Lebi 1:4 - Sră Goh 2018

⁴ Khai pal ơn tê khai dê di bồ phan ơn chu pơrguc hơ̆, gen gơ rơp geh dòp ala khai nàng tơwài glài khai in.

Lebi 1:4 ပူးပေါင်းရင်းမြစ်များ

Lik Ejiptơ 28:38

Gơ rơp ơm di bìng liang Arôn dê, mơ khai rơp àñ bơta tồi glài cau Israel dê tòm tŭ bol khai ơn ală phan ơn tơwài glài, ò git la phan lơi. Gơ rơp ơm sùm di bìng liang Arôn dê nàng bol khai geh Yàng Jehôwa dòp rò.

Lik Ejiptơ 29:10

Tề tĕ kơnrồ dam tus di đap Sàl Tòm Mat, Arôn mơ ală kòn klau khai dê rơp ơn tê hơđang bồ gơ.

Lik Ejiptơ 29:15

Kup tĕ dô nơm tòm bàr nơm belàt dam, Arôn mơ ală kòn klau khai dê rơp ơn tê hơđang bồ gơ.

Lik Ejiptơ 29:19

Kup tĕ belàt ne, Arôn mơ ală kòn klau khai dê rơp ơn tê hơđang bồ gơ.

Lik Ejiptơ 29:33

Bol khai pal sa ală phan ơn do la phan ơn tơwài glài nàng pồ bơtào mơ ơn is bol khai.

Esai 56:7

Gen Añ rơp cèng ală cau hơ̆ guh hơđang mơnơm sàng goh Añ jê, mơ lơh bol khai in bềng bơta hòn chò tòm hìu hòi dan Añ jê. Ală phan ơn chu pơrguc mơ ală phan ơn pơdơng duh khoai bol khai dê rơp geh dòp hơđang cơnòng duh khoai Añ jê; bơh hìu Añ rơp geh sơnđan la dô nơm hìu hòi dan jơh ală làng bol in.”

Ejekiel 45:15

Dô nơm belàt kung pal kup bơh di kòp mpồl bàr rhiang belàt bơh di ală ƀlàng ñhơt niam Israel dê. Ală phan do rơp ngui lơh gơs ală phan ơn mơ kòi mbo, ală phan ơn chu pơrguc, mơ ală phan ơn bơta ring lơngai nàng lơh gơs phan ơn tơwài glài làng bol in, Jehôwa Yàng Tom Trồ đơs behơ̆.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Lebi 16:21

Khai pal ơn bàr đah tê hơđang bồ be gam kis hơ̆ mơ yal tơlik hơđang gơ jơh ală bơta iơh bơsak mơ tòmdră cau Israel dê, hơ̆ la jơh ală bơta tồi glài bol khai dê, mơ ơn ală bơta tồi glài hơ̆ hơđang bồ be. Khai rơp sồr dô nă cau klau neh geh pồ bơtào lam behơ̆ tus hơ ƀlàng bràs.

Lebi 16:24

Khai pal um dà să tòm khai tòm dô bă tiah sàng goh mơ soh ală ồi ào òs soh khai dê. Gen khai pal lik bơh hơ̆ mơ ơn phan ơn chu pơrguc să tòm khai in mơ phan ơn chu pơrguc làng bol in, nàng lơh bơta tơwài glài să tòm khai in mơ làng bol in.

Lebi 22:21

Tòm tŭ cau lơi cèng kơnrồ hala belàt bơh di mpồl gơ dê nàng lơh gơs dô nơm phan ơn ring lơngai Yàng Jehôwa in nàng lơh gơlik wil tơl dô jơnau srat să ho nền dờng màng lơi hala ơn lơh gơs dô nơm phan ơn jat nùs kòñ, phan ơn hơ̆ pal la phan wil tơl, ò sồt rmàñ sồng geh dòp.

Lebi 22:27

“Tòm tŭ dô nơm kơnrồ kòn, dô nơm belàt hala dô nơm be pa deh gen gơ pal ơm mơ mè gơtòm poh ngai. Tơnơ̆ mơ ngai phàm gen gơ rơp geh dòp lơh gơs phan ơn chu tòm ồs ơn Yàng Jehôwa in.

Lebi 3:13

Khai pal ơn tê khai hơđang bồ gơ dê mơ tơnchơt gơ di đap Sàl Tòm Mat. Gen ală kòn klau Arôn dê rơp rsìh mhàm gơ di cơnòng duh khoai hơđang ală đah.

Lebi 3:2

Khai rơp ơn tê khai dê hơđang bồ phan ơn khai dê mơ tơnchơt gơ di tiah mut Sàl Tòm Mat. Gen ală kòn klau Arôn dê la ală cau gơnoar ơn phan duh khoai rơp rsìh mhàm hơđang cơnòng duh khoai di ală đah.

Lebi 3:8

Khai pal ơn tê khai dê hơđang bồ phan ơn hơ̆ mơ tơnchơt gơ di đap Sàl Tòm Mat. Gen ală kòn klau Arôn dê rsìh mhàm gơ di cơnòng duh khoai hơđang kòp đah.

Lebi 4:15

Ală cau kwang kra mpồl làng bol dê pal ơn tê bol khai dê hơđang bồ kơnrồ dam di đap Yàng Jehôwa, mơ kơnrồ dam pal tơnchơt di đap Yàng Jehôwa.

Lebi 4:20

mơ lơh di kơnrồ dam do tòm toh kung be khai neh lơh di kơnrồ lơh gơs phan ơn tơwài glài. Lơh behơ̆, gen cau gơnoar ơn phan duh khoai rơp lơh gơs bơta tơwài glài bol khai in, mơ bol khai rơp geh toh glài.

