Bol mê pal git cah is digùl bơta ò sàng goh mơ bơta sàng goh, digùl ală phan kis neh geh crơng gơs mơ bol mê rgơi sa poac bol gơ dê mơ ală phan mơ bol mê ò di sa poac bol gơ dê.’”
“Đơs tĕ mơ cau Israel lah: ‘Dô nă cau ùr neh bun mơ deh dô nă kòn klau gen rơp gơlik gơs ò goh tòm poh ngai jat bơta sồr lam tòm toh kung be tòm tŭ khai gơlik să kòp kơnhai behơ̆ sơl.
Dilah dô nă cau lơi ƀư di phan ò goh kòn mơnus dê, ò git la phan lơi neh lơh khai in gơlik gơs ò goh, bulah khai ò đal git bơta hơ̆, tòm tŭ khai git bơh bơta hơ̆ rau gen khai gơkòl kòp la neh tìs glài.
Dilah gơs cau lơi ƀư di phan lơi ò goh, bulah la bơta ò goh kòn mơnus dê hala phan poan jơng ò goh, phan cù kìr iơh rmơh, lồc behơ̆ sa poac phan ơn bơta ring lơngai mơ Yàng Jehôwa, gen cau hơ̆ pal kong tơlik bơh di làng bol khai dê.”
