Jôsue 8:31 - Sră Goh 2018

³¹ kung be Môise cau duh broă Yàng Jehôwa dê neh bơto sồr cau Israel, be neh cih tòm Sră Bơta Boh Lam Môise dê: “dô nơm cơnòng duh khoai bơt mơ lŭ òhềt phàt mơ òhềt ngui pơnhàt lòs.” Hơđang hơ̆ bol khai ơn phan duh khoai chu pơrguc Yàng Jehôwa in, mơ ơn phan duh khoai bơta ring lơngai dê.

Jôsue 8:31 ပူးပေါင်းရင်းမြစ်များ

II Ală Bơtau 14:6

Mơya khai ò lơh glài tơnchơt ală kòn sau cau tơnchơt cau hơ̆, tòm toh be jơnau neh cih tòm sră bơta boh lam Môise dê; tòm hơ̆ Yàng Jehôwa neh đơs lah: “Cau rơp ò tơnchơt bèp ala kòn, kung rơp ò tơnchơt kòn ala bèp; kòp nă rơp chơt bơh tồi glài is he dê.”

II Ală Bơtau 22:8

Cau gơnoar dờng lam bồ ơn phan duh khoai Hilkia đơs mơ cau gơnoar cih Saphan lah: “Añ neh jòi bàn dap sră bơta boh lam tòm hìu duh khoai Yàng Jehôwa dê.” Hilkia jào sră hơ̆ Saphan in, mơ khai sền sră hơ̆.

II Yal Yau 25:4

Mơya khai ò tơnchơt ală kòn sau bol hơ̆ dê, jat be neh cih tòm sră bơta boh lam Môise dê, mơ Yàng Jehôwa neh sồr: “Mè bèp ò kong tơnchơt ala ală kòn in, hala ală kòn ò kong tơnchơt ala mè bèp in; mơya jơh tơl nă pal kong chơt bơh glài is he dê.”

II Yal Yau 35:12

Bol khai ơn is ală phan ơn chu pơrguc nàng bol khai tòmpà gơ jat ală mpồl jơi bơtiàn ală hìu nhă tòm làng bol, nàng ơn Yàng Jehôwa in, be neh cih tòm Sră Môise dê. Bol khai kung lơh tòm toh behơ̆ mơ ală kơnrồ dam.

Ejra 6:18

Mơ bol khai jào ală cau gơnoar ơn phan duh khoai jat mpồl bol khai dê mơ ală cau Lebi in jat tap sèng ală mpồl bol khai dê nàng duh broă Yàng Tom Trồ tòm Jerusalem, jat be neh cih tòm sră Môise dê.

Nehemi 13:1

Tòm ngai hơ̆ cau sền sră Môise làng bol in kơno, mơ tềng hơ̆ neh cih lah cau Ammôn mơ cau Môap ò tŭ lơi geh mut tòm mpồl jơnum Yàng Tom Trồ dê,

Lik Ejiptơ 18:12

Gen Jetrô po bèp Môise dê, ơn dô nơm phan ơn chu pơrguc bal mơ ală phan ơn duh khoai ndai Yàng Tom Trồ in; Arôn mơ jơh ală cau kwang kra Israel dê tus sa piang lă bal mơ po bèp Môise dê, di đap Yàng Tom Trồ.

Lik Ejiptơ 24:5

Lồc behơ̆, khai sồr ală cau pơnu Israel, mơ bol khai ơn phan chu pơrguc mơ ơn ală kơnrồ dam lơh gơs ală phan ơn bơta ring lơngai Yàng Jehôwa in.

Mathiơ 12:26

Dilah cà Satan bơtrơh cà Satan gen gơcah is gơ dê, lơgar gơ mbe rgơi gam kơ̆ taih?

Yal Wơl 27:2

Tòm tŭ bol mê neh tiă Jordan mơ mut tòm lơgar mơ Jehôwa Yàng Tom Trồ bol mê dê ai bol mê in gen bơtào tĕ dô êt pơnai lŭ dờng mơ ai cùr pih gơ.

Yal Wơl 27:8

Mơ bol mê rơp cih loh làng ngan jơh ală jơnau bơh bơta boh lam do hơđang ală pơnai lŭ mơ bol mê neh bơtào.”

Jôsue 1:8

Sră bơta boh lam do bañ ngài bơh di bơr mê, kơlôi sơnơng tĕ gơ ngai mơ mang, nàng kơrhia lơh jat jơh ală bơta neh cih tòm hơ̆; behơ̆ sồng mê rơp geh bơtoah tòm gùng dà mê dê mơ gơlik cồng nha.