Jôsue 8:33 - Sră Goh 2018

³³ Jơh Israel, cau làng bơdìh mơ cau làng tòm bal mơ ală cau kwang kra bol khai dê, ală cau kwang at bồ mơ ală cau kwang cahrña ntào bàr gah Đài Bơta Ho Bal Yàng Jehôwa dê, di đap ală cau gơnoar ơn phan duh khoai tòm jơi bơtiàn Lebi, la ală cau tùng Đài Bơta Ho Bal Yàng Jehôwa dê, nggùl tòm bol khai ơm di đap mơnơm Gerijim, mơ nggùl ơm di đap mơnơm Ebal, jat be Môise cau duh broă Yàng Jehôwa dê neh sồr dơ̆ sơnròp, mơ bol khai pal ai lơngai làng bol Israel in.

Jôsue 8:33 ပူးပေါင်းရင်းမြစ်များ

Lik Ejiptơ 12:49

Cau deh tòm lơgar bal mơ làng bol bơdìh ơm digùl bol mê pal kah prap dô nơm bơta boh lam do.”

Lebi 24:22

Bol mê pal gơs mìng dô bơta boh lam cau làng bơdìh mơ cau deh tòm lơgar in. Añ la Jehôwa Yàng Tom Trồ bol mê dê.’”

Khà Làng Bol 15:15

Mpồl jơnum làng bol kung pal gơs ală sơnoa rnoas ndròm bal bol mê in mơ cau làng bơdìh in ơm kis digùl bol mê; hơ̆ la dô bơta lơh nền gam sùm ală rài rơp tus in. Bol mê mơ cau làng bơdìh rơp gơs ndròm bal di đap Yàng Jehôwa.

Khà Làng Bol 15:16

Bol mê mơ cau làng bơdìh ơm kis digùl bol mê rơp gơs ală bơta boh lam mơ ală bơta sồr lam ndròm bal.’”

Khà Làng Bol 15:29

Dô bơta boh lam do rơp lơh gơs kòp nă cau in tìs glài gơtup gơtơl, bulah khai la cau deh tòm lơgar hala cau làng bơdìh.

Jang 4:20

Ồng pàng bol hi neh duh khoai hơđang mơnơm do, ai ală Ồng gen đơs lah tiah pal duh khoai la tòm Jerusalem.”

Yal Wơl 11:29

Tòm tŭ Jehôwa Yàng Tom Trồ bol mê dê neh cèng bol mê tus tòm lơgar mơ bol mê rơp mut nàng dòp leng, bol mê rơp ơn bơta ai lơngai hơđang mơnơm Gerijim, mơ bơta srat sơntơm hơđang mơnơm Ebal.

Yal Wơl 31:12

Hòi pơjum tĕ làng bol, ală cau klau, ală cau ùr mơ ală cau kơnòm, ală cau làng bơdìh ơm kis tòm ală ƀòn dờng bol mê dê, tồ bol khai rgơi ơm iat mơ bơtê duh rngòt di Jehôwa Yàng Tom Trồ bol mê dê mơ kơrhia lơh jat jơh ală jơnau bơta boh lam do dê,

Yal Wơl 31:25

gen khai ai jơnau gơnoar sồr do ală cau Lebi in la cau tùng Đài Bơta Ho Bal Yàng Jehôwa dê mơ đơs lah:

Yal Wơl 31:9

Behơ̆ Môise cih bơta boh lam do mơ ai gơ ală cau gơnoar ơn phan duh khoai in, la ală cau tùng Đài Bơta Ho Bal Yàng Jehôwa dê, mơ kung ai gơ jơh ală cau kwang kra Israel in.

Jôsue 23:2

gen Jôsue hòi pơjum jơh Israel, jơh ală cau kwang kra mơ ală cau kwang at bồ, ală cau kwang cahrña mơ ală cau kwang ling bol khai dê mơ đơs mơ bol khai lah: “Tŭ do añ să neh kra sơnam neh jòng rau;

Jôsue 24:1

Gen Jôsue pơjum bal jơh ală jơi bơtiàn Israel dê tòm Sicem. Khai hòi jơh ală cau kwang kra, ală cau kwang at bồ, ală cau kwang cahrña, mơ jơh ală cau kwang ling Israel dê, mơ bol khai tus pơjum bal di đap Yàng Tom Trồ.

Jôsue 3:14

Behơ̆ tòm tŭ làng bol lik bơh ală sàl bol khai dê nàng tiă hiòng Jordan, gen ală cau gơnoar ơn phan duh khoai tùng Đài Bơta Ho Bal mơ lòt di đap làng bol.

Jôsue 3:3

mơ ai jơnau sồr làng bol lah: “Tòm tŭ bol mê gŏ ală cau gơnoar ơn phan duh khoai bal mơ ală cau Lebi tùng Đài Bơta Ho Bal Jehôwa Yàng Tom Trồ bol mê dê, gen bol mê pal tă sàl bol mê dê mơ lòt jat gơ,

Jôsue 3:6

Jôsue đơs mơ ală cau gơnoar ơn phan duh khoai lah: “Tùng tĕ Đài Bơta Ho Bal lòt lài mơ làng bol.” Behơ̆, bol khai tùng Đài Bơta Ho Bal mơ lòt lài mơ làng bol.

Jôsue 4:10

Ală cau gơnoar ơn phan duh khoai tùng Đài Bơta Ho Bal neh ơm digùl hiòng Jordan jơl tus di tŭ làng bol neh lơh sir jơh ală bơta mơ Yàng Jehôwa neh sồr Jôsue yal wơl làng bol in, jat jơh ală bơta Môise neh nting sồr Jôsue. Làng bol tiă hiòng sơrbac sơrbang.

Jôsue 4:18

Gen ală cau gơnoar ơn phan duh khoai tùng Đài Bơta Ho Bal Yàng Jehôwa dê guh bơh hiòng. Tòm tŭ mpàng jơng bol khai dê jă hơđang ù rañ rsơh, gen dà hiòng Jordan gơhòr rê wơl hơ tiah yau gơ dê mơ hòr bam ngơr wơl jơh ală đah be lài.

Jôsue 6:6

Behơ̆ Jôsue kòn klau Nun hòi ală cau gơnoar ơn phan duh khoai mơ đơs mơ bol khai lah: “Tùng tĕ Đài Bơta Ho Bal Yàng Jehôwa dê mơ gơs poh nă cau gơnoar ơn phan duh khoai at poh nơm kơlwòk ngke belàt dam lòt hơđap Đài Yàng Jehôwa dê.”