Jôsue 9:27 - Sră Goh 2018

²⁷ Tòm ngai hơ̆, Jôsue lơh di bol khai gơs cau koh lòng ơnòng dà mpồl jơnum in mơ cơnòng duh khoai Yàng Jehôwa in tòm tiah Kơnràñ rơp sac rwah; mơ bol khai lơh behơ̆ jơl tus di ngai do.

Jôsue 9:27 ပူးပေါင်းရင်းမြစ်များ

II Yal Yau 2:16

mơ bol hi rơp koh ală chi lơi pal càng bơh mơnơm Liban, bol hi rơp kơt gơ bal dô bă mơ lòi dàlềng pơrdô gơ tus hơ Jôppa. Bơtau rgơi cèng gơ tus hơ Jerusalem.”

Khà Làng Bol 31:28

Bơh di ală cau ling neh tòmlơh tòm bơta tòmlơh, ơn is tĕ nàng ơn Yàng Jehôwa in dô nă tòm pram rhiang nă, bulah la ală kòn mơnus, ală kơnrồ, ală alàng, ală belàt hala ală be.

Khà Làng Bol 31:30

Bơh di pơnah nggùl ai Israel in, sac rwah tĕ dô nơm tòm kòp pram jơt nơm, bulah la ală kòn mơnus, ală kơnrồ, ală alàng, ală belàt, ală be hala ală phan poan jơng ndai. Ai tĕ ală phan hơ̆ ală cau Lebi in la ală cau gơs broă tòm rcang gàr hìu duh khoai Yàng Jehôwa dê.”

Khà Làng Bol 31:47

Bơh di pơnah nggùl ală cau Israel dê, Môise sac rwah dô nă tòm kòp pram jơt nă cau mơ phan poan jơng, jat jơnau Yàng Jehôwa neh sồr khai, mơ jào ală phan hơ̆ ală cau Lebi in, la ală cau gơs broă tòm rcang gàr Hìu Ing Duh Khoai Yàng Jehôwa in.

Yal Wơl 12:11

Gen gơwèt hơ tiah mơ Jehôwa Yàng Tom Trồ bol mê dê rơp sac rwah lơh gơs tiah ơm sùm sơnđan Kơnràñ dê, bol mê rơp cèng tus tềng hơ̆ jơh ală phan mơ añ sồr bol mê: hơ̆ la ală phan ơn chu pơrguc mơ ală phan ơn duh khoai, ală phan pơnah jơt mơ phan ơn jat nùs kòñ, mơ jơh ală phan is bol mê sac rwah neh ho pơgon ơn Yàng Jehôwa in.

Yal Wơl 12:14

Ơn tĕ ală phan ơn hơ̆ di tiah mơ Yàng Jehôwa rơp sac rwah bơh di dô bă tiah tòm ală jơi bơtiàn bol mê dê, mơ tềng hơ̆ prap gàr lơh jat jơh ală bơta añ sồr bol mê.

Yal Wơl 12:5

Mơya bol mê pal jòi jat tiah mơ Jehôwa Yàng Tom Trồ bol mê dê rơp sac rwah bơh digùl jơh ală jơi bơtiàn bol mê dê nàng ơn sơnđan Kơnràñ dê tềng hơ̆ lơh gơs tiah ơm sùm Kơnràñ dê. Bol mê pal lòt tus tiah hơ̆;

Jôsue 9:21

Ală cau kwang at bồ đơs pơnjat tai lah: “Lòi bol khai in kis, mơya bol khai pal koh lòng ơnòng dà jơh mpồl jơnum Israel in.” Behơ̆, jơnau srat să tòmho ală cau kwang at bồ dê neh geh prap gàr.

Jôsue 9:26

Behơ̆ Jôsue dong bol khai klàs bơh di cau Israel mơ cau Israel ò tơnchơt bol khai.