Jôsue 9:24 - Sră Goh 2018

²⁴ Bol khai đơs mơ Jôsue lah: “Ală cau duh broă ồng dê neh kơno loh làng mbe Jehôwa Yàng Tom Trồ ồng dê neh ai jơnau gơnoar sồr Môise in la cau duh broă Kơnràñ dê, nàng ai ồng in jơh lơgar do mơ tơnroh jơh ală làng bol tòm lơgar bơh di đap ồng. Behơ̆ bol hi rngòt roh bơta kis bol hi dê tòm tê ồng, gen tàng bol hi neh lơh bơta hơ̆.

Jôsue 9:24 ပူးပေါင်းရင်းမြစ်များ

Sră Jop 2:4

Satan ho Yàng Jehôwa lah: “Ai gơltau tơm gơltau; jơh ală phan mơna cau gơs nàng tơm ala bơta kis khai dê.

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Jôsue 10:2

gen bơtau mơ làng bol khai dê gơlik rngòt rngơt dờng ngan, tài bơh Gabaôn la dô nơm ƀòn dờng, kung be dô nơm tòm ală ƀòn dờng bơtau dê, dờng rlau mơ ƀòn Ahi, mơ jơh ală cau klau gơ dê la cau ling jak tòmlơh.

Jôsue 2:11

Dơ̆ bol hi kơno ală bơta hơ̆ gen nùs bol hi gơlề lac jơh, ò gơs cau lơi digùl bol hi gam khin cha tai di đap ală ồng, ngan behơ̆, Jehôwa Yàng Tom Trồ ală ồng dê la Yàng Tom Trồ ơm hơđang trồ ne mơ tòm ù do.

Jôsue 2:9

mơ đơs lah: “Añ git lah Yàng Jehôwa neh ai ală ồng in lơgar do, bơta rngòt ală ồng neh dùh hơđang bol hi, tian gơs jơh ală cau tòm lơgar do rngòt gơdô nùs di đap ală ồng.

Jôsue 6:21

Bol khai ơn jơh ală phan tòm ƀòn dờng bơta tơnroh in, ai đào tơnchơt jơh cau klau mơ cau ùr, cau kơnòm mơ cau kra, kơnrồ, belàt mơ alàng.

Jôsue 9:9

Bol hơ̆ ho lah: “Ală cau duh broă ồng dê neh tus bơh dô nơm lơgar ngài ngan, tài bơh bol hi neh kơno sơnđan Jehôwa Yàng Tom Trồ ồng dê. Bol hi neh kơno cau yal bơh Kơnràñ, mơ jơh ală bơta Kơnràñ neh lơh tòm lơgar Ejiptơ,