Jude 1:4 - Sră Goh 2018

⁴ Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.

Jude 1:4 ပူးပေါင်းရင်းမြစ်များ

II Samuel 22:5

Ală ryà dà bơta chơt dê neh gơrwàng añ, Ală hiòng dà pràn bơta tơnroh sò tơm di añ.

Đơs Crih 1:1

Lơngai cau lơi in ò jat jơnau bơyai cau iơh bơsak dê, Ò ntào tòm gùng cau glài, Ò nggui bal mơ cau dơñŏ tơnhial;

Đơs Crih 62:2

Mìng dô nă Yàng la lŭ klềr añ jê, mơ bơta dong klàs añ, la theng kơ̆ cê añ jê; añ rơp ò wañ lơnggơh.

Mathiơ 13:25

Mơya tòm tŭ jơh tơl nă cau bic lơhă, gen cau sò tơm tus sih gar ñhơt drung tòm kòi mi, gen lòt.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Broă 15:24

Bơh bol hi neh kơno lah gơs cau ƀà tòm bol hi bulah ò dòp gơnoar lơi bơh bol hi neh đơs ală bơta lơh sơlồng sơlàng mơ lơh dơrcul nùs oh mi.

Galati 2:4

Bol hi neh lơh behơ̆ la tài bơh ală cau ma blac ne mut òm tòm mpồl bol hi, nàng sền òm bơta khat gơboh bol hi geh tòm Yàng Krist Jesu, bol khai kòñ kup bol hi nàng lơh dĭ.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

I Timôthe 5:8

Dilah gơs cau lơi ò sền gàr gơp jơi he, lài ngan la cau tòm hìu nhă he, gen cau hơ̆ neh pơndang sang bơta dòn, behơ̆ la iơh rlau mơ cau ò dòn.

II Timôthe 2:12

Dilah bol he kong jai, gen kung rơp at bồ bal mơ Kơnràñ; Dilah bol he pơndang sang Kơnràñ, gen Kơnràñ kung rơp pơndang sang bol he sơl;

II Timôthe 3:6

Tòm mpồl bol khai gơs cau ƀà mut òm tòm ală hìu, kup bơklơn ală cau ùr gơla àñ bềng tồi glài, gơkòl ală bơta jat nùs hàm kòñ is chồl bơtrut,

I Pier 2:16

Lơh lòt tĕ be cau khat gơboh, mơ bañ ngui bơta khat gơboh hơ̆ lơh kơrnìng kìng bơta iơh bơsak, mơya pal lơh lòt be cau dĭ gơna Yàng Tom Trồ dê.

I Pier 2:8

mơ la “Dô nơm pơnai lŭ gơtup jơng, Dô nơm pơnai lŭ lơh gơtup tìs.” Bol khai gơtup jơng tài bơh ò dòn jat jơnau Yàng, jat be bơta neh lơh nền lài bol khai in rau.

I Pier 4:18

Mơ “dilah cau song ring kung kalke geh dong klàs, gen ală cau ò duh rngòt mơ ală cau glài rơp gơlik mbe lơi taih?”

II Pier 2:10

lài ngan la ală cau lơh lòt jat nùs hàm kòñ is ngkòr ngkàc poac să dê, mơ sền òsơp di ală gơnoar Yàng dê.

II Pier 2:7

Mơ dilah Kơnràñ dong tă Lot la cau song ring, neh kơlôi moat ngan bơh bơta lơh lòt bung jang ală cau iơh bơsak dê,

II Pier 3:7

Mơya trồ tiah gam tŭ do kung la bơh jơnau đơs Kơnràñ dê mơ prap lòi ồs in, geh prap gàr jơl tus di ngai cahrña, la ngai cau ò duh rngòt kong roh rui.

I Jang 2:22

Ñcau la cau đơs blac taih? Hơ̆ la cau ò dòp Yàng Jesu la Bơtau Krist. Cau ò dòp Yàng Bèp mơ Yàng Kòn, hơ̆ la cau sòdră di Bơtau Krist.

Jude 1:15

nàng cahrña, mơ lơh nền glài jơh ală cau ò duh rngòt Yàng Tom Trồ bơh jơh ală broă ò duh rngòt bol khai dê, mơ bơh jơh ală jơnau tràl sơrbil mơ cau glài ò duh rngòt neh đơs tòmdră mơ Kơnràñ.”

Jude 1:18

Bol khai đơs mơ oh mi lah: “Tòm tŭ lồi dut rơp gŏ ală cau jak dơñŏ tơnhial lơh lòt jat bơta hàm kòñ is ò duh rngòt Yàng Tom Trồ bol khai dê.”

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”