Jude 1:1 - Sră Goh 2018

¹ Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Jude 1:1 ပူးပေါင်းရင်းမြစ်များ

Mathiơ 10:3

Philip mơ Bathelemi; Thôma mơ Mathiơ la cau dar dia; Jakơ kòn Alphe mơ Thade;

Mathiơ 13:55

Cau do ò di la kòn cau chài lơh chi ò ơ? Mè khai ò di sơnđan la Mari, mơ ală oh khai ò di la Jakơ, Jôsep, Simôn mơ Jude ò ơ?

Jơnau Niam Jat Mak 3:18

Andre, Philip, Bathelemi, Mathiơ, Thôma, Jakơ kòn Alphe, Thade, Simôn cau Kanaan,

Jơnau Niam Jat Mak 6:3

Cau do ò di la cau chài lơh chi, kòn klau Mari dê, oh mi mơ Jakơ, Jôsep, Jude mơ Simôn dê ò ơ? Ò di ală oh ùr khai dê ơm digùl bol he ò ơ?” Gen bol khai ò dòp Kơnràñ.

Luka 6:16

Jude kòn Jakơ, mơ Juda Iskariôt, la cau rơp gơlik gơs cau pơrlơ̆ dră.

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 14:22

Juda (ò di la Iskariôt) đơs mơ Kơnràñ lah: “Ơ Yàng, gơs ñchi bơta gơlik gơs mơ Kơnràñ rơp yal tơlik să tòm Kơnràñ bol hi in, mơ ò yal tơlik să tòm Kơnràñ dunnia in taih?”

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 17:15

Añ ò dan Bèp tă bol khai bơh di dunnia, mơya dan Bèp sền gàr bol khai klàs bơh bơta iơh.

Jang 17:17

Dan Bèp ai jơnau song lơh bol khai in gơlik gơs sàng goh; jơnau Bèp la jơnau song.

Jang 17:19

Añ bơh bol khai mơ ơn is să Añ jê nàng bol khai in gơlik gơs sàng goh tòm jơnau song.

Jang 6:39

Do la nùs kòñ Bơtau neh sồr Añ lòt tus: Hơ̆ la jơh ală cau Kơnràñ neh ai Añ in, gen Añ ò lòi roh dô nă lơi, mơya Añ pal lơh bol khai in kis wơl tòm ngai lồi dut.

Broă 1:13

Tòm tŭ neh tus tòm ƀòn dờng, bol khai guh tòm dô nơm ơdŭ tap hơđang la tiah Pier, Jang, Jakơ, Andre, Philip, Thôma, Bathelemi, Mathiơ, Jakơ kòn Alphe, Simôn Selôt, mơ Juda kòn Jakơ òs ơm.

Broă 20:32

Tŭ do, añ jào oh mi Yàng Tom Trồ in mơ tòm jơnau bơta nđàc Kơnràñ dê sơl, la jơnau rgơi bơt bơtào mơ ai sre brê oh mi in bal mơ jơh ală cau neh gơlik gơs sàng goh.

Broă 27:23

Bơh tòm mang do Yàng Tom Trồ la Bơtau mơ añ gơrê bal mơ duh broă, neh ai cau gơnrơh Kơnràñ dê ntào di gah añ,

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

Rôma 1:6

Kung bal mơ oh mi la ală cau ơm tòm Rôma, ală cau geh Yàng Tom Trồ hòi sac nàng gơrê hơ Yàng Jesu Krist.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Rôma 6:22

Mơya tòm tŭ do oh mi neh geh hồ toh lik klàs bơh tồi glài, mơ neh gơlik gơs dĭ gơna Yàng Tom Trồ dê, gen cồng nha oh mi dê la bơta gơlik gơs sàng goh, mơ lồi dut la bơta kis gam sùm sùm.

Rôma 8:30

mơ ală cau Kơnràñ neh lơh nền lài, gen Kơnràñ kung neh hòi sac; ală cau Kơnràñ neh hòi sac, gen Kơnràñ kung neh kòp la song ring; ală cau Kơnràñ neh kòp la song ring, gen Kơnràñ kung neh ai bol khai in bơta gơklŏ.

Rôma 9:24

ală gri hơ̆ la bol he, la cau Kơnràñ neh hòi sac, ò di mìng bơh tòm ală cau Juda lơm, mơya kung bơh tòm ală cau làng bol bơdìh sơl.

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

Ephesô 5:26

nàng tơnơ̆ mơ tŭ neh ngui dà mơ Jơnau Yàng nàng rào goh rau, gen lơh Hìu Jum Goh gơlik gơs sàng goh,

I Tesalônika 2:12

Bol hi bơto pơndòm, pơndòm pơniang, mơ lơh cơng oh mi in, tồ oh mi in lơh lòt dô bă di pal ngan mơ Yàng Tom Trồ, la Bơtau hòi oh mi tus hơ lơgar mơ bơta gơklŏ Kơnràñ dê.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

II Timôthe 4:18

Yàng rơp dong tă añ bơh di ală broă iơh bơsak, mơ dong klàs añ nàng mut tòm lơgar Kơnràñ dê hơđang trồ. Dan bơta gơklŏ gơrê hơ Kơnràñ sùm sùm ò lồi! Amen.

Hebrơ 3:1

Behơ̆ gen, ơ oh mi sàng goh la ală cau geh pơnah tòm bơta hòi sac bơh đang trồ, sền kơlôi tĕ di Yàng Jesu la Cau gơnoar bơto dờng mơ Cau gơnoar dờng lam bồ ơn phan duh khoai mơ bol he dòn dòp.

Jakơ 1:1

Jakơ, dĭ gơna Yàng Tom Trồ mơ Yàng Jesu Krist dê, pơyoa jơnau còp să jơt bàr jơi bơtiàn ơm nrah nring làm bă tiah.

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

I Pier 1:5

la ală cau bơh bơta dòn geh sền gàr kơnòm di gơnap gơnoar Yàng Tom Trồ dê, jơl tus di bơta dong klàs tus, la bơta neh rcang sir rơp geh yal tơlik tòm ngai lồi dut.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

Jude 1:21

Kơrmap gàr să tòm he tòm bơta kòñ gơboh Yàng Tom Trồ dê, kơp gơn bơta kòñ nđàc Yàng Jesu Krist bol he dê nàng gơs bơta kis gam sùm sùm.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.