Lebi 11:40 - Sră Goh 2018

⁴⁰ Cau lơi sa poac chơt ală phan hơ̆ dê gen pal pìh ală ồi ào khai dê, mơ khai rơp gơlik gơs ò goh jơl tus trồ mho. Cau lơi tă cèng dô nơm phan chơt hơ̆ pal pìh ală ồi ào khai dê. Mơ khai rơp gơlik gơs ò goh jơl tus di trồ mho.

Lebi 11:40 ပူးပေါင်းရင်းမြစ်များ

Lik Ejiptơ 22:31

Bol mê rơp la làng bol sàng goh Añ jê. Behơ̆, bañ sa poac phan poan jơng lơi neh gơkòl crè bơh phan brê; sơrbì tĕ so in sa.

Esai 1:16

Rào tĕ să tòm bol mê, lơh tĕ să tòm bol mê in sàng goh! Tă sang tĕ ală broă iơh bol mê dê bơh di đap mat Añ! Ơm tĕ, bañ lơh tìs tai.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 4:14

Gen añ đơs lah: “Ò di behơ̆, ơ Yàng Jehôwa At Bồ Hơđang Jơh, añ ò tŭ lơi lơh ƀơ̆ ƀơl să tòm añ. Bơh tŭ kơnòm să tus tŭ do, añ ò tŭ lơi sa phan chơt is hala kong phan brê crè poac. Ò tŭ lơi gơs poac ò goh lơi mut tòm bơr añ jê.”

Ejekiel 44:31

Ală cau gơnoar ơn phan duh khoai ò di sa poac phan lơi, sềm hala phan poan jơng lơi neh chơt hala gơkòl crè poac bơh phan poan jơng tòm brê.”

Lebi 11:25

Cau lơi tă cèng dô nơm tòm ală ƀồc chơt bol gơ dê gen pal pìh ồi ào he dê, mơ khai rơp gơlik ƀơ̆ ƀơl jơl tus trồ mho.

Lebi 11:28

Cau lơi tă cèng ƀồc chơt bol gơ dê gen pal pìh ồi ào khai dê, mơ khai rơp gơlik ò goh jơl tus di trồ mho. Bol gơ la ò goh bol mê in.

Lebi 11:39

Dilah dô nơm phan poan jơng lơi mơ bol mê geh gơnoar sa poac gơ mơ gơ neh chơt gen cau lơi ƀư di phan chơt hơ̆ rơp gơlik gơs ò goh jơl tus di trồ mho.

Lebi 14:46

Cau lơi mut tòm hìu hơ̆ tòm tŭ neh kal rau rơp gơlik gơs ò goh jơl tus di trồ mho.

Lebi 15:15

Cau gơnoar ơn phan duh khoai pal ơn bol gơ, dô nơm lơh gơs phan ơn tơwài glài mơ dô nơm ne lơh gơs phan ơn chu pơrguc. Lơh behơ̆, gen khai lơh gơs bơta tơwài glài di đap Yàng Jehôwa cau hơ̆ in tài bơh bơta gơhòr lik bơh di să khai.

Lebi 15:27

Cau lơi ƀư di ală phan hơ̆ rơp gơlik ò goh; khai pal pìh ală ồi ào khai dê mơ um mơ dà, mơ khai rơp gơlik ò goh jơl tus trồ mho.

Lebi 16:26

Cau klau hồ toh be lơh gơs be àñ glài pal pìh ală ồi ào khai dê mơ um dà să tòm khai, tơnơ̆ mơ hơ̆ gen khai rgơi mut tòm sàl ơm.

Lebi 16:28

Cau klau chu ală phan hơ̆ pal pìh ală ồi ào khai dê mơ um dà să tòm khai, tơnơ̆ mơ hơ̆ khai rgơi mut tòm sàl ơm.

Lebi 22:6

Dô nă cau neh ƀư di phan lơi tòm ală phan behơ̆ rơp kòl ò goh jơl tus di trồ mho. Khai ò di sa phan ơn sàng goh lơi, mìng tòm tŭ khai neh um să khai tòm dà.

Lebi 22:8

Khai ò di sa phan lơi neh chơt hala bơh ală phan poan jơng tòm brê crè poac, nàng gơlik gơs ò goh bơh gơ. Añ la Yàng Jehôwa.

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Khà Làng Bol 19:19

Cau geh kòp la goh rơp rsìh dà hơđang cau ò goh tòm ngai dơ̆ pe mơ ngai dơ̆ poh, mơ tòm ngai dơ̆ poh khai pal lơh goh khai in. Cau neh goh pal pìh ală ồi ào khai dê mơ um tòm dà, mơ tòm trồ mho ngai hơ̆ khai rơp geh goh.

I Kôrintô 10:21

Ală oh mi ò rgơi hùc mơngàn Yàng dê, mơ kung hùc mơngàn ală cà dê; oh mi ò rgơi sa phan Yàng dê, mơ kung sa phan ală cà dê.

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

Yal Wơl 14:21

Bañ sa phan lơi bol mê bàn neh chơt rau. Bol mê rgơi ai gơ dô nă cau làng bơdìh in ơm tòm dô nơm ƀòn dờng bol mê dê, mơ khai rgơi sa poac gơ, hala bol mê rgơi tac gơ mơ dô nă cau làng bơdìh. Mơya bol mê la dô làng bol sàng goh Jehôwa Yàng Tom Trồ bol mê in. Bañ gơm dô nơm be kòn tòm dà toh mè gơ dê.”

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.