Lebi 14:7 - Sră Goh 2018

⁷ Khai rơp rsìh poh dơ̆ hơđang cau geh goh bơh di bơta sồt dun hơ̆ mơ yal tơlik lah khai geh goh. Lồc behơ̆ khai pal tơngklàs sềm gam kis tòm ƀlàng sre.

Lebi 14:7 ပူးပေါင်းရင်းမြစ်များ

II Ală Bơtau 5:10

Elise sồr dô nă cau lòt đơs mơ khai lah: “Lòt tĕ um poh dơ̆ tòm hiòng Jordan, mơ poac mê rơp geh bòi wơl, mơ mê rơp geh goh.”

II Ală Bơtau 5:14

Behơ̆ khai mù tòm hiòng Jordan, mơ ñơp să khai poh dơ̆ tòm hiòng Jordan, jat be jơnau cau Yàng Tom Trồ dê. Poac khai geh bòi wơl be poac dô nă cau kơnòm klau mơ khai neh geh goh.

Đơs Crih 51:2

Dan rào añ in goh jơh hir bơta iơh bơsak añ jê, Mơ lơh añ in gơs goh bơh di bơta tồi glài añ jê.

Đơs Crih 51:7

Dan ai nsrum nha chi kin yơ̆i jùt goh tồi glài añ in, gen añ rơp gơs sàng goh; Dan rào añ gen añ rơp gơlik gơs bò rlau mơ piar

Esai 52:15

Behơ̆, Kơnràñ rơp lơh oă lơgar nrơt nrơl bơh Kơnràñ. Ală bơtau rơp tơmềm bơr bơh Kơnràñ, bơh bol khai rơp gŏ bơta òhềt gơs cau yal bol khai in, mơ bol khai rơp sền gŏ loh làng bơta bol khai òhềt kơno.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Lebi 13:13

gen cau gơnoar ơn phan duh khoai pal sền sơwì cau hơ̆, mơ dilah bơta sồt neh gơs làm să cau hơ̆ dê gen khai pal yal tơlik lah cau hơ̆ la goh. Tài bơh bơta sồt neh gơlik gơs bò làm să, khai geh goh.

Lebi 13:17

Cau gơnoar ơn phan duh khoai pal sền sơwì cau hơ̆, mơ dilah ală tiah sồt neh gơlik bò gen cau gơnoar ơn phan duh khoai rơp yal tơlik cau sồt jê hơ̆ la goh; gen khai geh goh.

Lebi 14:51

Lồc behơ̆ khai pal ai mpàn chi pơnàng, ntê biap ƀô, brài dà gur mơ dô nơm sềm gam kis, iurŭ bol gơtòm mhàm sềm neh chơt mơ tòm dà sàng, mơ rsìh tòm hìu poh dơ̆.

Lebi 16:14

Khai pal ai dô êt mhàm kơnrồ dam dê mơ ngui ràs tê rsìh dô êt mhàm hơ̆ tòm poh dơ̆ di đap bơnap bơta tơwài glài.

Lebi 16:19

Khai rơp ai ràs tê khai dê mơ rsìh dô êt mhàm hơđang gơtòm poh dơ̆ nàng lơh gơ in gơs goh mơ ơn is gơ in sàng goh bơh di bơta ò goh cau Israel dê.

Lebi 16:22

Be rơp àñ hơđang să tòm gơ jơh ală bơta tồi glài tus hơ dô bă tiah ngềt ngơt; mơ cau hơ̆ rơp hồ toh gơtòm ƀlàng bràs.

Lebi 4:17

Ală cau gơnoar ơn phan duh khoai rơp iurŭ kòn tê khai dê tòm mhàm mơ rsìh gơ di đap Yàng Jehôwa poh dơ̆ di đap bài kơrnìng.

Lebi 4:6

Khai pal iurŭ kòn tê khai dê tòm mhàm mơ rsìh gơ poh dơ̆ di đap Yàng Jehôwa, di đap bài kơrnìng tiah sàng goh dê.

Lebi 8:11

Khai rsìh dô êt mơñà hơđang cơnòng duh khoai poh dơ̆, bong mơñà di cơnòng duh khoai mơ jơh ală phan bal mơ gơ mơ thùng dà mơ jơng gơ dê nàng ơn is sàng goh ală phan hơ̆.

Mice 7:19

Kơnràñ rơp kòñ nđàc tai di bol he, Kơnràñ rơp jă trơm ală tồi glài bol he dê hơđơm jơng Kơnràñ mơ sang sơrbì jơh ală bơta tồi glài iơh bơsak bol he dê tòm ală tiah jrô dàlềng dê.

Khà Làng Bol 19:12

Khai pal lơh goh să tòm khai tòm dà tòm ngai dơ̆ pe mơ tòm ngai dơ̆ poh gen khai rơp geh goh. Mơya dilah khai ò lơh goh să tòm khai dê tòm ngai dơ̆ pe mơ tòm ngai dơ̆ poh, rơp ò geh goh.

Jang 19:34

Bulah behơ̆ gơs dô nă cau ling ai tà hwit di wĕ Kơnràñ, gen gơlik mo mhàm mơ dà.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

Hebrơ 12:24

tus hơ Yàng Jesu la Bơtau Đơng Kừh bơta ho bal pa dê, tus hơ mhàm rsìh la mhàm đơs niam rlau mơ mhàm Abel dê.

Hebrơ 9:13

Bơh dilah mhàm ală be dam, kơnrồ dam, bal mơ bùh kơnrồ me, rsìh hơđang ală cau ƀơ̆ ƀơl mơ lơh bol khai in gơlik gơs sàng goh mơ gơs goh poac să sơl,

Hebrơ 9:19

Bơh tòm tŭ Môise yal tơnggit ală bơta sồr lam bơta boh lam dê jơh làng bol in rau, gen khai ai mhàm kơnrồ kòn mơ be dam, mơ dà, ngui che phồng mơ sơnò belàt, mơ ntê chi nha gơ be nsồm, mơ rsìh hơđang dap sră mơ hơđang jơh làng bol,

Hebrơ 9:21

Mơ Môise kung ai mhàm hơ̆ rsìh hơđang Hìu Ing Duh Khoai mơ hơđang jơh ală phan ngui tòm bơta duh khoai behơ̆ sơl.

Hebrơ 9:26

dilah ò behơ̆, gen bơh di tŭ crơng gơs trồ tiah jơl tus di ngai do Kơnràñ neh pal kong jê sồt oă dơ̆ rau. Mơya tòm tŭ do la tŭ lồi dut ală rài, Kơnràñ neh tơlik să dô dơ̆ tơl rau nàng ơn să tòmlơh gơs phan ơn duh khoai tồ tă sang tồi glài.

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

I Jang 5:6

Yàng Jesu Krist la Bơtau neh ai dà mơ mhàm mơ lòt tus; ò di mìng ai dà lơm ò, mơya ai dà mơ mhàm;