Khà Làng Bol 1:2 - Sră Goh 2018

² “Sền sơwì tĕ khà jơh mpồl jơnum cau Israel dê jat ală mpồl mơ hìu nhă bol khai dê, cih tĕ jơh kòp nă jat sơnđan khai dê.

Khà Làng Bol 1:2 ပူးပေါင်းရင်းမြစ်များ

Lik Ejiptơ 12:37

Làng bol Israel lòt bơh Ramse tus Sukôt. Gơs pơgap prau rhiang rbô nă cau klau lòt jơng, ò kòp cau ùr mơ cau kơnòm.

Lik Ejiptơ 30:12

“Tŭ lơi mê kòp khà làng bol Israel nàng cih tòm sră, gen kòp nă pal ơn Yàng Jehôwa in jền tơwài bơta kis khai dê tòm tŭ khai geh kòp. Behơ̆ ò gơs bơta pluh plàng gơtơntus bol khai in tòm tŭ mê kòp khà bol khai.

Lik Ejiptơ 38:25

Priă dòp geh bơh di mpồl jơnum la ală cau neh geh kòp mơ cih tòm sră cih khà làng bol la pe rbô poan rhiang pe jơt kơr jat sieklơ Tiah Sàng Goh dê,

Lik Ejiptơ 38:26

kòp nă ơn prau gram jat sieklơ Tiah Sàng Goh dê; ală cau geh kòp hơ̆ la bơh bàr jơt nam mơ dờng rlau, jơh ală la prau rhiang pe rbô pram rhiang pram jơt nă.

Khà Làng Bol 1:18

mơ bol khai hòi pơjum jơh dô mpồl jơnum tòm ngai dùl kơnhai bàr. Làng bol yal sơnđan ồng pàng bol khai dê jat mpồl hìu nhă mơ hìu nhă bol khai dê, mơ ală cau klau bàr jơt nam hala dờng rlau neh geh cih sơnđan kòp nă,

Khà Làng Bol 1:19

jat be jơnau Yàng Jehôwa neh sồr Môise. Behơ̆ khai kòp khà bol khai tòm ƀlàng ngềt ngơt Sinai:

Khà Làng Bol 1:22

Bơh di kòn sau Simeôn: Jơh ală cau klau bàr jơt nam hala dờng rlau la cau rgơi duh broă tòm mpồl ling neh geh cih sơnđan kòp nă, jat be sră cih sơnđan mat mpồl hìu nhă mơ hìu nhă bol khai dê.