Kôlôse 1:17 - Sră Goh 2018

¹⁷ Kơnràñ gơs lài mơ jơh ală bơta, jơh ală bơta ơm kơ̆ tòm Kơnràñ.

Kôlôse 1:17 ပူးပေါင်းရင်းမြစ်များ

Đơs Crih 75:3

Tòm tŭ ù tiah gơlơnggơr bal mơ làng bol ơm hơđang ù. Hơ̆ Añ la Bơtau prap kơ̆ ală jrong gơ.” (Selah)

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Jang 17:5

Ơ Bèp, tŭ do dan ai bơta gơklŏ Añ neh geh bal mơ Bèp lài mơ tŭ òhềt gơs dunnia, nàng lơh gơklŏ Añ in di đap Bèp.

Jang 8:58

Yàng Jesu đơs lah: “Di ngan, Añ đơs ngan mơ bol mê, lài mơ tŭ gơs Abraham, Añ neh gơs mơ gam gơs sùm sùm.”

Broă 17:28

Bơh ơm tòm Kơnràñ bol he geh kis, lơh lòt, mơ gam gơs; be dô êt nă cau cih pơnđik ală ồng dê đơs lah: ‘Bol he kung la ală kòn Kơnràñ dê sơl.’

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

Kôlôse 1:15

Kơnràñ la rùp să Yàng Tom Trồ dê he ò rgơi gŏ, la Bơtau neh geh tơnggơs bồ dà lài mơ ală phan crơng gơs.

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Hebrơ 13:8

Yàng Jesu Krist ngai òr, ngai do mơ jơl tus sùm sùm ò tŭ lơi tòmgơl.

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

Yal Tơlik 1:8

Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”

Yal Tơlik 2:8

“Cih tĕ cau gơnrơh Hìu Jum Goh Simirnơ in lah: Do la ală jơnau đơs Bơtau sơnròp mơ Bơtau lồi dut, Bơtau neh chơt mơ neh kis wơl:

I Samuel 2:8

Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.