Kôlôse 2:19 - Sră Goh 2018

¹⁹ ò sơmbat kơ̆ di Bồ. Kơnòm di Bồ hơ̆ jơh să jan geh ròng siam mơ gơtòmklĕ bal bơh ală tiah tơrbŏ mơ ală ară, mơ geh dờng jat bơta lơh nền Yàng Tom Trồ dê.

Kôlôse 2:19 ပူးပေါင်းရင်းမြစ်များ

Luka 5:38

Mơya tơrnòm pa pal tròc tòm nhồng gơltau pa.

Jang 17:21

nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

Broă 4:32

Tŭ hơ̆, mpồl cau dòn gơs dô nùs nhơm dô bơta kơlôi sơnơng. Ò gơs cau lơi kòp phan he la phan is, mơya tòmpà ală phan he gơs cau ndai in.

Rôma 11:17

Mơya dilah gơs bàr pe ntê neh gơkòl koh, mơ mê ngan la chi ôlibe brê, geh crap tòp digùl ală ntê hơ̆, nàng geh dô pơnah bal mơ bol khai tòm dà bơsơt mơ ryas chi ôlibe hơ̆ dê,

I Kôrintô 1:10

Ơ oh mi, tŭ do añ rac dan mơ oh mi, bơh tòm sơnđan Yàng Jesu Krist bol he dê, añ dan jơh ală oh mi gơs tĕ dô bă bal tòm jơnau đơs, mơ digùl oh mi kung bañ gơs bơta cah is mpồl, mơya oh mi pal gơtòmklac bal tòm dô nơm nùs kơlôi mơ dô tơnggume lơh nền.

I Kôrintô 11:3

Bulah behơ̆ añ kòñ ală oh mi git lah: Bơtau Krist la bồ kòp nă cau klau dê, mơ cau klau la bồ cau ùr dê, mơ Yàng Tom Trồ la bồ Bơtau Krist dê.

I Kôrintô 3:6

Añ neh tam, Apôlôs neh tuh dà, mơya Yàng Tom Trồ neh lơh gơ in hòn dờng.

Ephesô 1:22

Yàng Tom Trồ lơh jơh ală bơta dòn duh hơđơm jơng Bơtau Krist dê, pồ bơtào Bơtau Krist lam bồ jơh ală bơta tòm Hìu Jum Goh.

Ephesô 1:23

Hìu Jum Goh la să jan Kơnràñ dê, tòm hơ̆ gơs bơta lìu làc Bơtau Krist dê, la Bơtau gơs bơta bềng tơl tòm jơh ală bơta.

Ephesô 2:21

Jơh dô nơm hìu hơ̆ tơrbŏ bal tòm Kơnràñ, rhòi dờng gơlik Hìu Duh Khoai Sàng Goh Yàng dê.

Ephesô 4:3

Jơh nùs tĕ ai bơta ring lơngai be dô nơm che kơt oh mi dô bă bal tòm Yàng Hwềng.

Ephesô 5:29

Bơh ò gơs cau lơi gơjrañ kơuềng di poac să he, mơya ròng siam sền gàr gơ be Bơtau Krist gơwèt mơ Hìu Jum Goh sơl,

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:18

Kơnràñ kung la bồ să jan dê, hơ̆ la bồ Hìu Jum Goh. Kơnràñ la tòm ryas, la cau sơnròp kis wơl bơh bơta chơt, tồ tòm jơh ală bơta Kơnràñ la bồ.

Kôlôse 2:2

tồ kơnòm di bơta geh gơtòmklac bal tòm bơta kòñ gơboh mơ bol khai geh kơ̆ nùs, tian gơs tus hơ bơta lìu làc tòm bơta git wă nền cê, mơ tòm bơta dòp git bơta ndơp ndơr Yàng Tom Trồ dê, hơ̆ la Bơtau Krist,

I Tesalônika 3:12

Dan Yàng ai bơtơl oh mi in tơngkah tơngkañ nùs kòñ gơboh bal mơ gơp, bal mơ tơl nă cau, kung be bol hi gơwèt mơ oh mi sơl,

I Tesalônika 4:10

ngan oh mi lơh behơ̆ gơwèt mơ jơh ală oh mi tòm làm Masedoan rau. Mơya, ơ oh mi, bol hi bơto tơngkah oh mi sơlo ngai pal kòñ gơboh sơlo oă tai.

II Tesalônika 1:3

Ơ oh mi, bol hi pal bơh oh mi mơ ưnngài Yàng Tom Trồ sùm sùm, mơ bơta hơ̆ la pal ngan, bơh bơta dòn oh mi dê gơbơtơl oă ngan, mơ nùs kòñ gơboh bal mơ gơp kòp nă cau dê tòm jơh ală oh mi sơlo ngai sơlo bơtơl tai,

I Pier 3:8

Lồi tơnơ̆, jơh tơl nă oh mi pal gơs dô nùs kơlôi bal, nđàc sơngit bal, kòñ gơboh di oh mi, gơs nùs lơbơn niam mơ pơndêt să.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.