Lebi 17:10 - Sră Goh 2018

¹⁰ ‘Cau Israel lơi hala cau làng bơdìh lơi ơm digùl cau Israel sa mhàm lơi gen Añ rơp wèt mat tòmdră mơ cau hơ̆ la cau sa mhàm, mơ rơp tă sang khai bơh di làng bol khai dê.

Lebi 17:10 ပူးပေါင်းရင်းမြစ်များ

Sơnròp Gơlik Gơs 9:4

Mơ bol mê bañ sa poac gam gơs bơta kis, hơ̆ la mhàm gơ.

II Samuel 23:17

mơ đơs lah: “Ơ Yàng Jehôwa! Añ ò hùc dà do. Dà do ò gơkrơi kung be mhàm ală cau neh phi bơta kis bol khai dê nàng dòp geh ò ơ?” Mơ Dabit ò bài hùc dà hơ̆. Hơ̆ la broă lơh tiơng pơnro pe nă cau ling jak tòmlơh hơ̆ dê.

Đơs Crih 34:16

Muh mat Yàng Jehôwa dê gơtòmsò mơ cau lơh iơh, Nàng tơnroh bơta kir yau bol khai dê bơh ù.

Lik Ejiptơ 30:33

Dilah cau lơi lơh gơs dô bơta mơñà tòm toh kung be mơñà do, mơ dilah cau lơi bong gơ hơđang cau lơi ndai ò di la cau gơnoar ơn phan duh khoai, gen cau lơh bơta hơ̆ pal kong tă tơlik bơh digùl làng bol.’”

Jeremi 21:10

Yàng Jehôwa đơs: ‘Bơh Añ ơn mat Añ tòmdră mơ ƀòn dờng do, bơta iơh ò di la bơta niam; gơ rơp kong phi tòm tê bơtau Babilôn, mơ khai rơp chu gơ mơ ồs.’

Jeremi 44:11

Tài bơh hơ̆, Yàng Jehôwa Gơnap Gơnoar, Yàng Tom Trồ Israel dê đơs be do: ‘Añ neh lơh nền cèng bơta rung rài tơndùh hơđang bol mê, mơ tơnroh jơh Juda.

Ejekiel 14:8

Añ rơp wèt mat tòmdră mơ cau hơ̆, lơh khai in gơlik gơs dô nơm krơh ƀơ̆ mơ dô bơta cau dơñŏ tơnhial. Añ rơp tă sang khai bơh digùl làng bol Añ jê. Gen bol mê rơp git Añ la Yàng Jehôwa.

Ejekiel 15:7

Añ rơp wèt mat tòmdră mơ bol khai. Bulah bol khai neh lik klàs bơh ồs, ồs rơp gam chu pơrguc bol khai. Mơ mê rơp git Añ la Yàng Jehôwa, tòm tŭ Añ wèt mat tòmdră mơ bol khai.

Ejekiel 33:25

Gen tàng, đơs tĕ mơ bol khai lah: ‘Jehôwa Yàng Tom Trồ đơs be do: Tài bơh bol mê sa poac gam mhàm, tơnggòr sền ală rùp ràk bol mê dê, mơ lơh gơtuh mhàm; gen bol mê rơp dòp geh lơgar ơ?

Ejekiel 44:7

Tòm bơta bơtơl làng bol bơdìh ò siat gơltau tòm nùs mơ tòm poac să, neh gơs tòm tiah sàng goh Añ jê, lơh ƀơ̆ ƀơl hìu duh khoai Añ jê tòm tŭ bol mê ơn pơdơng, phan sa Añ in, dơngi mơ mhàm. Bol mê sang lòi bơta ho bal Añ jê bal mơ jơh ală broă cù kìr bol mê dê.

Lebi 17:11

Bơh bơta kis dô nơm phan neh geh crơng gơs dê gơ ơm tòm mhàm mơ Añ neh ai gơ bol mê in nàng lơh gơs bơta tơwài glài să tòm bol mê in hơđang cơnòng duh khoai, hơ̆ la mhàm lơh gơs bơta tơwài glài bơta kis dô nă cau in.

Lebi 19:26

Bañ sa poac lơi gam gơs mhàm tòm gơ. Bañ lơh jat bơta sền dà mơ juh proh.

Lebi 26:17

Añ rơp wèt mat Añ jê tòmdră mơ bol mê, lòi bol mê kong alah di đap ală cau sò tơm bol mê dê, ală cau gơjrañ kơuềng di bol mê rơp at bồ hơđang bol mê, mơ bol mê rơp ntoat dô bulah ò gơs cau ting jat bol mê.

Lebi 3:17

Do la dô jơnau sồr gam sùm sùm ală rài rơp tus in, bulah ơm tiah lơi: Bol mê ò di sa dơngi hala mhàm.

Amôs 9:4

Bulah bol khai gơkòl cau sò tơm kup cèng krơ̆ jàm, tềng hơ̆ Añ rơp sồr đào, mơ gơ rơp tơnchơt bol khai. Añ rơp ơn mat Añ sền hơđang bol khai nàng lơh tơnroh, ò di la bơta niam.”

Broă 15:20

mơya bol he cih tĕ sră pơyoa nting bol khai kơrmap gàr să he klàs bơh phan sa ngkòr ngkàc neh ơn rùp ràk in, mơ glài rềs àr bơrnàn, kung bañ sa phan chơt rhwat, mơ mhàm.

Broă 15:29

Pal wèr phan duh khoai rùp ràk, mhàm, phan chơt rhwat, mơ bañ tìs glài rềs àr bơrnàn. Dilah oh mi kơrmap gàr să he ò lơh bơta hơ̆ la niam. Ơm ngac yơ.”

Yal Wơl 12:16

Mơya bol mê ò di sa mhàm; tuh tĕ gơtòm ù kung be tuh dà.

Yal Wơl 12:23

Mơya lơh nền tĕ lah bol mê bañ sa mhàm, tài bơh mhàm la bơta kis, gen bol mê bañ sa poac bal mơ bơta kis.

Yal Wơl 15:23

Mơya bol mê bañ sa mhàm; tuh tĕ tòm ù kung be tuh dà.”

Hebrơ 10:29

tơ ài lah cau jă trơm Kòn Yàng Tom Trồ, sền mhàm bơta ho bal neh lơh khai in geh gơlik gơs sàng goh la mhàm ƀơ̆ ƀơl, mơ sền òsơp di Yàng Hwềng neh ai bơta nđàc, gen oh mi kơlôi lah cau hơ̆ ò di pal kong lơh glài kơnjơ̆ rlau ò ơ?

I Samuel 14:32

Bol khai brồ tus hơđang ală phan phà geh, kup ală belàt, kơnrồ mơ kơnrồ kòn, koh poac di tiah mơ sa gơ bal mơ mhàm.

I Samuel 14:33

Gen gơs cau yal mơ Sol lah: “Sền ne, ală cau ling neh tìs glài mơ Yàng Jehôwa bơh neh sa poac gam mhàm.” Sol đơs lah: “Hơ̆ la dô bơta tìs glài tòmdră. Pơrlă tĕ dô pơnai lŭ dờng tus hơ do di đap añ.”