Khà Làng Bol 8:4 - Sră Goh 2018

⁴ Jơng đèng geh lơh gơs be do: Gơ neh lơh gơs mơ màh neh klơn lơho, bơh tòm tus di cồng gơ dê, jơng đèng neh lơh gơs tòm toh jat be sơnoa rnoas Yàng Jehôwa neh sơnio Môise in.

Khà Làng Bol 8:4 ပူးပေါင်းရင်းမြစ်များ

Lik Ejiptơ 25:18

Mơ lơh tĕ bàr nơm rùp ceruƀim mơ màh klơn, ơn bàr đah bồ bơnap.

Lik Ejiptơ 25:9

Lơh tĕ Hìu Ing Duh Khoai do bal mơ ală phan ngui tòm gơtòm toh jat be sơnoa rnoas mơ Añ rơp sơnio mê in.”

Hebrơ 9:23

Behơ̆ ală phan jat rùp sơnoa ală bơta hơđang trồ pal kơnòm di phan duh khoai hơ̆ sồng geh goh, gen ală phan hơđang trồ pal kơnòm di phan ơn duh khoai niam rlau tai sồng geh goh.

Hebrơ 8:5

Bol hơ̆ duh broă jat sơnoa rnoas mơ rùp ală bơta hơđang trồ dê, be Môise tòm tŭ khai rơp bơtào gơs Hìu Ing Duh Khoai, gen geh Yàng Tom Trồ nting mơ khai lah: “Kơrhia tĕ, lơh jơh ală bơta jat sơnoa rnoas neh sơnio mê in hơđang mơnơm.”

Lik Ejiptơ 37:7

Gen khai lơh bàr nơm rùp ceruƀim mơ màh klơn lơho mơ ơn di bàr gah bồ bơnap dê.

Lik Ejiptơ 26:30

Bơtào tĕ Hìu Ing Duh Khoai tòm toh jat be sơnoa rnoas neh sơnio mê in hơđang mơnơm.

Khà Làng Bol 8:3

Arôn lơh jat behơ̆; khai rơndap ơn ală jơng đèng tồ gơwèt mat hơđap jơng đèng, tòm toh jat be Yàng Jehôwa neh sồr Môise.

Khà Làng Bol 8:5

Yàng Jehôwa đơs mơ Môise lah: