Kôlôse 4:12 - Sră Goh 2018

¹² Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

Kôlôse 4:12 ပူးပေါင်းရင်းမြစ်များ

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Luka 1:1

Ơ Theôphil màng ryŭ, bơh neh gơs oă cau jơh nùs kòñ cih dô jơnau yal bơh ală broă neh gơlik gơs wil tơl digùl bol he,

Luka 22:44

Tòm bơta jê sồt bòl glar ngan Kơnràñ hòi dan sơlo rac ròc, kơlhề gơlik gơs be ntòc mhàm dờng rung di tiah.]

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Rôma 15:14

Ơ oh mi añ jê, đah pơnah oh mi gen să tòm añ kung dòn nền ngan lah oh mi gơs bềng lìu bơta lơbơn niam, gơs tơl bơta git jak, mơ chài rgơi bơto tơngkah bal mơ gơp.

Rôma 15:30

Behơ̆, ơ oh mi, kơnòm di Yàng Jesu Krist bol he dê mơ kơnòm di bơta kòñ gơboh Yàng Hwềng dê, añ bơto tơngkah oh mi gơs tĕ dô nùs bal mơ añ nàng tòmlơh tòm bơta hòi dan mơ Yàng Tom Trồ añ in,

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

I Kôrintô 2:6

Bulah behơ̆, digùl ală cau neh dong bol hi kung bơto yal bơh bơta jak chài, mơya ò di bơh bơta jak chài rài do dê, hala bơh cau at bồ rài do, la cau rơp roh rui;

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

Galati 1:10

Ai tŭ do, añ jòi bơta nàng lơh niam nùs kòn mơnus hala lơh niam nùs Yàng Tom Trồ taih? Añ kòñ lơh niam nùs kòn mơnus ơ? Dilah añ gam kòñ lơh niam nùs kòn mơnus, gen añ ò di la dĭ gơna Bơtau Krist dê ò.

Galati 4:19

Ơ ală kòn dềt añ jê, bơh ală kòn tàng añ kong tai bơta jê sồt kung be cau jê deh, jơl tus di tŭ Bơtau Krist gơs rùp să tòm ală kòn;

Kôlôse 1:22

Mơya tŭ do Yàng Tom Trồ neh kơnòm di bơta chơt să jan poac să Kơnràñ dê, mơ lơh oh mi in gơs gơtòmsòr wơl, nàng tơlik mat oh mi di đap Kơnràñ dô bă sàng goh, ò sồt rmàñ, ò gơs tiah geh lah pơrhơng.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Kôlôse 1:29

Kung bơh bơta hơ̆ mơ añ kong bòl glar lơh broă, tòmlơh jơh nùs kơnòm di pràn Kơnràñ dê mơ Kơnràñ lơh broă tòm añ dô bă gơs gơnap gơnoar.

Kôlôse 1:7

tòm toh be oh mi neh bơtê mơ Epapras, la cau bơyô lơh broă bal đềt mềr bol hi dê. Khai la cau ala mat bol hi, la dô nă cau gơnoar duh broă dòn song Bơtau Krist dê.

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

Kôlôse 4:9

Cau lòt bal mơ khai la Ônesim, oh mi dòn song mơ đềt mềr ngan, la cau gơp ƀòn oh mi dê. Bol khai rơp yal oh mi in git jơh ală bơta tềng do.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

Philemôn 1:23

Epapras la oh mi bơyô kong jàm bal mơ añ tòm Yàng Krist Jesu, khai còp să bi;

Hebrơ 5:14

Mơya phan sa kơldang gen lòi ală cau neh dờng in, la ală cau kơnòm di bơta lơh jat mơ bơtê git bơta chài rgơi nàng cah is bơta niam mơ bơta iơh.

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

Jakơ 1:1

Jakơ, dĭ gơna Yàng Tom Trồ mơ Yàng Jesu Krist dê, pơyoa jơnau còp să jơt bàr jơi bơtiàn ơm nrah nring làm bă tiah.

Jakơ 1:4

Mơ bơta kơ̆ nùs pal gơlik cồng nha wil tơl tồ oh mi in geh dờng wil tơl, ò siơ̆u dô bơta lơi.

Jakơ 5:16

Behơ̆ yal glài tĕ bal mơ gơp, mơ hòi dan tĕ bal mơ gơp, tồ ală oh mi in geh sơmbòi. Jơnau hòi dan cau song ring dê gơs gơnap gơnoar dờng ƀă tàm ngan.

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

Jude 1:24

Mơ tai, dan Bơtau rgơi ê sền gàr oh mi klàs bơh bơta gơtup tìs, mơ tơlik mat oh mi ntào di đap bơta gơklŏ Kơnràñ dê, dô bă ò tềl sồt mơ hòn chò ò git lơh,