Jôsue 8:28 - Sră Goh 2018

²⁸ Behơ̆ Jôsue neh chu ƀòn Ahi, mơ neh lơh gơ in gơlik dô gơnru tơrlah tơrlơm gam sùm sùm, be gơ gơs tus di ngai do.

Jôsue 8:28 ပူးပေါင်းရင်းမြစ်များ

II Ală Bơtau 19:25

Mê òhềt gơs tŭ lơi kơno lah Bơta do Añ neh lơh nền jŏ rau ơ? Añ neh rơndap nền bơh rài yau, Tŭ do, Añ lơh bơta hơ̆ gơlik gơs, Nàng mê in phà tơrlah ală ƀòn kơ̆ cê gơlik dô gơnru lề lac.

Esai 17:1

Do la dô jơnau đơs hwơr bơh Damas: “Do, Damas rơp ò gam geh kòp la dô nơm ƀòn dờng, mơ rơp gơlik gơs dô gơnru tơrlah tơrlơm.

Esai 25:2

Kơnràñ neh lơh ƀòn dờng in gơlik gơs dô gơnru bơcah lề, ƀòn dờng kơ̆ cê in gơlik gơs ƀòn dờng tơrlah tơrlơm, gơlang làng bol bơdìh ò gam la dô nơm ƀòn dờng tai, gơ rơp ò gơs tŭ lơi geh bơt bơtào wơl.

Jeremi 49:2

Yàng Jehôwa đơs: “Gen tàng, ală ngai rơp tus nền cê ngan, Tòm tŭ Añ rơp yal jơnau tơnggit bơh kơlìn gơtoă Tòmdră mơ Rapbah cau Ammôn dê, Gơ rơp gơlik gơs dô gơnru tơrlah tơrling; ală ƀòn gùt dar rơp kong chu mơ ồs, Tŭ hơ̆ Israel rơp tòmpìt ai sre brê ală cau neh tòmpìt sre brê khai.” Yàng Jehôwa đơs behơ̆.

Jeremi 50:26

Bơh poan đah jơng trồ tus tĕ tòmdră mơ gơ; Pò tĕ ală đam jàr gơ dê, Rơndap gơ be gơnru kòi, mơ tơnroh jơh tĕ; Bañ lòi wơl dô êt lơi gơ in!

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Yal Wơl 13:16

Pơjum tơrgòm jơh ală phan tòmpìt geh tòm ƀlàng pơjum làng bol mơ ai ồs chu tơnroh jơh hir ƀòn dờng bal mơ jơh ală phan tòmpìt geh gơ dê lơh gơs dô nơm phan ơn chu pơrguc Jehôwa Yàng Tom Trồ bol mê in. Ƀòn dờng do pal sang lòi tơrlah tơrling gam sùm sùm, ò gơs tŭ lơi geh bơt bơtào wơl.

Yal Wơl 13:17

Ò gơs dô nơm phan lơi tòm ală phan neh gơkòl sang lòi tơnroh geh jòi bàn tòm tê bol mê dê tồ Yàng Jehôwa rơp tòmgơl bơta gơjrañ dờng Kơnràñ dê mơ Kơnràñ rơp yal tơlik bơta nđàc bol mê in, gơs nùs kòñ nđàc di bol mê mơ lơh khà làng bol bol mê dê geh gơbơtơl oă tòm toh jat be Kơnràñ neh ho pơgon mơ ală ồng pàng bol mê dê,

Jôsue 4:9

(Jôsue rơndap jơt bàr pơnai lŭ neh tă bơh digùl hiòng Jordan, di tiah jơng ală cau gơnoar ơn phan duh khoai tùng Đài Bơta Ho Bal neh ntào. Ală lŭ hơ̆ gam tềng hơ̆ jơl tus di ngai do.)

Jôsue 8:29

Khai yồng bơtau Ahi hơđang dô nơm chi jơl tus di mho; tŭ mattơngai mut, Jôsue ai jơnau sồr tơmù ƀồc khai bơh di chi mơ sơrbì gơ di mpồng ƀòn, mơ bol khai rơndap lŭ dô gơnru dờng hơđang gơ gam tềng hơ̆ tus di ngai do.