng lơh gơs bơta tơwài glài să tòm mơ hìu nhă khai in, mơ khai pal hàl tơnchơt kơnrồ dam hơ̆ nàng lơh gơs phan ơn tơwài glài să tòm khai in.

Lebi 17:12

Gen tàng Añ đơs mơ cau Israel lah: Ò gơs cau lơi tòm bol mê rgơi sa mhàm, cau làng bơdìh ơm digùl bol mê kung ò di sa mhàm sơl.

Lebi 17:14

tài bơh bơta kis kòp nơm phan neh geh crơng gơs dê gơ ơm tòm mhàm gơ dê. Tài bơh hơ̆ tàng Añ neh đơs mơ cau Israel lah: “Bol mê bañ sa mhàm dô nơm phan neh geh crơng gơs lơi, tài bơh bơta kis kòp nơm phan neh geh crơng gơs dê gơ ơm tòm mhàm; cau lơi sa mhàm gen cau hơ̆ pal kong tă sang bơh di làng bol.”

Lebi 4:25

Lồc behơ̆, cau gơnoar ơn phan duh khoai pal ngui ràs tê ai dô êt mhàm phan ơn tơwài glài dê mơ ơn di ală ngke cơnòng ơn phan duh khoai chu pơrguc mơ tuh pơnah gam wơl mhàm dê di jơng cơnòng duh khoai.

Lebi 4:26

Khai kung rơp chu jơh dơngi hơđang cơnòng duh khoai kung be khai neh chu dơngi phan ơn duh khoai bơta ring lơngai dê. Lơh behơ̆ gen cau gơnoar ơn phan duh khoai rơp lơh bơta tơwài glài cau tìs glài in, mơ khai rơp geh toh glài.

Lebi 8:15

Môise hàl tơnchơt kơnrồ dam mơ ai dô êt mhàm, ngui ràs tê ai mhàm ơn di ală ngke cơnòng duh khoai dê nàng lơh sàng goh cơnòng duh khoai in. Khai tuh mhàm gam wơl di cơnòng duh khoai. Behơ̆ khai ơn is gơ sàng goh nàng lơh bơta tơwài glài gơ in.

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Mathiơ 26:28

bơh do la mhàm Añ, hơ̆ la mhàm bơta ho bal dê, neh tuh nàng kòp nă cau in geh toh glài.

Jơnau Niam Jat Mak 14:24

Yàng Jesu đơs lah: “Do la mhàm Añ, hơ̆ la mhàm bơta ho bal dê, neh tuh oă cau in.

Rôma 3:25

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr;

Rôma 5:9

Tŭ do bol he neh kơnòm di mhàm Kơnràñ nàng geh kòp la song ring, gen sơlo rlau tai bol he rơp kơnòm di Kơnràñ nàng geh dong klàs bơh bơta gơjrañ dờng Yàng Tom Trồ dê.

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Yal Wơl 12:23

Mơya lơh nền tĕ lah bol mê bañ sa mhàm, tài bơh mhàm la bơta kis, gen bol mê bañ sa poac bal mơ bơta kis.

Kôlôse 1:14

Tòm Kòn hơ̆ bol he gơs bơta dong tơwài la bơta toh glài bol he dê.

Kôlôse 1:20

mơ kơnòm di Bơtau Krist lơh jơh ală bơta in, bulah tòm ù hala hơđang trồ, gơs gơtòmsòr wơl mơ Yàng Tom Trồ, bơh neh kơnòm dê mhàm Bơtau Krist dê, di chi pơng mơ lơh gơs bơta ring lơngai rau.

Hebrơ 13:12

Tài bơh hơ̆, tàng Yàng Jesu kung neh kong bòl glar jê sồt hơ bơdìh mpồng ƀòn nàng ai mhàm Kơnràñ dê lơh làng bol in gơlik gơs sàng goh.

Hebrơ 9:22

Jat bơta boh lam gen jơh ală phan pal kơnòm di mhàm sồng geh goh, dilah ò gơs bơta hòr mhàm gen ò geh bơta toh glài.

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,