Kôlôse 1:9 - Sră Goh 2018

⁹ Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

Kôlôse 1:9 ပူးပေါင်းရင်းမြစ်များ

Đơs Crih 119:99

Añ gơs bơta git wă rlau mơ jơh ală cau bơto añ jê, Bơh añ kơlôi sơnơng bơh ală jơnau sồr kràñ cê Yàng dê.

Đơs Crih 143:10

Dan bơto añ lơh jat nùs kòñ Yàng dê, Bơh Kơnràñ la Yàng Tom Trồ añ jê; Dan Hwềng Goh Yàng dê tề lam añ tòm gùng ring drik.

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Broă 12:5

Behơ̆, tòm tŭ Pier kòl krơ̆ tòm hìu jàm, ai Hìu Jum Goh kư̆ jơh nùs hòi dan mơ Yàng Tom Trồ sùm khai in.

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

I Kôrintô 1:5

Bơh tòm jơh ală bơta oh mi neh geh pas gơs tòm Kơnràñ, tòm jơnau đơs mơ tòm jơh ală bơta git wă —

Ephesô 1:8

Mơ Kơnràñ neh tuh lìu làc hơđang bol he, hơ̆ la bơta jak chài mơ bơta àng loh wil tơl.

Ephesô 5:10

mơ sền sơwì tĕ bơta lơi niam nùs Yàng.

Ephesô 5:17

Gen tàng bañ tùl gơla, mơya pal git wă nùs kòñ Yàng dê la mbe lơi.

Ephesô 6:6

ò di jat bơta duh broă tòm mat, be cau jòi bơta lơh niam nùs cau, mơya be cau dĭ gơna Bơtau Krist dê, jơh nùs lơh jat nùs kòñ Yàng Tom Trồ dê.

Philip 1:4

kòp dơ̆ hòi dan mơ Yàng, gen añ òs hòi dan jơh ală oh mi in dô bă hòn chò,

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

Kôlôse 4:5

Lơh lòt tĕ dô bă jak chài gơwèt mơ cau bơdìh, mơ pơlai tĕ tŭ tơngai.

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

I Tesalônika 5:17

Hòi dan tĕ ò dơh.

II Tesalônika 1:11

Gen tàng bol hi hòi dan mơ Yàng oh mi in sùm sùm, dan Yàng Tom Trồ bol he dê kòp oh mi la di pal ngan mơ bơta hòi sac Kơnràñ dê, mơ ai gơnap gơnoar lơh wil tơl tòm oh mi kòp bơta kơp kòñ niam mơ broă lơh bơta dòn dê,

Philemôn 1:4

Añ òs sùm sùm ưnngài Yàng Tom Trồ añ jê, kòp dơ̆ añ kah hòi dan bi in,

Philemôn 1:6

Añ hòi dan mơ Kơnràñ ai bơta gơtòmklac bal tòm bơta dòn bi dê mơ tơnggơs bơta git wă jơh ală bơta niam bol he geh tòm Bơtau Krist.

Hebrơ 10:36

Bơh oh mi pal kong jai, nàng tus di tŭ neh lơh wil tơl nùs kòñ Yàng Tom Trồ dê rau, gen rơp dòp geh bơta neh ho pơgon.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

I Pier 2:15

Bơh nùs kòñ Yàng Tom Trồ dê la oh mi lơh broă niam nàng tơmềm bơr bơrngơl ală cau tùl gơla dê.

I Pier 4:2

nàng tòm ală ngai gam kis tòm poac să gen ò jat tai ală bơta hàm kòñ is kòn mơnus dê, mơya jat nùs kòñ Yàng Tom Trồ dê.

I Jang 2:17

Dunnia bal mơ bơta hàm kòñ is gơ dê gơ rơp roh, mơya cau lơi lơh jat nùs kòñ Yàng Tom Trồ dê gen gam gơs sùm sùm.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

I Samuel 12:23

Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.