Jude 1:11 - Sră Goh 2018

¹¹ Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.

Jude 1:11 ပူးပေါင်းရင်းမြစ်များ

II Ală Bơtau 16:16

Cau gơnoar ơn phan duh khoai Uria lơh jat ală bơta bơtau Ahas neh nting sồr.

Esai 3:11

Bòl glar cau iơh bơsak in! Bơh ală bơta tê bol khai neh lơh gen rơp geh tơm wơl bol khai in.

Esai 3:9

Muh mat bol khai lơh cơng tòmdră wơl mơ bol khai; bol khai ràng tơlik tồi glài bol khai dê be Sôdôm neh lơh; bol khai ò rgơi pồn gơ. Bòl glar bol khai in! Bơh bol khai neh cèng bơta rung rài hơđang să tòm bol khai.

Jeremi 13:27

Añ neh gŏ ală bơta cù kìr ai dê, Hơ̆ la bơta rềs àr bơrnàn, mơ jơnau hòi tòmjà dri tơlàr be ơseh, mơ bơta dri tơlàr ò git ƀàssìl ai dê, hơđang ală dòr di gah ală ƀlàng sre. Ơ Jerusalem, bòl glar ngan ai in! Ai ò bài lơh goh să ai tus di tŭ lơi taih?

Ejekiel 13:3

Jehôwa Yàng Tom Trồ đơs be do: ‘Bòl glar ngan ală cau gơnoar hwơr tùl gơla, ne la ală cau đơs jat hwềng nùs is bol khai dê, mơ ò gŏ bơta lơi ò!

Mice 6:5

Ơ làng bol Añ jê, kah wơl tĕ ală bơta Balak bơtau Môap bơtào kai gơrmơ̆i; mơ ñchi jơnau Balaam kòn klau Beô neh ho wơl khai, mơ ñchi bơta neh gơlik gơs tòm gùng bơh Sitim tus hơ Gilgal, tồ bol mê in git broă lơh dong klàs Yàng Jehôwa dê.”

Sacari 11:17

“Bòl glar ngan cau ê ò kwơ in, la cau ê sang lòi mpồl belàt! Dan đào srơp tơwòr tê khai dê mơ gar mat đah ma khai dê! Dan tơwòr tê khai dê rơp siar tơn, mơ gar mat đah ma khai dê jơngo tơn!”

Khà Làng Bol 31:16

Bol khai la ală cau neh lơh jat jơnau bơyai Balaam dê, mơ la ală cau neh lơh Israel in pơrlac sang Yàng Jehôwa tòm bơta neh gơlik gơs di tiah Pheor, tian gơs dô bơta pluh plàng neh tơnchơt làng bol Yàng Jehôwa dê.

Mathiơ 11:21

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh geh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, ơm tòm bùh mơ gơjrañ sang glài neh jŏ rau.

Yal Wơl 23:4

Bơh bol khai neh ò cèng piang lă mơ dà hùc tus dong kòl bol mê tòm tŭ bol mê lik lòt bơh di Ejiptơ, mơ bol khai neh ơpah Balaam kòn klau Beor bơh Phethor tòm Aram Naharaim nàng srat sơntơm bol mê.

Hebrơ 11:4

Bơh bơta dòn Abel ơn Yàng Tom Trồ in dô nơm phan ơn duh khoai dờng màng rlau mơ phan Kain dê, mơ khai neh geh lơh cơng la song ring, bơh Yàng Tom Trồ dòp phan ơn khai dê; bơh bơta dòn, bulah khai neh chơt rau mơya gam đơs.

II Pier 2:15

Bol khai neh sang gùng song mơ lòt tìs nrah, jat gùng Balaam kòn klau Beô dê, la cau hàm kòñ jền tơngai bơh broă iơh bơsak,

I Jang 3:12

Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.

Yal Tơlik 2:14

Mơya gơs dô êt bơta Añ ò bài mê: Hơ̆ la tềng hơ̆ mê gơs cau ƀà jat bơta bơto sồr Balaam dê, la cau neh bơto Balak ơn dô pơnai lŭ gơtup jơng di đap kòn sau Israel nàng ơniai bol khai sa poac duh khoai rùp ràk mơ tìs glài rềs àr bơrnàn.