Kôlôse 3:17 - Sră Goh 2018

¹⁷ Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

Kôlôse 3:17 ပူးပေါင်းရင်းမြစ်များ

I Ală Bơtau 18:32

Khai ngui jơt bàr nơm pơnai lŭ hơ̆ mơ bơtào gơs dô nơm cơnòng duh khoai sơnđan Yàng Jehôwa dê. Gen khai tò dô nơm rbòng gùt dar cơnòng duh khoai, ơn bàr lơ-i gar kòi;

Jơnau Pơnđik 3:6

Tòm jơh ală gùng dà kòn dê, dòp git tĕ Kơnràñ, Gen Kơnràñ rơp bơsong ală gùng dà kòn dê.

Mice 4:5

Bơh jơh ală làng bol rơp lòt, kòp nă tòm sơnđan ală yàng bol khai dê; Mơya bol he rơp cơnđòa lòt tòm sơnđan Yàng Jehôwa la Yàng Tom Trồ bol he dê jơl sùm sùm ò lồi.

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Broă 19:17

Jơh tơl nă cau Juda mơ cau Grek ơm tòm Ephesô git broă hơ̆, gen rngòt rngơt; mơ sơnđan Yàng Jesu dê sơlo geh jòng ro.

Broă 4:30

Dan Kơnràñ pò tơlik tê nàng sơmbòi, mơ lơh ală bơta krơi tềl is bơh sơnđan Cau Duh Broă sàng goh Kơnràñ dê la Yàng Jesu.”

Rôma 1:8

Sơnròp ngan, añ kơnòm di Yàng Jesu Krist mơ ưnngài Yàng Tom Trồ añ jê bơh jơh ală oh mi, bơh bơta dòn oh mi dê neh pơnro làm jơh dunnia.

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

Ephesô 1:17

Mơ dan Yàng Tom Trồ Yàng Jesu Krist bol he dê, la Bèp gơklŏ, ai oh mi in hwềng nùs jak chài mơ bơta yal tơlik nàng dòp git Kơnràñ.

Ephesô 5:20

Bơh jơh ală bơta oh mi pal ai sơnđan Yàng Jesu Krist bol he dê mơ sùm sùm ưnngài Yàng Tom Trồ la Bèp.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 2:11

mơ kòp nơm lơmpiat rơp yal tơlik Jesu Krist la Yàng nàng lơh gơklŏ Yàng Tom Trồ la Bèp.

Kôlôse 1:12

mơ ưnngài Yàng Bèp la Bơtau neh lơh bol he in gơlik gơs di pal nàng dòp pơnah tòm sre brê ală cau sàng goh dê ơm tòm lơgar bơta àng.

Kôlôse 2:7

Ơm kơ̆ tĕ be chi sro ryas mơ bơt bơtào tĕ tòm Kơnràñ, kơ̆ nền tòm bơta dòn, jat be oh mi neh geh bơto, kung tơngkah tơngkañ tĕ tòm bơta ưnngài.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

Kôlôse 3:23

Dilah lơh broă lơi, lơh tĕ jơh nùs, be lơh Yàng in, ò di be lơh cau in ò,

I Tesalônika 1:1

Pol, Silbanus, mơ Timôthe pơyoa Hìu Jum Goh cau Tesalônika in tòm Yàng Tom Trồ la Bèp, mơ tòm Yàng Jesu Krist: Dan oh mi in geh bơta nđàc mơ bơta lơngap lơngai.

I Tesalônika 5:18

Bulah tòm broă lơi kung pal ưnngài Yàng Tom Trồ, bơh nùs kòñ Yàng Tom Trồ dê tòm Yàng Krist Jesu gơwèt mơ oh mi la behơ̆.

II Tesalônika 2:17

pơndòm pơniang nùs oh mi dê, lơh oh mi in gơs kơ̆ nền tòm jơh ală broă niam mơ jơnau đơs niam.

Hebrơ 1:5

Bơh gơs tŭ lơi Yàng Tom Trồ đơs mơ cau gơnrơh lơi lah: “Mê la Kòn Añ jê, Ngai do Añ neh tơnggơs mê,” sơl ơ? Hala đơs tai lah: “Añ rơp lơh gơs Bèp Khai dê, Khai rơp lơh gơs Kòn Añ jê,” sơl ơ?

Hebrơ 13:15

Behơ̆ bol he kơnòm tĕ di Yàng Jesu, mơ kư̆ ơn sùm phan ơn duh khoai la jơnau jòng ro Yàng Tom Trồ bơh bơr sơndồi yal tơlik sơnđan Kơnràñ la Yàng.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

I Jang 2:23

Cau lơi ò dòp Yàng Kòn, gen kung ò gơs Yàng Bèp; cau lơi dòp Yàng Kòn gen kung gơs Yàng Bèp sơl.

I Jang 3:18

Ơ ală kòn añ jê, bañ kòñ gơboh mìng bơh jơnau đơs mơ bơh lơmpiat lơm, mơya bơh broă lơh mơ jơnau song.