Lebi 10:3 - Sră Goh 2018

³ Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Lebi 10:3 ပူးပေါင်းရင်းမြစ်များ

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Sră Jop 2:10

Mơya khai ho wơl bau ùr khai lah: “Ai đơs kung be dô nă cau ùr bơrngơl gơla. Bol he dòp bơta niam bơh tê Yàng Tom Trồ, mơ ò bài dòp bơta iơh ơ?” Tòm jơh ală bơta hơ̆, Jop ò tìs glài bơh jơnau đơs khai dê.

Đơs Crih 119:120

Poac să añ rơm rngòt di Yàng, Kung rngòt di bơta cahrña Yàng dê sơl.

Đơs Crih 148:14

Kơnràñ neh pò tơngguh ngke làng bol Kơnràñ dê. La bơta jòng ro ală cau dòn song Kơnràñ dê, Hơ̆ la làng bol Israel, la cau ơm rềp di Kơnràñ. Jòng ro Yàng Jehôwa!

Đơs Crih 39:10

Dan Yàng bañ pù lơh añ tai; Añ kong lề lac tài bơh tê Yàng lơh glài.

Đơs Crih 39:9

Añ lơh be kloat, ò pò bơr, Tài bơh Yàng neh lơh broă hơ̆.

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Đơs Crih 89:7

Kơnràñ la Yàng Tom Trồ cau pal rngòt ngan tòm mpồl jơnum ală cau sàng goh dê, La Bơtau dờng mơ cau pal rngòt rngơt rlau mơ jơh ală cau ơm gùt dar Kơnràñ.

Đơs Crih 93:5

Ơ Yàng Jehôwa, ală jơnau lơh nền Kơnràñ dê la nền cê ngan; Bơta sàng goh la di pal ngan tòm hìu Kơnràñ dê jơl sùm sùm.

Lik Ejiptơ 14:17

Gen Añ rơp lơh cau Ejiptơ in kơldang nùs nàng bol khai rơp mù tòm dàlềng mơ ting jat cau Israel. Mơ Añ rơp geh gơklŏ bơh Pharaôn bal mơ jơh mpồl ling khai dê, bơh ală rơndeh lòs tòmlơh bal mơ ală cau ling hào ơseh khai dê.

Lik Ejiptơ 14:4

Añ rơp lơh kơldang nùs Pharaôn dê, khai rơp ting jat cau Israel. Mơya să tòm Añ rơp geh gơklŏ bơh Pharaôn mơ jơh mpồl ling khai dê, mơ cau Ejiptơ rơp git Añ la Yàng Jehôwa.” Mơ cau Israel lơh jat behơ̆.

Lik Ejiptơ 19:22

Tus di ală cau gơnoar ơn phan duh khoai kung pal lơh să tòm bol khai in gơs sàng goh tòm tŭ tus rềp mơ Yàng Jehôwa, ò behơ̆ gen Yàng Jehôwa kung rơp tòmdră mơ bol khai.”

Lik Ejiptơ 19:24

Yàng Jehôwa ho lah: “Mù tĕ mơ cèng Arôn guh bal mơ mê; mơya ală cau gơnoar ơn phan duh khoai bal mơ làng bol bañ pơnđơl să tus rềp nàng guh tus hơ Yàng Jehôwa, rngòt Kơnràñ rơp tòmdră mơ bol khai.”

Lik Ejiptơ 30:30

Bong mơñà tĕ Arôn in mơ ală kòn klau khai dê, ơn is bol khai gơlik sàng goh nàng bol khai lơh gơs ală cau gơnoar ơn phan duh khoai duh broă Añ jê.

Esai 39:8

Ejekia ho wơl Esai lah: “Jơnau đơs Yàng Jehôwa dê mơ ồng pa yal wơl añ in iat hơ̆ la niam,” bơh bơtau kơlôi lah: “Rơp geh ring lơngai mơ ring niam tòm rài añ jê.”

Esai 49:3

Kơnràñ đơs mơ añ lah: “Mê la cau duh broă Añ, tòm Israel Añ rơp geh bơta gơklŏ bơh mê.”

