Amajiah hòi pơjum làng bol Juda mơ jat ală hìu nhă bol khai dê mơ ơn bol khai hơđơm gơnoar ală cau kwang at bồ dô rbô ling mơ dô rhiang ling tòm jơh Juda mơ Benjamin. Gen khai tơrgòm ală cau bơh bàr jơt nam guh hơđang, gơs pe rhiang rbô nă cau di nam lòt ling, rgơi at tà mơ khèl nàng tòmlơh.
Pơjum hòn chò tĕ ngai Pơjum Sa Piang Lă Ò Gơs Kañ, tài bơh di di ngai hơ̆ Añ neh cèng tơlik ală mpồl làng bol bol mê dê bơh di Ejiptơ. Pơjum hòn chò tĕ tòm ngai do, bơh hơ̆ la dô bơta sồr lam gam sùm sùm ală rài tơnơ̆ in.
Tòm ƀlàng ngềt ngơt do să jan bol mê dê rơp gơpừ chơt, hơ̆ la kòp nă tòm bol mê gơs bàr jơt nam mơ dờng rlau, la cau neh geh kòp tòm bơta kòp khà làng bol mơ neh yoam tòmdră mơ Añ.
‘Tài bơh bol khai ò jơh nùs lòt jat Añ, gen ò gơs dô nă cau klau lơi bàr jơt nam hala dờng rlau neh lik bơh di Ejiptơ rơp gŏ ù tiah mơ Añ neh srat să ho nền ai Abraham, Isak mơ Jakôp in
Dilah dô nă cau klau pa tòmbau, khai ò di lòt tòmlơh hala sồr khai pal lơh broă lơi ndai. Khai geh khat gơboh tòm dô nam ơm tòm hìu khai dê mơ cèng tus bơta lơngai bau ùr khai in la cau khai neh bau.
Tòm tŭ hơ̆ añ ai jơnau sồr bol mê lah: “Jehôwa Yàng Tom Trồ bol mê dê neh ai bol mê in lơgar do lơh gơs sre brê. Mơya jơh ală cau klau rgơi lòt tòmlơh pal mă àñ phan tòmlơh mơ tiă hiòng Jordan lài mơ ală oh mi Israel bol mê dê.