Lebi 16:12 - Sră Goh 2018

¹² Khai pal ai dô nơm gri ơn kơlhô gơs bềng rnga ồs hơng bơh di cơnòng duh khoai di đap Yàng Jehôwa mơ bàr sơmbat bềng kơlhô ƀô bơlhu neh tơnlề rhền mơ cèng ală phan hơ̆ tus hơ đah dơlam bài kơrnìng.

Lebi 16:12 ပူးပေါင်းရင်းမြစ်များ

Lik Ejiptơ 31:11

mơñà bong mơ ƀô bơlhu kơlhô Tiah Sàng Goh in. Bol khai pal lơh gơs jơh ală phan jat jơnau Añ neh sồr mê.”

Lik Ejiptơ 37:29

Bol khai kung lơh gơs mơñà sàng goh ơn is nàng bong, kơlhô ƀô bơlhu, hơ̆ la broă cau chài lơh gơs mơñà ƀô bơlhu.

Lebi 10:1

Ală kòn klau Arôn dê la Nadap mơ Abihu ai gri ơn kơlhô bol khai dê, ơn ồs tòm hơ̆ mơ ơn kơlhô hơđang ồs; bol khai ơn ồs ò geh gơnoar ơn di đap Yàng Jehôwa, gơsơlơ̆u wơl mơ jơnau sồr Kơnràñ dê.

Khà Làng Bol 16:18

Behơ̆ kòp nă bol khai ai gri ơn kơlhô khai dê, ơn ồs mơ kơlhô tòm hơ̆, mơ ntào bal mơ Môise mơ Arôn di mpồng mut Sàl Tòm Mat dê.

Khà Làng Bol 16:46

Gen Môise đơs mơ Arôn lah: “Ai tĕ gri ơn kơlhô bi dê mơ ơn kơlhô tòm hơ̆ bal mơ ồs bơh di cơnòng ơn phan duh khoai, mơ mhar mhar tus hơ mpồl jơnum nàng lơh bơta tơwài glài bol khai in. Bơta gơjrañ dờng neh gơlik tus bơh di Yàng Jehôwa; bơta pluh plàng neh gơ rơp sơntòm rau.”

Yal Wơl 33:10

Khai bơto ală jơnau sồr Kơnràñ dê Jakôp in mơ bơto bơta boh lam Kơnràñ dê Israel in; khai chu kơlhô di đap Kơnràñ, mơ ơn wil tơl ală phan ơn duh khoai chu pơrguc hơđang cơnòng ơn phan duh khoai Kơnràñ dê.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

Hebrơ 9:7

mơya pơnah đah dơlam, gen mìng cau gơnoar dờng lam bồ ơn phan duh khoai mut tòm hơ̆ dô nam dô dơ̆ lơm, mơ pal cèng mhàm la mhàm pal ơn tơwài glài să tòm khai in mơ bơh tồi glài làng bol dê sơl.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

Yal Tơlik 8:5

Cau gơnrơh ai gri kơlhô, ai ồs bơh cơnòng duh khoai mơ ơn bềng tòm hơ̆, mơ sơrbì gơtòm ù; gen gơs ală ntơr kơnàs, jơnau ntas dờng, puhlèp mơ lơnggơr ù.