Esai 52:11

Cah is tĕ, cah is tĕ, lik tĕ bơh tềng hơ̆! Bañ ƀư di phan ƀơ̆ ƀơl! Lik tĕ bơh digùl hơ̆ mơ lơh tĕ să tòm bol mê gơlik sàng goh, bol mê la ală cau tui àñ ală phan ngui Yàng Jehôwa dê.

Ejekiel 20:41

Añ rơp dòp bol mê kung be kơlhô ƀô bơlhu tòm tŭ Añ cèng bol mê lik bơh di ală làng bol, mơ pơjum tơrgòm bol mê bơh di ală lơgar mơ bol mê neh kong nrah nring; mơ Añ rơp yal tơlik să tòm Añ sàng goh digùl bol mê mơ di đap ală làng bol.

Ejekiel 28:22

mơ đơs tĕ lah: Jehôwa Yàng Tom Trồ đơs be do: ‘Ơ Sidôn, Añ tòmdră mơ mê, mơ Añ rơp geh gơklŏ bơh digùl mê, bol khai rơp git Añ la Yàng Jehôwa, tòm tŭ Añ lơh gơlik gơs bơta cahrña hơđang gơ mơ yal tơlik să tòm Añ la sàng goh tòm gơ.

Ejekiel 38:16

Mê rơp lòt tus tòmdră mơ làng bol Israel Añ jê, kung be dô puk mhwal jơm gòm lơgar. Tòm ală ngai rơp tus, Ơ Gok, Añ rơp cèng mê tus tòmdră mơ lơgar Añ jê, tồ ală làng bol rgơi git Añ tòm tŭ Añ ràng tơlik să tòm Añ sàng goh bơh mê di đap mat bol khai.’”

Ejekiel 40:46

mơ ơdŭ wèt mat hơ đah đang lòi is ală cau gơnoar ơn phan duh khoai la cau duh broă di cơnòng duh khoai. Hơ̆ la ală kòn klau Jadôk dê, mìng ală cau Lebi lơm rgơi tus rềp di Yàng Jehôwa nàng duh broă di đap Kơnràñ.”

Ejekiel 42:13

Gen cau hơ̆ đơs mơ añ; “Ală ơdŭ đah đang mơ đah đơm di đap ƀlàng hìu duh khoai dê la ală ơdŭ sàng goh, la tiah ală cau gơnoar ơn phan duh khoai tus rềp hơ Yàng Jehôwa rơp sa ală phan ơn duh khoai sàng goh rlau jơh. Tềng hơ̆ bol khai rơp ơn ală phan ơn duh khoai sàng goh rlau jơh, hơ̆ la ală phan ơn duh khoai mơ kòi mbo, ală phan ơn duh khoai tơwài glài bơta gơtup tìs mơ ală phan ơn duh khoai tơwài glài, bơh tiah hơ̆ la tiah sàng goh.

Lebi 21:15

nàng khai rơp ò lơh ƀơ̆ ƀơl kòn sau khai dê digùl làng bol khai. Añ la Yàng Jehôwa, la Bơtau lơh khai in gơs sàng goh.’”

Lebi 21:17

“Đơs tĕ mơ Arôn lah: ‘Gan ală rài rơp tus gen bañ gơs cau lơi tòm kòn sau mê dê la cau gơs să jan ò wil tơl rgơi tus rềp nàng ơn phan sa Yàng Tom Trồ khai dê.

Lebi 21:21

Tòm kòn sau Arôn la cau gơnoar ơn phan duh khoai, ò gơs cau lơi gơs să jan ò wil tơl rgơi tus rềp nàng ơn Yàng Jehôwa in ală phan ơn chu tòm ồs. Khai gơs să jan ò wil tơl; khai ò geh tus rềp nàng ơn phan sa Yàng Tom Trồ khai dê.

Lebi 21:6

Bol khai pal gơs goh Yàng Tom Trồ bol khai in, mơ ò di lơh sơnđan Yàng Tom Trồ bol khai dê gơkòl sền òsơp.