Lebi 4:24

Khai pal ơn tê khai dê hơđang bồ be dam mơ tơnchơt gơ di tiah lơh poac phan ơn chu pơrguc di đap Yàng Jehôwa. Hơ̆ la phan ơn tơwài glài.

Lebi 4:26

Khai kung rơp chu jơh dơngi hơđang cơnòng duh khoai kung be khai neh chu dơngi phan ơn duh khoai bơta ring lơngai dê. Lơh behơ̆ gen cau gơnoar ơn phan duh khoai rơp lơh bơta tơwài glài cau tìs glài in, mơ khai rơp geh toh glài.

Lebi 4:29

Khai pal ơn tê khai dê hơđang bồ phan ơn tơwài glài mơ tơnchơt gơ di tiah lơh poac phan ơn chu pơrguc.

Lebi 4:31

Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.

Lebi 4:33

Khai pal ơn tê khai dê hơđang bồ gơ mơ tơnchơt gơlơh gơs phan ơn tơwài glài di tiah lơh poac phan ơn chu pơrguc.

Lebi 4:35

Khai pal tă jơh dơngi tòm toh kung be khai neh tă bơh di belàt phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai hơđang ală phan ơn chu pơrguc ơn Yàng Jehôwa in. Lơh behơ̆, gen cau gơnoar ơn phan duh khoai rơp lơh gơs bơta tơwài glài cau hơ̆ in bơh tồi glài khai neh tìs, mơ khai rơp geh toh glài.”

Lebi 4:4

Khai pal cèng kơnrồ tus di tiah mut Sàl Tòm Mat di đap Yàng Jehôwa. Khai pal ơn tê hơđang gơ mơ tơnchơt gơ di đap Yàng Jehôwa.

Lebi 5:6

mơ bơta lơh glài bơh glài khai neh tìs la khai pal cèng tus hơ Yàng Jehôwa dô nơm belàt kòn dra hala be dra bơh di mpồl belàt nàng lơh gơs phan ơn tơwài glài; mơ cau gơnoar ơn phan duh khoai rơp lơh bơta tơwài glài khai in bơh tồi glài khai dê.

Lebi 6:7

Cau gơnoar ơn phan duh khoai rơp lơh gơs bơta tơwài glài khai in di đap Yàng Jehôwa, mơ khai rơp geh toh glài bơh bơta lơi tòm ală bơta neh lơh khai in tìs glài.”

Lebi 8:14

Gen khai cèng tus kơnrồ dam phan ơn tơwài glài, gen Arôn mơ ală kòn klau khai dê ơn tê bol khai dê hơđang bồ gơ.

Lebi 8:18

Lồc behơ̆, khai cèng tus belàt dam phan ơn chu pơrguc dê, Arôn mơ ală kòn klau khai dê ơn tê hơđang bồ gơ.

Lebi 8:22

Lồc behơ̆, khai cèng tus belàt dam ne la belàt dam nàng ơn tòm bơta pồ bơtào, mơ Arôn mơ ală kòn klau khai dê ơn tê hơđang bồ gơ dê.

Lebi 9:7

Môise đơs mơ Arôn lah: “Tus tĕ hơ cơnòng duh khoai mơ ơn tĕ phan ơn tơwài glài bi in mơ phan ơn chu pơrguc bi in mơ ơn phan tơwài să tòm bi in mơ làng bol in, ơn tĕ phan ơn làng bol in mơ ơn phan tơwài glài bol khai in, be Yàng Jehôwa neh sồr.”

Khà Làng Bol 15:25

Cau gơnoar ơn phan duh khoai pal lơh gơs bơta tơwài glài jơh mpồl jơnum làng bol in, mơ bol khai rơp geh toh glài, bơh bơta tìs hơ̆ ò di la bơh nùs kòñ, mơ bơh bơta lơh tìs bol khai dê gen bol khai pal cèng ơn Yàng Jehôwa in dô nơm phan ơn chu tòm ồs mơ dô nơm phan ơn tơwài glài.

Khà Làng Bol 15:28

Cau gơnoar ơn phan duh khoai rơp lơh gơs bơta tơwài glài di đap Yàng Jehôwa bơh cau neh tìs tòm tồi glài gơtup gơtơl, mơ tòm tŭ bơta tơwài neh lơh gơs khai in rau gen khai rơp geh toh glài.

Khà Làng Bol 25:13

Khai mơ ală kòn sau khai dê rơp gơs dô bơta ho bal gam sùm sùm tòm gơnoar broă ơn phan duh khoai, tài bơh khai neh duh hul bơh bơta ryŭ ryơm Yàng Tom Trồ khai dê, mơ neh lơh gơs bơta tơwài glài cau Israel in.”

Khà Làng Bol 8:10

Mê pal cèng ală cau Lebi tus di đap Yàng Jehôwa mơ ală cau Israel pal ơn tê bol khai dê hơđang bol hơ̆.

Khà Làng Bol 8:12

Tơnơ̆ mơ tŭ ală cau Lebi neh ơn tê bol khai dê hơđang bồ ală kơnrồ dam, gen ngui tĕ dô nơm lơh gơs phan ơn tơwài glài mơ dô nơm ndai lơh gơs phan ơn chu pơrguc nàng tơwài glài ală cau Lebi in.

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Rôma 3:25

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr;

Rôma 5:11

Ò di mìng behơ̆ lơm, mơya bol he kung hòn chò tòm Yàng Tom Trồ la bơh Yàng Jesu Krist bol he dê, bơh Kơnràñ mơ bol he gơlik gơs bơyô Yàng Tom Trồ dê.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Hebrơ 10:4

bơh mhàm kơnrồ dam mơ be dam dê ò rgơi tă sang tồi glài.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.