Kôlôse 3:12 - Sră Goh 2018

¹² Behơ̆ oh mi la cau sac rwah Yàng Tom Trồ dê, cau sàng goh mơ đềt mềr Kơnràñ dê, gen soh tĕ nùs nđàc sơngit, kơ̆ dơn, pơndêt să, niam lơnhơn, kong ơt.

Kôlôse 3:12 ပူးပေါင်းရင်းမြစ်များ

Esai 42:1

“Do la cau duh broă Añ jê, la cau Añ yò đo; la cau sac rwah Añ jê, la cau Añ niam nùs. Añ rơp ơn Hwềng Añ hơđang Khai, Khai rơp cèng bơta song ring ală làng bol in.

Esai 45:4

Tài bơh Jakôp, cau duh broă Añ jê, mơ tài bơh Israel, cau sac rwah Añ jê, Añ hòi mê mơ sơnđan mê dê, mơ ai mê in dô nơm sơnđan ryŭ ryơm bulah mê ò git Añ.

Esai 63:15

Dan Yàng tơmềt sền bơh đang trồ, bơh tiah ơm sàng goh mơ gơklŏ Kơnràñ dê. Ntềng đah bơta ngac ngar mơ gơnoar pràn Kơnràñ dê taih? Nùs lơbơn niam mơ bơta nđàc sơngit Kơnràñ dê neh tă tơlik bơh Añ.

Esai 65:22

Bol khai ò tai bơt ală hìu mơ gơs ală cau ndai ơm tòm hơ̆, hala tùc tam mơ cau ndai sa. Bơh khà nam làng bol Añ jê rơp kung be khà nam dô nơm chi; ală cau sac rwah Añ jê rơp dòp geh hòn chò jŏ jòng cồng nha bơh broă tê bol khai neh lơh.

Esai 65:9

Añ rơp lơh ală kòn sau lik bơh Jakôp, mơ bơh Juda gơlik ală cau pơrdòn ală mơnơm Añ jê; làng bol sac rwah Añ jê rơp pơrdòn gơ, mơ tềng hơ̆ ală cau duh broă Añ jê rơp ơm.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 31:3

Yàng Jehôwa neh tơlik mat mơ Añ bơh tŭ jŏ jòng, “Ngan, Añ neh kòñ gơboh di mê mơ bơta kòñ gơboh gam sùm sùm, Gen tàng, Añ neh kư̆ pơnjat tai bơta dòn song Añ jê mơ bol mê.

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Mathiơ 24:22

Dilah ală ngai hơ̆ ò gơtơnhuc, gen ò gơs kòn mơnus lơi geh dong klàs; mơya tài bơh ală cau geh sac rwah gen ală ngai hơ̆ rơp gơtơnhuc.

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Mathiơ 24:31

Kơnràñ rơp sồr ală cau gơnrơh Kơnràñ dê lòt uh kơlwòk ntas dờng ngan mơ pơjum ală cau geh sac rwah Kơnràñ dê bơh tòm poan đah, bơh jơng trồ do tus hơ jơng trồ ne.”

Jơnau Niam Jat Mak 13:20

Dilah Yàng ò tơnhuc ală ngai hơ̆ gen ò gơs cau lơi geh dong klàs, mơya tài bơh ală cau geh sac rwah, gen tàng Kơnràñ tơnliah ală ngai hơ̆.

Jơnau Niam Jat Mak 13:22

Bơh rơp gơs ală krist ma blac mơ ală cau gơnoar hwơr ma blac gơtơngguh mơ lơh oă bơta krơi, tềl is tian gơs dilah rgơi gen kung pơrlồm ală cau geh sac rwah sơl.

Jơnau Niam Jat Mak 13:27

Kơnràñ rơp sồr ală cau gơnrơh pơjum ală cau sac rwah Yàng Tom Trồ dê bơh tòm poan đah jơng trồ, bơh tiah lồi dut ù tus di tiah lồi dut trồ.”

