Lebi 14:12 - Sră Goh 2018

¹² Gen cau gơnoar ơn phan duh khoai pal ai dô nơm tòm bàr nơm belàt kòn mơ ơn gơlơh gơs phan ơn tơwài glài, bal mơ dô pơnah pe lit mơñà; khai pal tơyài ală phan hơ̆ di đap Yàng Jehôwa lơh gơs dô nơm phan ơn tơyài.

Lebi 14:12 ပူးပေါင်းရင်းမြစ်များ

Lik Ejiptơ 29:22

Ai tĕ dơngi be dam hơ̆, dơngi tiang, dơngi gùt dar ală pơnah tòm kơndul gơ dê, pet dơngi lơho gòm klòm, bàr nơm plai leh bal mơ dơngi hơđang gơ, mơ bơnô ma. (Do la belàt dam ơn tòm bơta bong mơñà pồ bơtào)

Lik Ejiptơ 29:24

ơn tĕ jơh ală phan hơ̆ tòm tê Arôn mơ ală kòn klau khai dê; lòi bol khai ơn phan ơn tơyài hơđang.

Lik Ejiptơ 29:26

Tơnơ̆ mơ tŭ mê neh ai al belàt dam ơn tòm bơta pồ bơtào Arôn gen tơyài tĕ di đap Yàng Jehôwa be phan ơn tơyài, mơ gơ rơp gơrê bal mơ mê.

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Lebi 14:10

Tòm ngai dơ̆ phàm, khai pal cèng tus bàr nơm belàt dam gam dềt, mơ dô nơm belàt me tơl dô nam, kòp nơm pal ò gơs tềl sồt, bal mơ pe pơnah jơt epha kơmbuh phe rhền bơcă bal mơ mơñà nàng lơh gơs phan ơn mơ kòi mbo, mơ dô lok mơñà.

Lebi 14:11

Cau gơnoar ơn phan duh khoai la cau rơp yal tơlik cau hơ̆ la goh pal lam cau geh goh bal mơ ală phan ơn cau hơ̆ dê tus di đap Yàng Jehôwa di tiah mut Sàl Tòm Mat dê.

Lebi 14:19

Lồc behơ̆, cau gơnoar ơn phan duh khoai pal ơn phan ơn tơwài glài mơ lơh gơs bơta tơwài glài cau in rơp geh goh bơh di bơta ò goh khai dê. Tơnơ̆ mơ hơ̆, cau gơnoar ơn phan duh khoai rơp hàl tơnchơt phan ơn chu pơrguc

Lebi 5:15

“Tòm tŭ gơs dô nă cau gơtup tìs tòm bơta sồr lam Yàng Jehôwa dê gơwèt hơ ală phan goh, gen tài bơh bơta lơh glài khai dê khai pal cèng tus hơ Yàng Jehôwa dô nơm belàt dam bơh di mpồl belàt khai dê, ò tềl sồt mơ kas màng di pal mơ khà priă lơh nền jat be sieklơ Tiah Sàng Goh dê. Hơ̆ la dô nơm phan ơn tơwài glài gơtup tìs.