Jôsue 7:20 - Sră Goh 2018

²⁰ Mơ Akan ho lah: “Ngan, añ la cau neh tìs glài mơ Jehôwa Yàng Tom Trồ Israel dê, mơ do la bơta añ neh lơh:

Jôsue 7:20 ပူးပေါင်းရင်းမြစ်များ

Sơnròp Gơlik Gơs 42:21

Bol khai đơs bal lah: “Di ngan bol he gơs glài mơ oh he rau, bơh tŭ lài bol he gŏ hwềng khai moat jrùng tòm tŭ khai dan bơta nđàc, mơya he ò bài iat, gen tàng behơ̆ bơta bòl glar do tus mơ he.”

Sră Jop 33:27

Cau hơ̆ đơs chò bal mơ ală cau ndai mơ đơs lah: ‘Añ neh tìs glài, mơ lơh rkwet rkwe bơta song ngan, mơ ò di tơm wơl di añ.

Sră Jop 7:20

Dilah añ neh tìs glài, ñchi bơta añ lơh di Yàng taih? Yàng la Cau Ê Gàr jơi kòn mơnus! Ñchi bơh tài Yàng lơh añ gơlik dô nơm tơnggu pañ taih? Ñchi bơh tài añ neh gơlik gơs dô nơm ơnòng kơnjơ̆ Yàng in taih?

Đơs Crih 38:18

Añ yal glài iơh bơsak añ jê, Añ moat jrùng bơh tồi glài añ jê.

Lik Ejiptơ 10:16

Gen Pharaôn hòi Môise mơ Arôn tus mơ đơs lah: “Añ neh tìs glài mơ Jehôwa Yàng Tom Trồ bol mê dê, bal mơ bol mê tai sơl.

Lik Ejiptơ 9:27

Gen Pharaôn sồr hòi Môise mơ Arôn tus mơ đơs lah: “Dơ̆ do añ neh tìs glài, Yàng Jehôwa la di; añ mơ làng bol añ jê la tìs.

Khà Làng Bol 22:34

Balaam đơs mơ cau gơnrơh Yàng Jehôwa dê lah: “Añ neh tìs glài. Añ ò đal git Kơnràñ ntào tòm gùng nàng kơryan añ. Tŭ do dilah Kơnràñ ò niam nùs, añ rơp rê wơl.”

Mathiơ 26:9

Bơh mơñà ƀô bơlhu do rgơi tac geh oă jền nàng pà cau rƀah lơòi in.”

Mathiơ 27:4

mơ đơs lah: “Añ neh tìs glài bơh neh bơtào mhàm ò gơs glài.” Mơya bol khai đơs lah: “Broă hơ̆ gơs ñchi gơkwă mơ bol hi taih? Kong mê dê!”

Jôsue 7:19

Gen Jôsue đơs mơ Akan lah: “Ơ kòn klau añ jê, lơh gơklŏ tĕ Jehôwa Yàng Tom Trồ Israel dê, mơ yal glài tĕ mơ Kơnràñ; tŭ do yal tĕ añ in ñchi mê neh lơh, bañ pồn bơta hơ̆ bơh di añ.”

Jôsue 7:21

Tòm tŭ añ gŏ tòm phan phà kup gơs dô nơm ào jrùh hàng mơnĕ bơh Sinar, bàr rhiang sieklơ priă, mơ dô pơnai màh kơnjơ̆ pram jơt sieklơ, añ neh hàm kòñ ală phan hơ̆ mơ neh ai gơ. Tŭ do ală phan hơ̆ neh pồn tòm ù tòm dơlam sàl añ jê, bal mơ priă ơm hơđơm.”

I Samuel 15:24

Gen Sol đơs mơ Samuel lah: “Añ neh tìs glài. Añ neh lơh tìs mơ jơnau sồr Yàng Jehôwa dê mơ jơnau bơto sồr ồng dê. Añ neh rngòt di làng bol mơ lơh jat jơnau bol khai dê.

I Samuel 15:30

Gen Sol đơs lah: “Añ neh tìs glài, mơya tŭ do dan sền dờng màng añ di đap ală cau kwang kra làng bol añ jê mơ di đap Israel, mơ rê wơl tĕ mơ añ nàng añ duh khoai Jehôwa Yàng Tom Trồ ồng dê.”