Jôsue 8:1 - Sră Goh 2018

¹ Gen Yàng Jehôwa đơs mơ Jôsue lah: “Mê bañ rngòt, bañ gơplơ̆ nùs; lam tĕ jơh cau ling tòmlơh bal mơ mê, mơ guh tus hơ Ahi, bơh Añ neh jào tòm tê mê bơtau Ahi dê, bal mơ làng bol, ƀòn dờng mơ lơgar khai dê.

Jôsue 8:1 ပူးပေါင်းရင်းမြစ်များ

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 44:3

Bơh bol khai ò di kơnòm di đào tòm bol khai dê mơ geh lơgar, Kung ò kơnòm di tơwòr tê tòm bol khai dê mơ geh pha; Mơya kơnòm di tê ma Yàng dê, Bơh Yàng neh hừh nùs di bol khai.

Đơs Crih 46:11

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Jeremi 46:27

Ai mê, ơ dĭ gơna Añ la Jakôp, bañ rngòt!; Ơ Israel, bañ rngòt rngơt! Bơh Añ rơp dong tă mê bơh lơgar ngài, rơp lơh jơi bơtiàn mê lik bơh lơgar bol khai kong kup gơs dĭ. Jakôp rơp rê wơl, geh lơngap lơngai, ò gơs cau lơi lơh khai in rngòt rngơt tài.”

Jeremi 49:3

“Ơ Hesbôn, ñìm rac tĕ, bơh Ahi neh kong phà tơrlah! Ơ kòn ùr Rapbah, driau nggà tĕ! Soh tĕ ào ƀào sơnò kiat, ñìm rac tĕ, mơ sơyoă să tòm bol mê mơ gai sơyoă! Bơh Milkôm rơp kong kup cèng gơs dĭ bal mơ ală cau gơnoar ơn phan duh khoai mơ ală kwang at bồ gơ dê.

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Daniel 4:25

Làng bol bơtau dê rơp bơtrơh bơtau bơh di gơlang bơtau dê. Bơtau rơp ơm tòm ƀlàng kung be kơnrồ, mơ rơp kong sùh mơ dà tŭ bơh đang trồ. Tòm poh sơnam, bơtau pal kis behơ̆, jơl tus di tŭ bơtau đal git lah Bơtau Hơđang Rlau Jơh at bồ tòm ală lơgar kòn mơnus dê, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Mathiơ 8:26

Yàng Jesu đơs lah: “Ơ ală cau gơs dô êt bơta dòn, ñchi bơh tài bol mê rngòt taih?” Chòp Kơnràñ ntào, lah pơrhơng càl mơ dàlềng, gen gơs ring drik ngan.

Yal Wơl 1:21

Sền ne, Jehôwa Yàng Tom Trồ bol mê dê neh ai lơgar bol mê in. Lòt guh tĕ mơ dòp sre brê jat be Jehôwa Yàng Tom Trồ ală ồng pàng bol mê dê neh đơs mơ bol mê. Bañ rngòt, bañ gơplơ̆ nùs.’

Yal Wơl 31:8

Să tòm Yàng Jehôwa rơp lòt di đap bol mê mơ rơp ơm bal mơ bol mê, Kơnràñ rơp ò tŭ lơi sang bol mê hala lòi bol mê. Bañ rngòt; bañ gơplơ̆ nùs.”

Yal Wơl 7:18

Mơya bañ rngòt di bol khai; kah tĕ nền cê ală bơta mơ Jehôwa Yàng Tom Trồ bol mê dê neh lơh di Pharaôn mơ jơh ală cau Ejiptơ.

Yal Wơl 7:21

Bañ rngòt rngơt di bol khai bơh Jehôwa Yàng Tom Trồ bol mê dê la Bơtau ơm digùl bol mê la dờng mơ pal rngòt ngan.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Jôsue 10:7

Behơ̆ Jôsue guh bơh Gilgal bal mơ jơh mpồl ling khai dê, bal mơ jơh ală cau ling tòmlơh jak.

Jôsue 10:8

Yàng Jehôwa đơs mơ Jôsue lah: “Bañ rngòt di bol khai, Añ neh jào bol khai tòm tê mê; ò gơs cau lơi tòm bol khai rgơi ntào jai di đap mê.”

Jôsue 2:24

Bol khai đơs mơ Jôsue lah: “Di ngan Yàng Jehôwa neh jào jơh lơgar tòm tê bol he dê; jơh làng bol tòm lơgar neh gơdô nùs rngòt di đap bol he.”

Jôsue 6:2

Yàng Jehôwa đơs mơ Jôsue lah: “Sền ne, Añ neh jào tòm tê mê ƀòn Jerikô bal mơ cau bơtau mơ jơh mpồl ling gơ dê.

Jôsue 7:9

Làng bol Kanaan mơ jơh ală làng bol ơm tòm lơgar rơp kơno bơh ală bơta hơ̆, mơ bol khai rơp gơrwàng bol hi mơ tơnroh sơnđan bol hi bơh di ù; gen ñchi Kơnràñ rơp lơh mơ sơnđan dờng Kơnràñ dê taih?”