Kôlôse 3:15 - Sră Goh 2018

¹⁵ Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

Kôlôse 3:15 ပူးပေါင်းရင်းမြစ်များ

Đơs Crih 100:4

Ưnngài tĕ mơ mut tòm ală mpồng Kơnràñ dê, jòng ro tĕ mơ mut tòm ƀlàng jơng hìu Kơnràñ dê! Ưnngài tĕ Kơnràñ, jòng ro tĕ sơnđan Kơnràñ dê!

Đơs Crih 107:22

Lòi bol khai ơn phan duh khoai ưnngài Yàng, Mơ ai bơta đơs chò hòn chò tồ yal ală broă Kơnràñ dê!

Đơs Crih 116:17

Añ rơp ơn Yàng in phan ơn duh khoai nàng ưnngài Kơnràñ, Mơ hòi dan di sơnđan Yàng Jehôwa.

Đơs Crih 29:11

Dan Yàng Jehôwa ai pràn kơldang làng bol Kơnràñ in; Dan Yàng Jehôwa ai bơta lơngap lơngai nàng ai lơngai làng bol Kơnràñ dê!

Esai 26:3

Ală cau kơ̆ nùs Yàng rơp prap gàr tòm bơta lơngap lơngai, tài bơh khai dòn kơnòm di Kơnràñ.

Esai 27:5

Hala lòi tĕ gơ sơmbat di Añ nàng geh sền gàr; lòi tĕ gơlơh gơtòmsòr mơ Añ, lòi tĕ gơlơh gơtòmsòr mơ Añ.”

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 57:19

Yàng Jehôwa đơs lah: ‘Lơngap lơngai, lơngap lơngai ală cau in ơm ngài mơ ơm rềp, mơ Añ rơp sơmbòi bol khai in.’

Jôna 2:9

Ală cau duh khoai ală yàng rùp ràk ò kwơ, sang lòi bơta dòn song song ngan bol khai dê.

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Rôma 1:21

Bơh bulah bol khai git Yàng Tom Trồ, mơ kung ò bài jòng ro mơ ưnngài Kơnràñ sơl, mơya kư̆ tìs nrah tòm ală bơta kơlôi sơnơng mơ nùs tùl gơla bol khai dê gơlik klam jơngo.

Rôma 14:17

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

I Kôrintô 10:17

Bơh gơs mìng dô nơm piang lă, mơ bol he bulah oă cau kung mìng dô nơm să jan; bơh jơh ală bol he gơs pơnah tòm dô nơm piang lă hơ̆.

I Kôrintô 7:15

Mơya dilah cau ò dòn Yàng kòñ cah is, gen lòi khai cah is; gen oh mi, cau ùr hala cau klau, ò gơs bơta rồn bơklơn lơi, bơh Yàng Tom Trồ neh hòi sac bol he tòm bơta ring lơngai.

II Kôrintô 4:15

Bơh jơh ală bơta gơlik gơs la tài bơh oh mi, tồ bơta nđàc bơh oă cau sơlo bơtơl oă ngan, nàng lơh bơta ưnngài kung sơlo bơtơl tơngkah tơngkañ, mơ lơh gơklŏ Yàng Tom Trồ in.

II Kôrintô 9:11

Behơ̆ oh mi rơp geh pas gơs tòm jơh ală bơta nàng lơh ală broă niam, nàng bơh bol he mơ bol khai ưnngài Yàng Tom Trồ.

Ephesô 4:16

kơnòm dê Kơnràñ mơ jơh să jan geh crap mơ gơtòmklĕ bal bơh bơta dong kòl ală tiah tơrbŏ dê, jat be pràn kòp pơnah dê, lơh să jan gơlik dờng mơ bơtào is tòm bơta kòñ gơboh.

Ephesô 4:4

Gơs mìng dô nơm să jan, dô nă Yàng Hwềng, kung be oh mi neh geh hòi sac tus tòm dô bơta gơn kơnòm gơrê bal mơ bơta hòi sac oh mi dê.

Ephesô 5:1

Behơ̆, bơh oh mi la kòn sau kòñ gơboh Yàng Tom Trồ dê, gen đòm jat tĕ Kơnràñ.

Ephesô 5:20

Bơh jơh ală bơta oh mi pal ai sơnđan Yàng Jesu Krist bol he dê mơ sùm sùm ưnngài Yàng Tom Trồ la Bèp.

Kôlôse 1:12

mơ ưnngài Yàng Bèp la Bơtau neh lơh bol he in gơlik gơs di pal nàng dòp pơnah tòm sre brê ală cau sàng goh dê ơm tòm lơgar bơta àng.

Kôlôse 2:7

Ơm kơ̆ tĕ be chi sro ryas mơ bơt bơtào tĕ tòm Kơnràñ, kơ̆ nền tòm bơta dòn, jat be oh mi neh geh bơto, kung tơngkah tơngkañ tĕ tòm bơta ưnngài.

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

I Tesalônika 5:18

Bulah tòm broă lơi kung pal ưnngài Yàng Tom Trồ, bơh nùs kòñ Yàng Tom Trồ dê tòm Yàng Krist Jesu gơwèt mơ oh mi la behơ̆.

I Timôthe 2:1

Behơ̆ sơnròp ngan añ bơto tơngkah lah: Pal rac dan, hòi dan, hòi dan ala, mơ ưnngài jơh tơl nă cau in,

I Timôthe 6:12

Tòmlơh tĕ bơta tòmlơh niam bơta dòn dê; sơmbat kơ̆ di bơta kis gam sùm sùm, bơh mê neh geh hòi sac tus hơ bơta hơ̆, mơ kung bơh hơ̆ mơ mê neh yal tơlik bơta yal tơlik niam di đap oă cau lơh cơng.

Hebrơ 13:15

Behơ̆ bol he kơnòm tĕ di Yàng Jesu, mơ kư̆ ơn sùm phan ơn duh khoai la jơnau jòng ro Yàng Tom Trồ bơh bơr sơndồi yal tơlik sơnđan Kơnràñ la Yàng.

Yal Tơlik 7:12

mơ đơs lah: “Amen! Bơta jòng ro, gơklŏ, jak chài, ưnngài, ryŭ ryơm, gơnap gơnoar, mơ gơnoar pràn gơrê bal mơ Yàng Tom Trồ bol he dê jơl sùm sùm ò lồi. Amen!”