Lebi 10:14 - Sră Goh 2018

¹⁴ Mơya mê mơ ală kòn klau kòn ùr mê dê rgơi sa piang lă mơ ntơh neh ơn tơyơr bal mơ bơnô neh ơn. Sa tĕ ală phan hơ̆ tòm dô bă tiah neh ơn is sàng goh; ală phan hơ̆ neh geh ai mê mơ ală kòn sau mê in, hơ̆ la pơnah ai bol mê in bơh di ală phan ơn ring lơngai cau Israel dê.

Lebi 10:14 ပူးပေါင်းရင်းမြစ်များ

Lik Ejiptơ 29:33

Bol khai pal sa ală phan ơn do la phan ơn tơwài glài nàng pồ bơtào mơ ơn is bol khai.

Ejekiel 42:13

Gen cau hơ̆ đơs mơ añ; “Ală ơdŭ đah đang mơ đah đơm di đap ƀlàng hìu duh khoai dê la ală ơdŭ sàng goh, la tiah ală cau gơnoar ơn phan duh khoai tus rềp hơ Yàng Jehôwa rơp sa ală phan ơn duh khoai sàng goh rlau jơh. Tềng hơ̆ bol khai rơp ơn ală phan ơn duh khoai sàng goh rlau jơh, hơ̆ la ală phan ơn duh khoai mơ kòi mbo, ală phan ơn duh khoai tơwài glài bơta gơtup tìs mơ ală phan ơn duh khoai tơwài glài, bơh tiah hơ̆ la tiah sàng goh.

Lebi 10:13

Sa tĕ ală phan hơ̆ tòm dô bă tiah sàng goh tài bơh hơ̆ la pơnah mê dê mơ ală kòn klau mê dê bơh di ală phan ơn chu tòm ồs ơn Yàng Jehôwa in, bơh hơ̆ la jơnau añ neh geh sồr.

Lebi 22:13

Mơya dilah dô nă kòn ùr cau gơnoar ơn phan duh khoai dê gơlik gơs ùr bơnrau hala neh gơkòl bau klau sang lòi, khai ò gơs kòn mơ khai neh rê wơl ơm tòm hìu bèp khai dê kung be tòm tŭ khai gam ơruh, khai geh sa tòm phan sa bèp khai dê. Bulah behơ̆, ală cau ò geh gơnoar sa phan hơ̆ gen bañ sa dô êt lơi tòm hơ̆.

Lebi 9:21

Arôn tơyài ală ntơh bal mơ bơnô đah ma di đap Yàng Jehôwa lơh gơs phan ơn tơyơr jat be Môise neh sồr.

Khà Làng Bol 18:11

Do kung la pơnah gơrê bal mơ mê: hơ̆ la phan lơi ơn is bơh di ală phan ơn tơyài cau Israel dê. Añ ai phan hơ̆ mê in mơ ai ală kòn klau kòn ùr mê in lơh gơs pơnah òs ai. Kòp nă tòm hìu nhă mê dê geh goh gen rgơi sa phan hơ̆.

Khà Làng Bol 5:9

Jơh ală phan ơn sàng goh mơ ală cau Israel cèng tus hơ dô nă cau gơnoar ơn phan duh khoai gen rơp gơrê bal mơ cau gơnoar ơn phan duh khoai.

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.