Lebi 13:43 - Sră Goh 2018

⁴³ Cau gơnoar ơn phan duh khoai pal sền sơwì cau hơ̆, mơ dilah tiah as sồt hơđang bồ khai dê hala hơđang bìng liang khai dê gơ gơs dà pơrhê kung be sồt dun tòm gơltau,

Lebi 13:43 ပူးပေါင်းရင်းမြစ်များ

Esai 3:17

Yàng Jehôwa rơp lơh bồ ală kòn ùr Siôn dê gơcat ngkàp, mơ Yàng Jehôwa lơh bol khai in ơm kuh lòi rồ.”

Ejekiel 22:26

Ală cau gơnoar ơn phan duh khoai gơ dê sang lòi bơta boh lam Añ jê mơ lơh ƀơ̆ ƀơl ală phan sàng goh Añ jê; bol khai ò cah is phan lơi la sàng goh mơ phan lơi la phan òs; bol khai kung ò bơto gơs bơta krơi is digùl phan ƀơ̆ ƀơl mơ phan sàng goh; mơ bol khai ñềm mat wèt ò kơlôi rcang hơ bơta prap gàr ală ngai Saƀat Añ jê, tian gơs lơh Añ in gơkòl sền òsơp digùl bol khai.

Lebi 10:10

Bol mê pal git cah is digùl phan sàng goh mơ phan òs, digùl bơta ò sàng goh mơ bơta sàng goh,

Lebi 13:19

mơ di tiah neh gơs toh as hơ̆ gơlik as bò hala pơrhê dô êt gen khai pal lòt tơlik să tòm khai di đap cau gơnoar ơn phan duh khoai.

Lebi 13:42

Mơya dilah khai gơs dô bă tiah sồt jê dà pơrhê hơđang bồ lòl khai dê hala di bìng liang khai dê gen hơ̆ la dô bơta sồt dun neh gơlik gơs hơđang bồ khai dê hala hơđang bìng liang khai dê.

Lebi 13:44

cau hơ̆ neh gơs dun mơ cau hơ̆ la ò goh. Cau gơnoar ơn phan duh khoai pal yal tơlik khai la ò goh tài bơh tiah sồt hơđang bồ khai dê.