Luka 1:78

Bơh nùs kòñ nđàc Yàng Tom Trồ bol he dê, Mơ Kơnràñ neh ai mattơngai àng drim bơh đang jòng wèt còp bol he,

Luka 18:7

Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 13:14

Mơya dòp soh tĕ Yàng Jesu Krist, bañ rcang đah poac să nàng lơh jat bơta hàm kòñ is gơ dê.

Rôma 9:11

Bulah bàr nă kòn òhềt deh, kung òhềt lơh broă lơi niam hala iơh, tồ bơta lơh nền Yàng Tom Trồ dê jat bơta sac rwah gam sùm, ò di jat broă lơh mơya jat Yàng Tom Trồ hòi sac,

I Kôrintô 13:4

Bơta kòñ gơboh gơs bơta kong ơt mơ kơ̆ dơn, bơta kòñ gơboh ò ƀoah gơjrañ, bơta kòñ gơboh ò jòng să mơ ò pơnhừ să,

II Kôrintô 6:6

tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Ephesô 1:4

Lài mơ tŭ crơng gơs trồ tiah Kơnràñ neh sac rwah bol he tòm Bơtau Krist, nàng bol he in geh sàng goh, ò gơs tiah geh lah pơrhơng di đap Yàng Tom Trồ.

Ephesô 4:2

Tòm ală bơta pal pơndêt să, niam lơnhơn, ơt ơl, ai nùs kòñ gơboh mơ kong ơt bal mơ gơp.

Ephesô 4:24

mơ dòp soh cau pa, la cau neh geh crơng gơs jat be Yàng Tom Trồ tòm bơta song ring mơ bơta sàng goh jơnau song dê.

Ephesô 4:32

Ai tĕ bơta kơ̆ dơn, nùs nđàc sơngit ơm gơròm bal, toh glài bal, kung be Yàng Tom Trồ neh toh glài oh mi tòm Bơtau Krist behơ̆ sơl.

Philip 1:8

Bơh Yàng Tom Trồ lơh cơng añ in lah ngan añ kòñ gơboh di jơh ală oh mi bơh nùs nhơm Yàng Krist Jesu.

Kôlôse 3:10

mơ neh soh cau pa, la cau geh tòmgơl pa jat rùp să Bơtau neh crơng gơs cau hơ̆, nàng geh tus hơ bơta dòp git Yàng Tom Trồ.

I Tesalônika 5:15

Kơrhia tĕ, bañ gơs cau lơi ai bơta iơh bơsak sal wơl bơta iơh bơsak, mơya jòi jat tĕ sùm bơta niam gơwèt bal mơ gơp hala gơwèt mơ tơl nă cau.

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

II Timôthe 2:10

Behơ̆ tàng tài bơh ală cau neh geh sac rwah mơ añ kong jơh ală bơta, tồ bol khai in kung geh bơta dong klàs tòm Yàng Krist Jesu, bal mơ bơta gơklŏ gam sùm sùm.

Sră Pơyoa Pol Dê Pơyoa Tit In 1:1

Pol, dĭ gơna Yàng Tom Trồ dê mơ la cau gơnoar bơto dờng bơh Yàng Jesu Krist, nàng lam ală cau geh sac rwah Yàng Tom Trồ dê tus hơ bơta dòn mơ git wă jơnau song, la dô bơta di pal mơ bơta dòn duh,

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

II Pier 1:10

Behơ̆, ơ oh mi, jơh nùs tĕ rlau tai nàng lơh nền cê bơh bơta Yàng hòi sac mơ sac rwah he; dilah lơh bơta hơ̆ gen oh mi ò gơs tŭ lơi gơtup tìs.

I Jang 4:19

Bol he kòñ gơboh tài bơh Kơnràñ neh kòñ gơboh di bol he lài.

II Jang 1:13

Ală kòn oh ùr mò dê, la cau geh Yàng Tom Trồ sac rwah, còp să mò.

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”