Kôlôse 1:28 - Sră Goh 2018

²⁸ Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Kôlôse 1:28 ပူးပေါင်းရင်းမြစ်များ

Ejra 7:25

Ai mê, ơ Ejra, jat be bơta jak chài Yàng Tom Trồ mê dê mơ mê neh gơs, pồ bơtào tĕ ală cau kwang at bồ mơ ală cau kwang cahrña nàng bol khai cahrña jơh làng bol tòm kơnhwàl ơm Đah Ne Hiòng, la ală cau git ală bơta boh lam Yàng Tom Trồ mê dê, mơ mê pal bơto ală bơta hơ̆ cau lơi ò git ală bơta boh lam hơ̆.

Jơnau Pơnđik 8:5

Ơ ală cau tùl gơla, bơtê tĕ bơta git kơrhia; Ơ cau siơ̆u bơta jak chài, jòi jat tĕ gơ.

Cau Bơto 12:9

Rlau mơ bơta jak chài neh gơs, cau Bơto kung neh bơto làng bol in bơta git wă, khai neh git kơr sơnoa, mơ bơtê git mơ rơndap oă sèng pơnđik.

Jeremi 3:15

Añ rơp ai bol mê in ală cau ê gàr jat nùs kòñ Añ jê, la ală cau rơp ai bơta àng loh jak chài mơ ròng siam bol mê.”

Jeremi 6:10

Añ rơp đơs mơ ñcau, mơ sồr cau lơi kơrhia, Nàng bol khai rgơi kơno taih? Ne, tồr bol khai neh sềt, bol khai ò rgơi kơno. Jơnau Yàng Jehôwa dê gơwèt mơ bol khai be phan sền òsơp, Bol khai ò lơh niam nùs tòm gơ.

Ejekiel 7:10

Ngai hơ̆ neh tus! Gơ neh tus rau! Bơta rung rài neh gơlik gơs; gai lồng neh cat sơmbut, bơta jòng să neh lik bơkào!

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Mathiơ 3:7

Mơya tòm tŭ Jang gŏ oă cau Pharisi mơ cau Saduse tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih?

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Jơnau Niam Jat Mak 6:34

Tŭ Yàng Jesu lik bơh ơhò, gŏ mpồl làng bol oă gen nđàc sơngit di bol khai, bơh bol khai gơlơh be belàt ò gơs cau ê. Gen Kơnràñ sơntòm bơto sồr bol khai oă bơta.

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Broă 11:20

Bulah behơ̆, tòm mpồl ală cau hơ̆ gơs cau ƀà ơm tòm Ciprus mơ Siren lòt tus hơ Antiôt, kung bơto Jơnau Niam cau Grek in sơl, mơ bơto yal bơh Yàng la Yàng Jesu bol khai in.

Broă 13:38

Behơ̆, ơ oh mi, git tĕ lah kơnòm di Yàng Jesu mơ bơta toh glài geh bơto yal oh mi in;

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 17:3

ai Sră Goh yal loh mơ lơh cơng lah Bơtau Krist pal kong jê sồt, lồc behơ̆ kis wơl bơh bơta chơt. Khai đơs lah: “Yàng Jesu mơ añ bơto yal ală ồng in do hơ̆ la Bơtau Krist.”

Broă 20:31

Behơ̆, drơng kơp tĕ mơ kah wơl lah tòm pe nam, ngai mơ mang, añ hòr dà mat mơ bơto sồr tơl nă cau in ò dơh.

Broă 3:20

tồ tŭ tơngai lơngap lơngai tus bơh di Yàng, nàng Kơnràñ sồr Bơtau Krist lòt tus, hơ̆ la Yàng Jesu, la Bơtau neh geh sac rwah ală oh mi in.

Broă 5:42

Kòp ngai tòm hìu duh khoai hala bơh hìu do tus hìu ne, bol khai kư̆ bơto mơ bơto yal sùm bơh Yàng Jesu la Bơtau Krist.

Broă 8:35

Behơ̆ Philip pò bơr rơp sơntòm bơh tap Sră Goh hơ̆ mơ bơto yal Jơnau Niam bơh Yàng Jesu khai in.

Broă 8:5

Philip mù hơ ƀòn dờng Samari mơ bơto yal bơh Bơtau Krist làng bol tềng hơ̆ in.

