Lebi 15:18 - Sră Goh 2018

¹⁸ Tòm tŭ dô nă cau klau bic mơ dô nă cau ùr mơ gơlik jat òs gơ dê gen jơh bàr nă pal um mơ dà, mơ bol khai gơlik ò goh jơl tus di trồ mho.

Lebi 15:18 ပူးပေါင်းရင်းမြစ်များ

II Samuel 11:4

Behơ̆ Dabit sồr cau cèng khai tus, mơ bơtau bic mơ khai. Tơnơ̆ mơ tŭ neh lơh goh să khai bơh di bơta ƀơ̆ ƀơl, gen khai rê hìu.

Đơs Crih 51:5

Ngan behơ̆, añ neh deh tòm bơta iơh bơsak, Mè añ jê neh bun añ tòm tồi glài.

Lik Ejiptơ 19:15

Mơ khai đơs mơ làng bol lah: “Rcang tĕ să tòm bol mê dê ngai dơ̆ pe in; bañ tìp să mơ cau ùr.”

Lebi 15:16

Tòm tŭ dô nă cau klau gơlik is gơ dê kung be tòm tŭ khai bic mơ bau ùr, khai pal um jơh să khai mơ dà, mơ khai gơlik ò goh jơl tus di trồ mho.

Lebi 15:17

Dilah gơđềt di ồi ào hala phan mơ gơltau lơi gen phan hơ̆ pal pìh mơ dà, mơ phan hơ̆ gơlik ò goh jơl tus trồ mho.

Lebi 15:5

Cau lơi ƀư di cơnòng bic cau hơ̆ dê gen pal pìh ală ồi ào he dê mơ um tòm dà, mơ khai rơp la ò goh jơl tus di trồ mho.

I Kôrintô 6:12

Gơs cau đơs lah: “Añ geh gơnoar lơh jơh ală bơta,” mơya ò di jơh ală bơta gơs kwơ mê in; añ rgơi đơs lah añ geh gơnoar lơh jơh ală bơta, mơya añ ò bài lơh dĭ dô bơta lơi in.

I Kôrintô 6:18

Pleh tĕ di bơta rềs àr bơrnàn. Kòp nơm glài cau lơh la bơdìh să jan, mơya cau lơi tìs glài rềs àr bơrnàn, hơ̆ la tìs glài tòmdră mơ să jan he.

II Timôthe 2:22

Kung pleh tĕ dê nùs hàm kòñ is cau kơnòm să dê, nàng jòi jat bơta song ring, bơta dòn, bơta kòñ gơboh mơ bơta ring lơngai mơ dô nùs bal mơ ală cau gơs nùs sàng goh hòi dan mơ Yàng dong kòl.

Hebrơ 13:4

Tơl nă cau pal sền dờng màng bơta tòmbau, bañ lơh ƀơ̆ ƀơl ơdŭ tòmbau; bơh Yàng Tom Trồ rơp cahrña ală cau rềs àr bơrnàn mơ ală cau dri tơlàr.

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.