Jôsue 9:15 - Sră Goh 2018

¹⁵ Gen Jôsue lơh dô bơta tòmho ring lơngai mơ bol hơ̆, mơ lòi bol khai in kis, mơ ală cau kwang at bồ mpồl jơnum Israel dê srat să tòmho mơ bol hơ̆.

Jôsue 9:15 ပူးပေါင်းရင်းမြစ်များ

II Samuel 21:2

Behơ̆ cau bơtau sồr hòi cau Gabaôn tus mơ tòmbơhbơr mơ bol khai. (Tŭ hơ̆ cau Gabaôn ò di la dô pơnah tòm làng bol Israel, mơya bol khai la cau Amôr gam kis; bulah làng bol Israel neh srat să ho nền ò tơnroh bol khai, mơya Sol neh kòñ pơs tơlik bol khai, bơh nùs ngac ngar khai dê bơh làng bol Israel mơ Juda).

Lik Ejiptơ 23:32

Bañ bơtào bơta ho bal mơ bol khai, hala bal mơ ală yàng bol khai dê.

Jôsue 10:1

Tòm tŭ Adônijedek la bơtau Jerusalem dê, kơno lah Jôsue neh tòmpìt ai ƀòn Ahi, mơ neh tơnroh gơ jơh hir, lơh di ƀòn Ahi mơ bơtau gơ dê kung be khai neh lơh di ƀòn Jerikô mơ bơtau gơ dê; mơ mbe làng bol Gabaôn neh lơh dô bơta tòmho bal mơ làng bol Israel mơ ơm bal mơ bol khai,

Jôsue 10:4

“Guh tĕ tus hơ do dong añ nàng tòmlơh mơ Gabaôn; tài bơh gơ neh lơh bơta tòmho bal mơ Jôsue mơ làng bol Israel.”

Jôsue 11:19

Ò gơs ƀòn lơi lơh bơta tòmho ring lơngai mơ cau Israel, mìng cau Hibit, la cau ơm tòm Gabaôn. Jơh ală tiah hơ̆ neh tòmpìt geh tòm bơta tòmlơh.

Jôsue 9:16

Mơya pe ngai tơnơ̆ mơ tŭ neh lơh bơta tòmho bal mơ bol khai, cau Israel kơno lah bol hơ̆ la cau lơgar ơm rềp mơ bol khai.