Broă 9:20

Sol ơm wơl tòm bàr pe ngai bal mơ ală cau bơtê tòm Damas. Khai bơto yal mo tòm ală hìu jum lah Yàng Jesu la Kòn Yàng Tom Trồ dê.

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

I Kôrintô 1:23

mơya bol he bơto yal bơh Bơtau Krist kong pơng hơđang chi pơng, be phan gơtup jơng gơwèt hơ cau Juda, gơwèt hơ cau làng bol bơdìh la bơta tùl gơla;

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 12:8

Behơ̆, cau do kơnòm di Yàng Hwềng ai bềng jơnau jak chài, cau ne kơnòm di Yàng Hwềng hơ̆ ai bềng jơnau git jak,

I Kôrintô 15:12

Dilah oh mi geh bơto yal lah Bơtau Krist neh geh kis wơl bơh bơta chơt, gen mbe lơh tòm oh mi gơs cau đơs lah ò gơs bơta kis wơl ală cau chơt dê taih?

I Kôrintô 2:15

Mơya cau đah hwềng rgơi sền sơwì jơh ală bơta, mơ să tòm bol khai ò gơs cau lơi rgơi sền sơwì.

I Kôrintô 2:6

Bulah behơ̆, digùl ală cau neh dong bol hi kung bơto yal bơh bơta jak chài, mơya ò di bơh bơta jak chài rài do dê, hala bơh cau at bồ rài do, la cau rơp roh rui;

I Kôrintô 4:14

Añ cih ală jơnau do ò di nàng lơh ală oh mi in ƀàssìl, mơya nàng bơto tơngkah ală oh mi be ală kòn kòñ gơboh añ jê.

II Kôrintô 10:14

Bơh bol hi ò sơrlèt rlau mơ gơnoar bol hi dê, be bol hi òhềt tus hơ oh mi, mơya ngan bol hi neh cèng Jơnau Niam Bơtau Krist dê tus hơ oh mi sơnròp ngan.

II Kôrintô 11:2

Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Ephesô 5:27

nàng Kơnràñ ràng tơlik di đap Kơnràñ Hìu Jum Goh la gơklŏ, ò gơs tềl ƀơ̆, ò gơkrồn, ò gơs phan lơi tòm toh behơ̆, mơya sàng goh, ò gơs tiah geh lah pơrhơng.

Yal Wơl 4:5

Sền tĕ, añ neh bơto bol mê in git ală bơta lơh nền mơ ală bơta boh lam mơ Jehôwa Yàng Tom Trồ añ jê neh sồr añ, tồ bol mê rgơi lơh jat tòm lơgar bol mê rơp mut mơ dòp lơh gơs sre brê.

Kôlôse 1:22

Mơya tŭ do Yàng Tom Trồ neh kơnòm di bơta chơt să jan poac să Kơnràñ dê, mơ lơh oh mi in gơs gơtòmsòr wơl, nàng tơlik mat oh mi di đap Kơnràñ dô bă sàng goh, ò sồt rmàñ, ò gơs tiah geh lah pơrhơng.

Kôlôse 2:10

Oh mi kung geh bềng tơl tòm Kơnràñ, la Bơtau lam bồ jơh ală gơnoar at bồ, mơ jơh ală gơnoar.

Kôlôse 2:3

Kơnràñ la kai mpồng nàng pò jơh ală bơta dờng màng neh pồn ndơp bơh bơta jak chài mơ bơta git jak Yàng Tom Trồ dê.

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Timôthe 3:2

Behơ̆ cau gơnoar bơto pal ngan ò gơs tiah geh lah pơrhơng, la cau klau gơs mìng dô nă bau ùr lơm, git kơrhia, ngac ngar, geh ki ngàm, git wă rò nac, mơ git bơto sồr niam.

Hebrơ 10:14

Bơh kơnòm mìng dô nơm phan ơn pơdơng, Kơnràñ neh lơh ală cau gơlik gơs sàng goh in geh wil tơl sùm sùm.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

II Pier 3:15

Pal kah tĕ lah bơta kong ơt Yàng bol he dê la bơh bơta dong klàs oh mi dê, kung be Pol, bi kòñ gơboh bol he dê, jat bơta jak chài neh ai khai in mơ cih sră pơyoa oh mi in sơl.