Lebi 13:20 - Sră Goh 2018

²⁰ Cau gơnoar ơn phan duh khoai pal sền sơwì tiah hơ̆, mơ dilah tiah hơ̆ sền gơlơh kung be gơ neh sa jrô rlau mơ gơltau mơ sơnò tiah hơ̆ neh gơlik kò, gen cau gơnoar ơn phan duh khoai pal yal tơlik cau hơ̆ la ò goh. Hơ̆ la dô bơta kòp dun tòm gơltau neh gơlik gơs di tiah neh gơs as bơh lài.

Lebi 13:20 ပူးပေါင်းရင်းမြစ်များ

Lebi 13:19

mơ di tiah neh gơs toh as hơ̆ gơlik as bò hala pơrhê dô êt gen khai pal lòt tơlik să tòm khai di đap cau gơnoar ơn phan duh khoai.

Lebi 13:2

“Tòm tŭ cau lơi gơs as hala toh prền hala tềl bò di gơltau khai dê mơ gơ gơlik gơs dun tòm gơltau, gen cau pal lam khai tus hơ Arôn cau gơnoar ơn phan duh khoai hala tus hơ dô nă tòm ală kòn klau khai dê la cau gơnoar ơn phan duh khoai.

Lebi 13:21

Mơya dilah tòm tŭ cau gơnoar ơn phan duh khoai sền sơwì gơ gen ò gŏ sơnò kò tòm hơ̆, mơ gơ ò di jrô rlau mơ gơltau mơ neh gơlik pàl pàl, gen cau gơnoar ơn phan duh khoai pal lòi cau hơ̆ ơm is dô nă khai tòm poh ngai.

Lebi 13:3

Cau gơnoar ơn phan duh khoai pal sền sơwì tiah sồt di gơltau cau hơ̆ dê, mơ dilah sơnò di tiah sồt neh gơlik gơs kò mơ tềl sồt sền gơlơh be neh gơ sa jrô rlau gơltau gen hơ̆ la dô bơta sồt dun tòm gơltau. Tòm tŭ cau gơnoar ơn phan duh khoai neh sền sơwì khai gen pal yal lah cau hơ̆ la ò goh jat bơta sồr lam duh khoai.

Mathiơ 12:45

gen gơ lòt tai mơ lam tus poh nơm cà ndai iơh bơsak rlau mơ gơ, mut ơm bal tềng hơ̆; behơ̆ rài kis cau hơ̆ gơlik iơh rmơh rlau mơ lài òr. Jơi bơtiàn iơh bơsak do kung rơp behơ̆ sơl.”

Jang 5:14

Tơnơ̆ wơl Yàng Jesu bàn cau hơ̆ tòm hìu duh khoai gen đơs lah: “Do, mê neh bòi rau, bañ tìs glài tai yơ, rngòt gơs bơta lơi iơh rlau tai gơlik mê in mòn.”

II Pier 2:20

Dilah bol khai neh kơnòm dê bơta dòp git Yàng la Yàng Dong Klàs bol he dê la Yàng Jesu Krist, mơ geh lik klàs bơh bơta ngkòr ngkàc dunnia dê rau, mơ dilah gơkòl ală bơta hơ̆ kơt wơl mơ at bồ tai, gen bơta lồi dut bol khai dê rơp gơlik iơh rlau mơ lài òr.