Lebi 11:32 - Sră Goh 2018

³² Tòm tŭ dô nơm tòm ală phan hơ̆ chơt mơ dùh hơđang phan lơi gen phan hơ̆, bulah la phan ngui tòm broă lơi gen kung gơlik gơs ò goh, bulah gơ la phan lơh mơ chi, mơ brài, mơ gơltau hala mơ che dơmài. Ơn tĕ gơtòm dà; jơl tus di trồ mho, gen gơ rơp geh goh.

Lebi 11:32 ပူးပေါင်းရင်းမြစ်များ

Lebi 11:31

Bơh digùl ală phan lòt wañ hơđang ù, hơ̆ la ală phan ò goh bol mê in. Cau lơi ƀư di ală phan hơ̆ tòm tŭ gơ neh chơt rau rơp gơlik ò goh jơl tus di trồ mho.

Lebi 14:46

Cau lơi mut tòm hìu hơ̆ tòm tŭ neh kal rau rơp gơlik gơs ò goh jơl tus di trồ mho.

Lebi 15:12

Dô nơm gri mơ ù kơnàng mơ cau hơ̆ neh ƀư gen pal jan bơcah, mơ phan lơi lơh mơ chi pal rào goh mơ dà.

Lebi 15:15

Cau gơnoar ơn phan duh khoai pal ơn bol gơ, dô nơm lơh gơs phan ơn tơwài glài mơ dô nơm ne lơh gơs phan ơn chu pơrguc. Lơh behơ̆, gen khai lơh gơs bơta tơwài glài di đap Yàng Jehôwa cau hơ̆ in tài bơh bơta gơhòr lik bơh di să khai.

Lebi 16:26

Cau klau hồ toh be lơh gơs be àñ glài pal pìh ală ồi ào khai dê mơ um dà să tòm khai, tơnơ̆ mơ hơ̆ gen khai rgơi mut tòm sàl ơm.

Lebi 17:15

Cau lơi, bulah la cau ƀòn tòm hala cau làng bơdìh, sa phan lơi neh bàn chơt rau hala gơkòl crè poac bơh ală phan poan jơng tòm brê gen cau hơ̆ pal pìh ală ồi ào khai dê mơ um tòm dà, mơ khai gơlik ò goh jat bơta sồr lam duh khoai jơl tus di trồ mho; lồc behơ̆ khai geh goh.

Lebi 22:6

Dô nă cau neh ƀư di phan lơi tòm ală phan behơ̆ rơp kòl ò goh jơl tus di trồ mho. Khai ò di sa phan ơn sàng goh lơi, mìng tòm tŭ khai neh um să khai tòm dà.

Lebi 6:28

Glah mơ ù ngui nàng gơm poac pal jan bơcah; mơya dilah gơm tòm glah mơ kòng gen glah hơ̆ pal tho jùt goh mơ dà.

Khà Làng Bol 19:15

mơ dô nơm hồp lơi ò gơs bơnap kơt bal mơ gơ rơp kong kòp la ò goh.

Khà Làng Bol 19:7

Tơnơ̆ mơ hơ̆ cau gơnoar ơn phan duh khoai pal pìh ồi ào khai dê mơ um tòm dà. Gen khai rgơi mut tòm sàl ơm mơya khai rơp kong kòp la ò goh jơl tus di trồ mho.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Sră Pơyoa Pol Dê Pơyoa Tit In 3:5

ò di bơh broă song ring să tòm bol he neh lơh ò, mơya jat nùs kòñ nđàc Kơnràñ dê, kơnòm di bơta rào goh bơh bơta deh wơl pa mơ bơta tòmgơl pa tòm Yàng Hwềng Goh.