Jude 1:3 - Sră Goh 2018

³ Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.

Jude 1:3 ပူးပေါင်းရင်းမြစ်များ

Nehemi 13:25

Añ lah pơrhơng bol khai, srat rma bol khai, pù lơh bàr pe nă bol khai, dŭi sŏ bol khai, sồr bol khai sơnio Yàng Tom Trồ mơ srat lah: “Bol mê rơp ò tòmbau kòn ùr bol mê dê mơ kòn klau bol khai dê, kung ò tòmbau kòn klau bol mê dê mơ kòn ùr bol khai, hala să tòm bol mê ò bau mơ bol khai.

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Jeremi 9:3

“Bol khai bơt lơmpiat bol khai be àtak, Bol khai hòn dờng tòm lơgar bơh bơta blac pơrlồm. Ò di bơh jơnau song; Bol khai ntoat tơngguh bơh bơta iơh do tus bơta iơh ndai, Mơ bol khai ò đal git Añ,” Yàng Jehôwa đơs behơ̆.

Broă 17:3

ai Sră Goh yal loh mơ lơh cơng lah Bơtau Krist pal kong jê sồt, lồc behơ̆ kis wơl bơh bơta chơt. Khai đơs lah: “Yàng Jesu mơ añ bơto yal ală ồng in do hơ̆ la Bơtau Krist.”

Broă 18:28

Bơh khai pràn kơldang bơto tòmdră mơ cau Juda di đap ƀòn lơgar, mơ khai ai Sră Goh lơh cơng lah Yàng Jesu la Bơtau Krist.

Broă 20:27

Bơh añ bơto yal oh mi in git jơh nùs kòñ Yàng Tom Trồ dê ò prap lòi bơta lơi.

Broă 28:28

Behơ̆ oh mi git tĕ lah bơta dong klàs do Yàng Tom Trồ dê neh geh lòt tus hơ cau làng bol bơdìh; mơ bol khai kung rơp iat sơl.” [

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Broă 6:7

Jơnau Yàng Tom Trồ dê sơlo ngai sơlo gơ lòt ơnàng, khà cau bơtê tòm Jerusalem sơlo gơbơtơl oă ngan; kung gơs oă cau gơnoar ơn phan duh khoai dòn dòp Yàng sơl.

Broă 9:13

Anania ho lah: “Ơ Yàng, añ neh kơno oă cau yal bơh cau do neh lơh iơh oă di ală cau sàng goh Yàng dê tòm Jerusalem,

Broă 9:22

Mơya Sol sơlo gơbơtơl pràn kơldang tòm pơndang mơ ală cau Juda ơm tòm Damas, mơ lơh cơng nền lah Yàng Jesu la Bơtau Krist.

I Kôrintô 15:3

Bơta dờng màng sơnròp ngan, añ neh yal ală oh mi in jơnau añ kung neh dòp geh, hơ̆ la Bơtau Krist neh kong chơt bơh glài bol he dê, jat be jơnau Sră Goh;

Galati 2:5

Bol hi ò bài alah di bol khai dô êt lơi, dô êt kung ò sơl, tồ jơnau song Jơnau Niam dê geh ơm kơ̆ wền tòm oh mi.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Galati 6:11

Sền tĕ tê tòm añ cih sră pơyoa do oh mi in, jơnau cih dờng ngan ò git lơh.

Ephesô 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, pơyoa ală cau sàng goh in tòm Ephesô mơ ală cau dòn song tòm Yàng Krist Jesu:

Yal Wơl 21:9

Behơ̆ bol mê pal tă sang bơh di să tòm bol mê dê bơta tồi glài lơh gơhòr mhàm ò gơs glài, bơh bol mê pal lơh bơta di ngan di đap mat Yàng Jehôwa.”

Yal Wơl 9:10

Yàng Jehôwa neh ai añ in bàr nơm mpàn lŭ gơs jơnau cih tòm hơ̆ bơh ràs tê Yàng Tom Trồ dê. Hơđang ală mpàn lŭ hơ̆ la jơh ală jơnau gơnoar sồr mơ Yàng Jehôwa neh ai bol mê in hơđang mơnơm bơh tòm gùl ồs tòm ngai pơjum mpồl jơnum dê.

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in:

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Kôlôse 1:2

pơyoa ală cau sàng goh in mơ ală oh mi dòn song tòm Bơtau Krist ơm tòm Kôlôse: Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê.

I Tesalônika 2:2

Mơya tơnơ̆ mơ tŭ neh kong jê sồt mơ dơñŏ tơnhial tòm Philip, be oh mi neh git, gen bol hi sơlo khin cha tòm Yàng Tom Trồ bol hi dê mơ bơto yal Jơnau Niam Yàng Tom Trồ dê oh mi in digùl oă bơta gơrơndul tòmdră.

I Timôthe 1:18

Ơ Timôthe kòn añ, jat be jơnau gơnoar hwơr neh sơnio bơh mê lài òr, añ cèng jơnau bơto kràñ cê do jào mê in, tồ mê in kơnòm di jơnau hơ̆ nàng tòmlơh bơta tòmlơh khin cha,

I Timôthe 6:12

Tòmlơh tĕ bơta tòmlơh niam bơta dòn dê; sơmbat kơ̆ di bơta kis gam sùm sùm, bơh mê neh geh hòi sac tus hơ bơta hơ̆, mơ kung bơh hơ̆ mơ mê neh yal tơlik bơta yal tơlik niam di đap oă cau lơh cơng.

II Timôthe 1:13

Ai tĕ bơta dòn mơ bơta kòñ gơboh tòm Yàng Krist Jesu nàng kơrmap gàr kơr sơnoa gùng duh khoai song ngan mơ mê neh bơtê bơh di añ.

Sră Pơyoa Pol Dê Pơyoa Tit In 1:4

Añ pơyoa Tit in, la kòn tòm añ jê tòm bơta dòn bal: Dan mê in geh bơta nđàc mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng Dong Klàs bol he dê.

Hebrơ 13:22

Ơ oh mi, añ cih dô êt jơnau do oh mi in, dan oh mi dòp jơnau bơto tơngkah do.

Hebrơ 6:9

Ơ oh mi kòñ gơboh, bulah bol hi đơs behơ̆ mơya bol hi dòn nền ngan lah ală oh mi ơm tòm bơta niam rlau, la ală broă gơ lòt bal mơ bơta dong klàs.

I Pier 5:12

Kơnòm di Silwan, la cau añ sền kung be dô nă oh mi dòn song, añ cih dô êt jơnau do nàng bơto tơngkah oh mi mơ lơh cơng lah do la bơta nđàc song ngan Yàng Tom Trồ dê; oh mi pal ơm kơ̆ tòm bơta nđàc hơ̆.

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

II Pier 2:21

Chan bol khai ò gơs tŭ lơi git gùng bơta song ring dê la niam rlau mơ neh git rau mơya tơnơ̆ wơl pơrlac sang bơta sồr lam sàng goh neh bơto yal bol khai in.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Jude 1:17

Mơya, ơ ală oh mi kòñ gơboh, kah tĕ jơnau ală cau gơnoar bơto dờng Yàng Jesu Krist dê neh đơs lài.

Jude 1:20

Mơya, ơ ală oh mi kòñ gơboh, oh mi bơt bơtào tĕ să tòm oh mi hơđang bơta dòn sàng goh ngan oh mi dê, kơnòm di Yàng Hwềng Goh mơ hòi dan.

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’