Kôlôse 1:29 - Sră Goh 2018

²⁹ Kung bơh bơta hơ̆ mơ añ kong bòl glar lơh broă, tòmlơh jơh nùs kơnòm di pràn Kơnràñ dê mơ Kơnràñ lơh broă tòm añ dô bă gơs gơnap gơnoar.

Kôlôse 1:29 ပူးပေါင်းရင်းမြစ်များ

Luka 13:24

“Pơnđơl tĕ jơh pràn mut tòm mpồng wềt, bơh Añ đơs mơ bol mê, oă cau rơp jòi gùng kòñ mut mơ ò rgơi.

Rôma 15:20

Mơya bơta kơp kòñ añ jê la bơto yal Jơnau Niam di tiah lơi òhềt geh bơto yal sơnđan Bơtau Krist, tồ klàs bơt bơtào di mơnàng cau ndai dê,

Rôma 15:30

Behơ̆, ơ oh mi, kơnòm di Yàng Jesu Krist bol he dê mơ kơnòm di bơta kòñ gơboh Yàng Hwềng dê, añ bơto tơngkah oh mi gơs tĕ dô nùs bal mơ añ nàng tòmlơh tòm bơta hòi dan mơ Yàng Tom Trồ añ in,

I Kôrintô 12:11

Mơya gơs mìng dô nă Yàng Hwềng lơh jơh ală broă hơ̆, mơ tòmpà kòp nă cau in jat nùs kòñ Kơnràñ dê.

I Kôrintô 12:6

Ală broă lơh ò di la ndròm bal, mơya gơs mìng dô nă Yàng Tom Trồ la Bơtau lơh jơh ală broă tòm jơh ală cau.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

II Kôrintô 11:23

Bol khai la cau duh broă Bơtau Krist dê ơ? Ơi, añ đơs be cau tùl gơla añ gơs rlau! Añ neh kong bòl glar lơh broă oă rlau, ơm jàm oă rlau, kong pù lơh oă ngan. Oă dơ̆ añ mòr chơt;

II Kôrintô 13:3

bơh oh mi jòi cơng tàng lah Bơtau Krist đơs tòm añ, la Bơtau gơwèt mơ oh mi ò di la lơbơn lơño, mơya bềng gơnoar pràn digùl oh mi.

II Kôrintô 5:9

Gen tàng, bulah bol he gam ơm hala lik klàs, kung jơh nùs lơh broă tồ niam nùs Kơnràñ.

II Kôrintô 6:5

pù ơlih, ơm jàm, sơlồng sơlàng, kong bòl glar lơh broă, ò geh bic, kong jơgloh;

Ephesô 1:19

mơ git gơnap gơnoar Kơnràñ dê la dờng ngan ò git lơh gơwèt mơ bol he la cau dòn, jat be bơta yal tơlik bơh bơta pràn kơldang mơ gơnoar pràn Kơnràñ dê.

Ephesô 3:20

Tŭ do gơwèt hơ Kơnràñ la Bơtau bơh gơnap gơnoar lơh broă tòm bol he, rgơi lơh tơngkah tơngkañ oă rlau mơ ală bơta bol he hòi dan mơ kơlôi sơnơng,

Ephesô 3:7

Ai añ neh geh lơh gơs cau gơnoar duh broă Jơnau Niam hơ̆ dê, jat be bơta nđàc ai gòi Yàng Tom Trồ dê, mơ Kơnràñ neh ai añ in jat bơta lơh broă gơnap gơnoar Kơnràñ dê.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Philip 1:30

oh mi kong dô bơta tòmlơh be neh gŏ añ kong mơ tòm tŭ do kơno gam gơs tòm añ sơl.

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

Philip 2:16

be oh mi prap kơ̆ jơnau bơta kis, nàng tòm ngai Bơtau Krist dê gen añ geh jòng să bơh añ neh ntoat mơ kong bòl glar lơh broă ò di la ò kwơ.

Kôlôse 2:1

Ngan behơ̆, añ kòñ oh mi git añ jơh pràn lơh broă bơh oh mi, mơ bơh ală cau ơm tòm Laodise in, mơ bơh jơh ală cau òhềt gŏ mat añ đah poac să,

Kôlôse 2:12

Bơh oh mi neh kơnòm di ƀaptem mơ geh tơp bal mơ Kơnràñ, kung bơh hơ̆ neh geh kis wơl bal mơ Kơnràñ bơh bơta dòn di broă lơh gơnap gơnoar Yàng Tom Trồ dê, la Bơtau neh lơh Kơnràñ in kis wơl bơh bơta chơt.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

II Tesalônika 3:8

Kung ò tŭ lơi sa gòi phan cau lơi dê, mơya ngai mơ mang lơh broă bòl glar nàng ò lơh pơnjê di cau lơi tòm oh mi.

II Timôthe 2:10

Behơ̆ tàng tài bơh ală cau neh geh sac rwah mơ añ kong jơh ală bơta, tồ bol khai in kung geh bơta dong klàs tòm Yàng Krist Jesu, bal mơ bơta gơklŏ gam sùm sùm.

Hebrơ 12:4

Oh mi tòmdră mơ tồi glài tian gơs òhềt hòr mhàm;

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

Yal Tơlik 2:3

Añ git mê òs kong ơt; mê neh kong bòl glar bơh sơnđan Añ mơ ò gơplơ̆ nùs.