Lebi 16:30 - Sră Goh 2018

³⁰ tài bơh tòm ngai hơ̆ bơta tơwài glài rơp lơh gơs bol mê in nàng lơh bol mê in geh goh. Behơ̆ tàng, di đap Yàng Jehôwa, bol mê rơp geh goh bơh jơh ală bơta tồi glài bol mê dê.

Lebi 16:30 ပူးပေါင်းရင်းမြစ်များ

Đơs Crih 51:10

Ơ Yàng Tom Trồ, dan crơng gơs tòm añ dô nơm nùs sàng goh; Mơ ơn tòm añ dô nơm hwềng nùs pa mơ song ngan.

Đơs Crih 51:2

Dan rào añ in goh jơh hir bơta iơh bơsak añ jê, Mơ lơh añ in gơs goh bơh di bơta tồi glài añ jê.

Đơs Crih 51:7

Dan ai nsrum nha chi kin yơ̆i jùt goh tồi glài añ in, gen añ rơp gơs sàng goh; Dan rào añ gen añ rơp gơlik gơs bò rlau mơ piar

Jeremi 33:8

Añ rơp lơh goh jơh ală bơta iơh bơsak bol khai neh tìs glài tòmdră mơ Añ; Añ rơp toh jơh ală bơta iơh bơsak bol khai neh tìs glài mơ Añ mơ tòmdră mơ Añ.

Lebi 23:27

“Ngai jơt kơnhai poh la ngai tơwài glài. Pơjum tĕ dô bơta pơjum sàng goh mơ ơt sa mơ ơn dô nơm phan ơn chu tòm ồs Yàng Jehôwa in.

Lebi 23:28

Bañ lơh dô nơm broă lơi òs lơh tòm ngai hơ̆, tài bơh hơ̆ la ngai tơwài glài, tòm tŭ bơta tơwài glài neh lơh gơs bol mê in di đap Yàng Jehôwa la Yàng Tom Trồ bol mê dê.

Ephesô 5:26

nàng tơnơ̆ mơ tŭ neh ngui dà mơ Jơnau Yàng nàng rào goh rau, gen lơh Hìu Jum Goh gơlik gơs sàng goh,

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.