Jôsue 8:35 - Sră Goh 2018

³⁵ Ò gơs dô jơnau lơi tòm jơh ală jơnau Môise nting sồr mơ Jôsue ò sền di đap mpồl jơnum Israel dê, gơs ală cau ùr, cau kơnòm, mơ cau làng bơdìh ơm digùl bol khai.

Jôsue 8:35 ပူးပေါင်းရင်းမြစ်များ

Ejra 10:1

Tòm tŭ Ejra hòi dan mơ yal glài, ñìm rac mơ tơmbic să di đap hìu Yàng Tom Trồ dê, gơs dô mpồl gal ngan cau Israel, cau klau, cau ùr mơ cau kơnòm dềt, pơjum bal gùt dar khai, bol khai kung ñìm rac sràt bơtang ngan.

Nehemi 8:2

Gen tàng, cau gơnoar ơn phan duh khoai Ejra cèng bơta boh lam tus di đap mpồl jơnum, cau klau mơ cau ùr, mơ jơh ală cau lơi rgơi iat mơ wă wơng. Hơ̆ la tòm ngai dùl kơnhai poh.

Nehemi 8:3

Khai sền sră tòm toh di ƀlàng dờng di đap Mpồng Dà, bơh rìng àng drim jơl gùl ngai, di đap ală cau klau mơ ală cau ùr la ală cau rgơi wă. Tồr jơh ală làng bol dê ơm iat nền di sră bơta boh lam.

Lik Ejiptơ 12:38

Gơs oă ngan cau làng bol ndai lòt jat bal mơ bol khai, cèng bal oă mpồl phan poan jơng.

Jeremi 26:2

Yàng Jehôwa đơs be do: “Ntào tĕ tòm rơng hìu Yàng Jehôwa, mơ đơs ală jơnau Añ sồr mê đơs mơ ală cau tòm ală ƀòn Juda neh tus nàng duh khoai tòm hìu Yàng Jehôwa dê; bañ pơndut dô jơnau lơi.

Jôel 2:16

Pơjum tĕ làng bol, ơn is tĕ mpồl jơnum; jà tĕ ală cau kwang kra pơjum bal, pơjum tĕ ală kòn dềt, la ală kòn gam pô toh. Lòi cau bơrtơu pa lik bơh di ơdŭ khai dê, mơ cau ƀan pa lik bơh di ơdŭ bic khai dê.

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Jơnau Niam Jat Mak 10:14

Dơ̆ Yàng Jesu gŏ behơ̆ gen gơjrañ mơ đơs mơ ală cau bơtê lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar Yàng Tom Trồ gơrê mơ ală cau be bol khai.

Broă 20:27

Bơh añ bơto yal oh mi in git jơh nùs kòñ Yàng Tom Trồ dê ò prap lòi bơta lơi.

Broă 21:5

Mơya ală ngai ơm bal mơ bol khai neh rlau, bol hi pơnjat lòt gùng tai. Jơh ală bol khai bal mơ ală kòn bau bol khai dê jun bol hi hơ bơdìh ƀòn dờng. Jơh tơl nă cùn gơltang di gah dà mơ hòi dan.

Yal Wơl 29:10

Jơh tơl nă bol mê ntào tòm ngai do di đap mat Jehôwa Yàng Tom Trồ bol mê dê, di đap ală cau kwang lam bồ mơ ală cau kwang at bồ bol mê dê, ală cau kwang kra, mơ jơh ală cau klau tòm Israel,

Yal Wơl 29:11

bal mơ ală kòn sau mơ ală bau ùr bol mê dê, mơ ală cau làng bơdìh ơm kis digùl ală sàl ơm bol mê dê la ală cau koh lòng ơnòng dà bol mê in,

Yal Wơl 29:9

Kơrhia tĕ lơh jat ală bơta lơh nền tòm bơta ho bal do tồ bol mê rgơi geh bơtoah bơtoài tòm jơh ală broă bol mê lơh.

Yal Wơl 31:12

Hòi pơjum tĕ làng bol, ală cau klau, ală cau ùr mơ ală cau kơnòm, ală cau làng bơdìh ơm kis tòm ală ƀòn dờng bol mê dê, tồ bol khai rgơi ơm iat mơ bơtê duh rngòt di Jehôwa Yàng Tom Trồ bol mê dê mơ kơrhia lơh jat jơh ală jơnau bơta boh lam do dê,

Yal Wơl 4:2

Bañ bơtơl jơnau lơi hơđang ală jơnau mơ añ sồr bol mê mơ kung bañ pơndut jơnau lơi bơh di ală jơnau hơ̆, mơya prap gàr tĕ ală jơnau sồr Jehôwa Yàng Tom Trồ bol mê dê mơ añ ai bol in.