Lebi 21:8

Sền tĕ di bol khai la sàng goh tài bơh bol khai ơn phan sa Yàng Tom Trồ bol mê dê. Sền tĕ bol khai la sàng goh, tài bơh Añ, Yàng Jehôwa, la sàng goh, mơ Añ neh lơh bol mê in gơs sàng goh.

Lebi 22:9

Bol khai pal prap gàr ală jơnau Añ sồr, tồ bol khai ò gơkòl tìs glài mơ chơt bơh neh sền òsơp di ală phan sàng goh hơ̆. Añ la Yàng Jehôwa, la Bơtau lơh bol khai in gơs sàng goh.

Lebi 8:35

Bi pal ơm wơl ngai mơ mang di tiah mut Sàl Tòm Mat dê tòm poh ngai mơ lơh jat bơta Yàng Jehôwa neh sồr lơh nàng bi in ò chơt, bơh hơ̆ la jơnau sồr neh ai añ in.”

Khà Làng Bol 16:5

Gen khai đơs mơ Kôra mơ jơh ală cau jat khai lah: “Àng drim hìng gen Yàng Jehôwa rơp ràng tơlik ñcau la cau gơrê bal mơ Kơnràñ mơ ñcau la sàng goh, mơ Kơnràñ rơp lơh cau hơ̆ tus rềp mơ Kơnràñ. Cau mơ Yàng Jehôwa sac rwah gen Kơnràñ rơp lơh cau hơ̆ in tus rềp mơ Kơnràñ.

Khà Làng Bol 20:12

Mơya Yàng Jehôwa đơs mơ Môise mơ Arôn lah: “Tài bơh bol mê ò dòn kơnòm di Añ, nàng ràng tơlik Añ la sàng goh di đap ală cau Israel, bol mê ò cèng mpồl jơnum do mut tòm lơgar Añ ai bol khai in.”

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Jang 12:28

Ơ Bèp, dan lơh tĕ gơklŏ sơnđan Bèp.” Tŭ hơ̆ gơs jơnau bơh đang trồ đơs lah: “Añ neh lơh gơklŏ sơnđan rau, mơ Añ rơp lơh gơklŏ tai.”

Jang 14:13

Bol mê ai sơnđan Añ mơ dan bơta lơi, gen Añ rơp lơh, nàng Bèp in geh gơklŏ dê Kòn.

Yal Wơl 32:51

Hơ̆ la tài bơh bàr nă bol mê ò dòn Añ di đap ală cau Israel tòm tiah dà Meriba Kades tòm ƀlàng ngềt ngơt Jin, mơ tài bơh mê ò bơtào dờng màng bơta sàng goh Añ jê digùl ală cau Israel.

II Tesalônika 1:10

tòm tŭ Kơnràñ tus tòm ngai hơ̆ nàng tơlik să gơklŏ digùl ală cau sàng goh Kơnràñ dê, mơ geh jơh ală cau dòn jat jòng ro, tài bơh oh mi neh dòn jơnau bol hi lơh cơng oh mi in rau.

I Pier 4:17

Bơh tŭ tơngai cahrña neh tus, sơntòm bơh di hìu Yàng Tom Trồ dê; mơ dilah sơntòm bơh di bol he, gen bơta lồi dut ală cau ò dòn jat Jơnau Niam Yàng Tom Trồ dê rơp gơlik gơs mbe lơi taih?

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.

I Samuel 3:18

Behơ̆ Samuel yal khai in jơh ală bơta, ò pồn bơta lơi mơ khai. Gen Heli đơs lah: “Hơ̆ la Yàng Jehôwa, dan Kơnràñ lơh tĕ bơta lơi gơlơh niam Kơnràñ in.”

I Samuel 6:20

Gen ală làng bol Bet Semes đơs lah: “Ñcau rgơi ntào di đap mat Yàng Jehôwa la Yàng Tom Trồ sàng goh do taih? Kơnràñ rơp lòt tus hơ ñcau nàng bol he rgơi klàs bơh Kơnràñ taih?”