Lebi 10:9 - Sră Goh 2018

⁹ “Mê mơ ală kòn klau mê dê bañ ñô tơrnòm hala phan ñô lơi ndai gơs kañ tŭ lơi mut tòm Sàl Tòm Mat, rngòt bol mê rơp chơt. Hơ̆ la dô jơnau sồr gam sùm sùm bơh rài do tus hơ rài ne.

Lebi 10:9 ပူးပေါင်းရင်းမြစ်များ

Lik Ejiptơ 27:21

Tòm dơlam Sàl Tòm Mat, đah bơdìh bài kơrnìng di đap đài Bơta Cơng Tàng, Arôn mơ ală kòn klau khai dê pal rcang ală ồs đèng àng sùm di đap Yàng Jehôwa bơh trồ mang jơl àng drim. Hơ̆ la dô bơta sồr lam gam sùm sùm cau Israel in tòm ală rài.

Jơnau Pơnđik 20:1

Alak tơrnòm lơh cau in dơñŏ tơnhial, phan ñô bơñul lơh cau in đơs tràl sơrbil; dilah cau lơi ngui gơ oă ir, ò di la jak chài.

Esai 28:7

Mơ ală cau do kung gơsèng bơh tơrnòm ño, gơpơyơng bơh tơrnòm pràn: Cau gơnoar ơn phan duh khoai mơ cau gơnoar hwơr lòt gơtòmsèng bơh tơrnòm pràn, bơñul ñô tơrnòm ño; bol khai sơwing bồ tài bơh tơrnòm pràn, bol khai lu li tòm tŭ sền ală bơta gơtơnggŏ, bol khai gơtup tìs tòm tŭ cahrña.

Ejekiel 44:21

Ò gơs cau gơnoar ơn phan duh khoai lơi ñô tơrnòm tòm tŭ mut tòm ƀlàng dơlam.

Sră Ôse 4:11

Mơ ơn să tòm bol khai tòm bơta rềs àr mơ tòm bơta ñô sa bơñul lơmbè la ală bơta tơnroh bơta git wă làng bol Añ jê.

Lebi 10:8

Gen Yàng Jehôwa đơs mơ Arôn lah:

Lebi 3:17

Do la dô jơnau sồr gam sùm sùm ală rài rơp tus in, bulah ơm tiah lơi: Bol mê ò di sa dơngi hala mhàm.

Khà Làng Bol 6:20

Gen cau gơnoar ơn phan duh khoai rơp tơyài ală phan hơ̆ di đap Yàng Jehôwa lơh gơs phan ơn tơyài; gơ la sàng goh mơ gơrê bal mơ cau gơnoar ơn phan duh khoai, bal mơ ntơh neh tơyài mơ bơnô neh ơn rau. Tơnơ̆ mơ hơ̆, cau Nasire geh ñô tơrnòm.

Khà Làng Bol 6:3

gen khai pal wèr ñô tơrnòm ño mơ ală phan ñô gơs kañ, mơ ò di ñô dà sràt lơh gơs bơh tơrnòm ño hala lơh gơs bơh phan ñô ndai gơs kañ. Khai ò di ñô dà plai ño hala sa ală plai ño dum hala ro.

Luka 1:15

Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

I Timôthe 3:3

Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

I Timôthe 3:8

Ală cau dong gàr hìu jum kung pal kràñ cê, ò đơs bàr jơnau, ò jròk ñô tơrnòm alak, ò hàm hà cồng nha ƀơ̆ ƀơl,

I Timôthe 5:23

Tài bơh klung mê, mơ tài bơh mê òs kòp jê, gen bañ hùc mìng dà lơm, mơya kung ngui dô êt tơrnòm sơl.

Sră Pơyoa Pol Dê Pơyoa Tit In 1:7

Bơh cau at bồ hìu Yàng Tom Trồ dê gen pal ò gơs tiah geh lah pơrhơng, ò di lơh be tơl, ò di mhar gơjrañ, ò di tơhìr tơrnòm alak, ò di lơh rhung rhang, ò di hàm hà cồng nha ƀơ̆ ƀơl,