Lebi 15:27 - Sră Goh 2018

²⁷ Cau lơi ƀư di ală phan hơ̆ rơp gơlik ò goh; khai pal pìh ală ồi ào khai dê mơ um mơ dà, mơ khai rơp gơlik ò goh jơl tus trồ mho.

Lebi 15:27 ပူးပေါင်းရင်းမြစ်များ

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 36:29

Añ rơp dong tă bol mê klàs bơh di ală bơta ƀơ̆ iơh bol mê dê. Añ rơp ai kòi mbo mơ lơh gơ in gơlik gơs oă, mơ rơp ò tơndùh bơta jơgloh rung hơđang bol mê.

Lebi 11:24

Bol mê rơp lơh să tòm he in gơlik ƀơ̆ ƀơl bơh ală phan hơ̆; cau lơi ƀư di ƀồc chơt ală phan hơ̆ dê gen rơp gơlik ƀơ̆ ƀơl jơl tus di trồ mho.

Lebi 15:13

Tòm tŭ dô nă cau klau neh geh goh rau bơh di ală phan gơhòr lik bơh di să khai, khai gơs poh ngai tơnơ̆ mơ hơ̆ nàng lơh khai in gơs goh jat bơta sồr lam duh khoai; khai pal pìh ală ồi ào khai dê mơ um să tòm khai tòm dà, mơ khai rơp geh goh.

Lebi 15:21

Cau lơi ƀư di cơnòng bic cau ùr hơ̆ dê gen pal pìh ồi ào he dê mơ um mơ dà, mơ khai rơp gơlik ò goh jơl tus trồ mho.

Lebi 15:26

Cơnòng bic lơi mơ khai neh bic hơđang tòm tŭ khai gơlik mhàm pơnjat tơnơ̆ mơ gơlơh să gen cơnòng hơ̆ gơlik ò goh kung be cơnòng bic khai dê tòm tŭ khai gơlơh să kòp kơnhai, mơ phan lơi khai nggui hơđang rơp gơlik ò goh kung be tòm tŭ khai gơlơh să.

Lebi 15:28

Tòm tŭ cau ùr hơ̆ neh gơlik gơs goh bơh di bơta gơlik mhàm khai dê, khai kòp poh ngai gen tơnơ̆ mơ hơ̆ khai gơlik gơs goh jat bơta sồr lam duh khoai dê.

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Khà Làng Bol 19:22

Phan lơi mơ cau ò goh ƀư di gơ gen rơp gơlik gơs la phan ò goh, cau lơi ƀư di gơ rơp gơlik gơs ò goh jơl tus di trồ mho.’”

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.