Lebi 12:5 - Sră Goh 2018

⁵ Dilah khai deh kòn ùr gen khai rơp gơlik gơs ò goh tòm bàr poh kung be tòm tŭ khai gơlik să kòp kơnhai. Lồc behơ̆ khai pal gơn prau jơt prau ngai tai nàng geh goh bơh di bơta gơlik să khai dê.

Lebi 12:5 ပူးပေါင်းရင်းမြစ်များ

Sơnròp Gơlik Gơs 3:13

Jehôwa Yàng Tom Trồ lùp cau ùr lah: “Ñchi ai neh lơh behơ̆ taih?” Cau ùr ho lah: “Bơs neh ơniai añ mơ añ neh sa rau.”

Lebi 12:2

“Đơs tĕ mơ cau Israel lah: ‘Dô nă cau ùr neh bun mơ deh dô nă kòn klau gen rơp gơlik gơs ò goh tòm poh ngai jat bơta sồr lam tòm toh kung be tòm tŭ khai gơlik să kòp kơnhai behơ̆ sơl.

Lebi 12:4

Lồc behơ̆ cau ùr hơ̆ pal gơn pe jơt pe ngai nàng lơh goh bơh di bơta gơlik să khai dê. Khai ò di ƀư di phan lơi neh ơn is sàng goh hala lòt tus hơ tiah sàng goh jơl tus di ală ngai bơh bơta lơh goh khai dê neh tơl.

Lebi 12:6

Tòm tŭ ală ngai lơh goh khai dê bơh kòn klau hala kòn ùr neh tơl, khai pal cèng tus hơ cau gơnoar ơn phan duh khoai di tiah mut Sàl Tòm Mat dô nơm belàt kòn neh gơs dô nam nàng lơh gơs phan ơn chu pơrguc mơ dô nơm kòn sềm ntòp hui hala dô nơm sềm ntòp nàng lơh gơs phan ơn tơwài glài.